ଭବାନୀପାଟଣା :(ଅର୍ଜୁନ ପଟ୍ଟନାୟକ)ସରକାର ଅସହାୟ ଙ୍କୁ ସହାୟତା ର ଉଦ୍ଧେଶ୍ୟ ନେଇ ଆରମ୍ଭ କରିଥିଲେ ହରିଶ୍ଚନ୍ଦ୍ର ଯୋଜନା। ମୃତ ବ୍ୟକ୍ତିଙ୍କ ଅନ୍ତିମ ସଂସ୍କାର ପାଇଁ ଉଦ୍ଧିଷ୍ଟ ଏହି ସହାୟତା ଯୋଜନା ବିଭାଗୀୟ ଅଧିକାରୀ ମାନଙ୍କ ଉଦାସୀନତା ଯୋଗୁଁ ବର୍ଷ ବର୍ଷ ଧରି ସହାୟତା ପହଞ୍ଚି ପାରୁନାହିଁ ହିତାଧିକାରୀ ମାନଙ୍କ ପାଖକୁ, ଯୋଜନା ହୋଇଯାଇଛି ବାଟବଣା।
ଏହିଭଳି ଏକ ସମ୍ବେଦନଶୀଳ ଘଟଣା ଦେଖିବାକୁ ମିଳିଛି କଳାହାଣ୍ଡି ଜିଲ୍ଲା ଭଇଁରିପାଲି ଗ୍ରାମ ପଞ୍ଚାୟତ ରେ ଏହି ଗ୍ରାମର ଯଦୁ ରାଉତ, ନଳିଦ୍ର ନିଆଲ, ବୈଦିଇ ନାଇକ, ବିଜୟ ପୁଞ୍ଜି ମୃତ୍ୟୁ ବରଣ କରି ପ୍ରାୟ ଏକବର୍ଷ ହୋଇଛି ଏବଂ ସହାୟତା ପାଇଁ ଆବେଦନ ମଧ୍ଯ ହୋଇଥିଲେ ହେଁ ଏଯାବତ ତାଙ୍କ ପରିବାରକୁ ମିଳିନି ସହାୟତା। ଜିଲ୍ଲାପାଳ ଏଥିପ୍ରତି ସ୍ଵତନ୍ତ୍ର ଦୃଷ୍ଟି ଦେଇ ହିତାଧିକାରୀଙ୍କୁ ସହାୟତା ପ୍ରଦାନ ପାଇଁ ଦାବି ହେଉଛି।
