ମୁନିଗୁଡା :(ରମାକାନ୍ତ ପୋଡାଳ)ଜଳ କଷ୍ଟ ସହି ନପାରି ଗ୍ରାମର ଶତାଧିକ ମହିଳା ଓ ପୁରୁଷ ମାନେ ପମ୍ପ ହାଉସ ନିକଟର ଗରା ମାଠିଆ ଧରି ଆନ୍ଦୋଳନ ରେ ବସିବା ସହ rwss ର କନିଷ୍ଠ ଯନ୍ତ୍ରୀ ରମେଶ ମିଞ୍ଜଙ୍କୁ ଦୀର୍ଘ ସମୟ ଧରି ପମ୍ପ ହାଉସ ଭିତରେ ତାଲା ପକାଇ ଅଟକ ରଖିଥିଲେ।
ପ୍ରକାଶ ଥାଉକି ରାୟଗଡ଼ ଜିଲ୍ଲା ମୁନିଗୁଡ଼ା ବ୍ଲକ ଡିମିରିଗୁଡା ଓ ରଘୁବାରୀ ପଞ୍ଚାୟତର ଥିବା ଗ୍ରାମ ବାସୀଙ୍କୁ ପାନୀୟ ଜଳ ଯୋଗାଇବା ପାଇଁ କୋଟି କୋଟି ଟଙ୍କା ବିନିଯୋଗରେ ଦୀର୍ଘ ବର୍ଷ ହେଲାଣି ବସୁଧା ଯୋଜନାରେ ହୋଇଥିବା ପାଣି ଟାଙ୍କି ଗୁଡ଼ିକ ଫେଲ ମାରିଥିବା ଦେଖିବକୁ ମିଳିଛି।
ଠିକାଦାର ମାନଙ୍କ ନିମ୍ନ ମାନର ଜାର୍ଯ୍ୟ ଯୋଗୁ ଜଳ କଷ୍ଟ ଭୋଗୁ ଥିବା ଅଭିଯୋଗ କରିଛନ୍ତି ଗ୍ରାମବାସୀ। ଉକ୍ତ ଘଟଣା କୁ ନେଇ ଡିମିରିଗୁଡ଼ା ବାସୀ ବାରମ୍ବାର ଅଭିଯୋଗ କରି ଆସୁଥିଲେ ସୁଦ୍ଧା ପ୍ରଶାସନ ର ନିଦ ଭାଙ୍ଗୁନଥିବାରୁ ଜଳ କଷ୍ଟ ସହି ନପାରି ଆଜି ଶତାଧିକ ମହିଳା ପୁରୁଷ ମାନେ ଏକାଠି ହୋଇ ପାଣି ଟାଙ୍କି ନିକଟରେ ଧାରଣା ଦେବା ସହ ଦାୟିତ୍ୱରେ ଥିବା ଯନ୍ତ୍ରୀଙ୍କୁ ଦୀର୍ଘ ସମୟ ଅଟକ ରଖିବା ପରେ ଅତି ଆବଶ୍ୟକୀୟ କାର୍ଯ୍ୟ ଆରମ୍ଭ କରିବା ପରେ ଉତ୍ୟକ୍ତ ଗ୍ରାମବାସୀ ଯନ୍ତ୍ରୀଙ୍କୁ ଛାଡିବା ସହ ଠିକାଦାର ଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଛନ୍ତି।
