କାଶୀପୁର:(ଅଞ୍ଜନ କୁମାର ନଏକ)ରାୟଗଡ଼ା ଜିଲ୍ଲା କାଶୀପୁର ଠାରେ ତାଲୁକା ଆଇନ ସେବା ସମିତି ଓ କାଶୀପୁର ବ୍ଲକ ପକ୍ଷରୁ ୪ ଜଣ ଦିବ୍ୟଙ୍ଗଙ୍କୁ ଚକଲଗା ଚୈର ୩ ଜଣ ଅନ୍ଧ ଙ୍କୁ ଆଶାବାଡି , ତାଲୁକା ଆଇନ ସେବା ସମିତି ଓ କାଶୀପୁର ବ୍ଲକ ପକ୍ଷରୁ ମିଳିତ ଭାବେ ପ୍ରଦାନ କରାଯାଇଛି ।
ଚଳିତ ମାସ ୨୨/୫ ରୁ ୨୯/୫ ପର୍ଯ୍ୟନ୍ତ ସାରାରାଜ୍ୟ ରେ ଉକ୍ତ କାର୍ଯ୍ୟକ୍ରମ ଆରମ୍ଭ ହେଇଯାଇଥିବା ବେଳେ ଗୁରୁବାର ଦିନ ଦ୍ବୀପହର ସମୟରେ କାଶୀପୁର ବ୍ଲକ ସାମାଜିକ ସୁରକ୍ଷା କର୍ମଚାରୀଙ୍କ ସହିତ କାଶୀପୁର ଜେଏମଏଫସି ଅଦାଲତ ପକ୍ଷରୁ କାର୍ଯ୍ୟକ୍ରମ ଅନୁଷ୍ଠିତ ହେଇଯାଇଛି ।
ଜେଏମଏଫସି ତଥା କାଶୀପୁର ତାଲୁକା ଆଇନ ସେବା ସମିତି ଅଧ୍ୟକ୍ଷ ଶୋଭନ କୁମାର ପଣ୍ଡାଙ୍କର ଅଧ୍ୟକ୍ଷତାରେ କାର୍ଯ୍ୟକ୍ରମ ରେ ବ୍ଲକ ସାମାଜିକ ସୁରକ୍ଷା ସମିତି ଅଧିକାରୀ ରମାକାନ୍ତ କୁମ୍ଭାରୀକା ,କାଶୀପୁର ଅକିଲ ସଂଘ ସଭାପତି କାହ୍ନଇ ଲାଲ ଜୈନ ଓ ଏପିପି କର୍ମ ଚାନ୍ଦ ପ୍ରଧାନ ଉପସ୍ଥିତ ଥିଲେ। କାର୍ଯ୍ୟକ୍ରମ ରେ କାଶୀପୁର ଗ୍ରାମପଞ୍ଚାୟତ ଅନ୍ତର୍ଗତ କୁମ୍ଭାରଶିଳା ଗ୍ରାମର ଅନ୍ଧ ଙ୍କ ମଧ୍ୟରୁ ଶକୁନ୍ତଳା କୁମ୍ଭାର, ରାମୁଲୁ କୁମ୍ଭାର, ସମ୍ବାରୀ କୁମ୍ଭାର ଙ୍କୁ ଆଶାବାଡି ପ୍ରଦାନ କରାଯାଇଥିବା ବେଳେ ୩ ଜଣ ଦିବ୍ୟଙ୍ଗ ମଧ୍ୟରୁ ରାଧିକା କୁମ୍ଭାର, ଚଇତି କୁମ୍ଭାର ଅନ୍ୟ ଏକ ଦିବ୍ୟଙ୍ଗ କୁ ଚକଲଗା ଚୈର ପ୍ରଦାନ କରାଯାଇଥିଲା ।
ସେହିପରି ତଳଝିରି ଗ୍ରାମପଞ୍ଚାୟତ ଅନ୍ତର୍ଗତ ଉପର ପାଡିଖାଲ ଗ୍ରାମର ସବାମଣି ନାଏକ ଙ୍କୁ ଏକ ଚକ ଲଗା ଚୈର ପ୍ରଦାନକରାଯାଇ ଥିଲା । ଉକ୍ତ କାର୍ଯ୍ୟକ୍ରମ ରେ ଅନ୍ୟ କର୍ମଚାରୀ ମାନଙ୍କ ମଧ୍ୟରେ ଜେମେଏଫସି ପକ୍ଷରୁ ସୂର୍ଯ୍ୟକାନ୍ତ ସାହୁ ,ସନ୍ତୋଷ କୁମାର ନାୟକ,ଯୁସମନ୍ତ କୁମ୍ଭାର ଓ ଅନ୍ୟ ସବୁ ଉପସ୍ଥିତ ଥିଲେ ।
