ବୌଦ୍ଧ (ଚିତ୍ତରଞ୍ଜନସିଂ):- ଓଡିଶା ମାଧ୍ୟମିକ ଶିକ୍ଷା ବୋର୍ଡ ପକ୍ଷରୁ ମ୍ୟାଟ୍ରିକ ପରୀକ୍ଷା ଫଳ ପ୍ରକାଶିତ ହୋଇଥିବା ବେଳେ ବୌଦ୍ଧ ଜିଲ୍ଲାରେ ମ୍ୟାଟ୍ରିକ ପାସ ହାର 96.76 ପ୍ରତିଶତ ରହିଥିବା ଜଣାପଡିଛି l ଜିଲ୍ଲାର 75 ଟି ଉଚ୍ଚ ବିଦ୍ୟାଳୟର 6 ହଜାର 5 ଶହ 10 ଜଣ ଛାତ୍ରଛାତ୍ରୀ ଚଳିତ ବର୍ଷ ରେଗୁଲାର ମ୍ୟାଟ୍ରିକ ପରୀକ୍ଷା ଦେଇଥିବା ବେଳେ 6 ହଜାର 2 ଶହ 99 ଜଣ ପାସ କରିଛନ୍ତି l
ସେମାନଙ୍କ ମଧ୍ୟରୁ A1 ଗ୍ରେଡ଼ରେ 8 ଜଣ, A2 ଗ୍ରେଡ଼ରେ 154 ଜଣ, B1 ଗ୍ରେଡ଼ରେ 629 ଜଣ, B2 ଗ୍ରେଡ଼ରେ 1077 ଜଣ, ଛି ଗ୍ରେଡ଼ରେ 1467 ଜଣ, D ଗ୍ରେଡ଼ରେ 1710 ଜଣ, E ଗ୍ରେଡ଼ରେ 1254 ଜଣ ପାସ କରିଥିବା ଜଣାପଡିଛି l ଜିଲ୍ଲାରେ ଛାତ୍ରୀଙ୍କ ପାସ ହାର ଅଧିକ ଥିବାବେଳେ 3358 ଜଣ ଛାତ୍ରୀ ଏବଂ 2941 ଜଣ ଛାତ୍ର ପାସ କରିଛନ୍ତି l
ସେହିପରି ବୌଦ୍ଧ ସରସ୍ବତୀ ଶିଶୁ ବିଦ୍ୟାମନ୍ଦିର ଛାତ୍ରୀ ଅର୍ପିତା ପ୍ରିୟଦର୍ଶିନୀ ଶତପଥି 558 ନମ୍ବର ରଖି ଜିଲ୍ଲାରେ ପ୍ରଥମ ହୋଇଥିବା ବେଳେ ବୌଦ୍ଧ ସରସ୍ବତୀ ଶିଶୁ ବିଦ୍ୟାମନ୍ଦିର ଛାତ୍ରୀ ଅପର୍ଣ୍ଣା ମହାପାତ୍ର 556 ନମ୍ବର ରଖି ଜିଲ୍ଲାରେ ଦ୍ଵିତୀୟ ଏବଂ ଧଳପୁର ରାଜେନ୍ଦ୍ର ନାରାୟଣ ଉଚ୍ଚ ବିଦ୍ୟାଳୟର ଛାତ୍ର ଓମ ପ୍ରାସାଦ ହୋତା 550 ନମ୍ବର ରଖି ଜିଲ୍ଲାରେ ତୃତୀୟ ସ୍ଥାନ ଅଧିକାର କରିଛନ୍ତି l
