ହରଭଙ୍ଗା :(ଚିତ୍ତରଞ୍ଜନ ସିଂହ)ହରଭଙ୍ଗା ବ୍ଲକ ପୁରୁଣା କଟକ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ, ର ପୂରାତନ ଛାତ୍ର ଛାତ୍ରଛାତ୍ରୀ ମାନଙ୍କୁ ନେଇ ଆଲୁମିନି ସଙ୍ଘ ର ଏକ ଜରୁରୀ କାଳୀନ ବୈଠକ ମୋମବାର ଅନୁଷ୍ଠିତ ହୋଇଛି। ବୈଠକ ରେ ସଂଘ ର ସଭାପତି ଅଶୋକ କୁମାର ଅଗ୍ରୱାଲ , ସମ୍ପାଦକ ମୀରା ରାଣୀ ଭୂୟାଁ, କୋଷାଧ୍ୟକ୍ଷ ଅକୃର ସେଠୀ, ଆଲୁମ୍ନି ସଭ୍ୟ ସୁରେନ୍ କୁମାର ପ୍ରଧାନ, ରଞ୍ଜନ କୁମାର ସାମଲ୍, ମନୋଜ୍ ପାଢ଼ୀ, ନିହାର ରଞ୍ଜନ ମିଶ୍ର , ମନୋଜ୍ ସାହୁ, କୈଳାସ ଅଗ୍ରୱାଲ, ଅଭିମନ୍ୟୁ ଦାଶ, ପଦ୍ମାଳୟା ସାହୁ ଓ ବିଦ୍ୟାଳୟର ସହକାରୀ ଶିକ୍ଷକ ଦିଲ୍ଲୀପ କୁମାର ପଟ୍ଟନାୟକ ଉପସ୍ଥିତ ଥିଲେ।
୨୦୨୩-୨୪ ଶିକ୍ଷାବର୍ଷର ମୋ ସ୍କୁଲ ଅନୁଦାନ ଓ ସରକାରୀ ଅନୁଦାନରୁ ମିଳିଥିବା ଅର୍ଥରାଶିକୁ ବିନିଯୋଗ କରି ପିଲାଙ୍କ ନିମନ୍ତେ ଡାଇନିଂ ହଲ୍ ର ନିର୍ମାଣ କାର୍ଯ୍ୟ ତୁରନ୍ତ ଶେଷ କରିବା ପାଇଁ ଆଲୋଚନା କରାଯାଇ ନିଷ୍ପତ୍ତି ନିଆଯାଇଥିଲା। ପୁରାତନ ଛାତ୍ରୀ ପଦ୍ମାଳୟା ସାହୁ ବିଦ୍ୟାଳୟକୁ ଦ୍ରବ୍ୟ ଆକାରରେ ଟ୧,୨୦,୦୦୦/- ଦାନ କରିଥିଲେ ଯାହା ଡାଇନିଂ ହଲ୍ ନିର୍ମାଣରେ ଲଗାଯିବ। ଶେଷରେ ସଭାପତି ଅଶୋକ କୁମାର ଅଗ୍ରୱାଲ ଉପସ୍ଥିତ ସମସ୍ତ ଆଲୁମ୍ନି ସଦସ୍ୟଙ୍କୁ ଅନୁଷ୍ଠାନ ତରଫରୁ ଧନ୍ୟବାଦ ଅର୍ପଣ ପୂର୍ବକ ସଭାକାର୍ଯ୍ୟ ସାଙ୍ଗ କରାଯାଇଥିଲା।
