ଭବାନିପାଟଣା ବ୍ୟୁରୋ :(ନରେନ୍ଦ୍ର ନେଗୀ )ବୋରିଗୁମ୍ମା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ପରିସରରେ ର ଆଜି ଜୟପୁର ବିଧାୟକ ତାରାପ୍ରସାଦ ବାହିନୀପତି ଏକ୍ସ-ରେ ଓ ଇସିଜି ମେସିନ କୁ ଆନୁଷ୍ଠାନିକ ଭାବେ ଉଦଘାଟନ କରିଥିଲେ।ବିଧାୟକ ଶ୍ରୀ ବାହିନୀପତି କହିଥିଲେ ଯେ ବୋରିଗୁମ୍ମା ମେଡ଼ିକାଲ ରେ ଏକ୍ସ-ରେ ଓ ଇସିଜି ମେସିନ ପାଇଁ ବହୁ ଦିନରୁ ଦାବୀ ହେଉଥିଲା।
ବୋରିଗୁମ୍ମା ବ୍ଳକ ରେ ଏକ୍ସ-ରେ ଓ ଇସିଜି ଯୋଗୁଁ ବହୁ ଗରିବ ଶ୍ରେଣୀର ରୋଗୀ ଉପକୃତ ହୋଇପାରିବେ ବୋଲି ବିଧାୟକ କହିଥିଲେ।ଖୁବଶୀଘ୍ର ଅଲ୍ଟ୍ରାସାଉଣ୍ଡ ମେସିନ ବୋରିଗୁମ୍ମା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ରେ କାର୍ଯ୍ୟକ୍ଷମ ହେବ ବୋଲି ବିଧାୟକ କହିଥିଲେ।ପରେ ଇଣ୍ଡୋର କୁ ଯାଇ ରୋଗୀ ଙ୍କ ସହ ସାକ୍ଷାତ ହୋଇ ଭଲମନ୍ଦ ପଚାରି ବୁଝିଥିଲେ।ଠିକ ଭାବେ ସ୍ୱାସ୍ଥ୍ୟ ସେବା ମିଳୁଛି କି ନାହିଁ ବୋଲି ପଚାରି ବୁଝିଥିଲେ।
ପରେ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ରେ ନିର୍ମାଣ ଚାଲିଥିବା ଏମସିଏଚ ବିଲ୍ଡିଂ କୁ ବୁଲି ଦେଖିଥିଲେ।ତୁରନ୍ତ ନିର୍ମାଣ କାର୍ଯ୍ୟ ଶେଷ କରିବା ପାଇଁ ସମ୍ପୃକ୍ତ ଠିକାଦାର କୁ କହିଥିଲେ।ଆଜିର ଉଦଘାଟନ ରେ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଡ଼.ଅରୁଣ କୁମାର ପାଢ଼ୀ, ଡିପିଏମ ଶୁଭକାନ୍ତ ଗନ୍ତାୟତ, ମେଡ଼ିକାଲ ଅଧିକାରୀ ଡ଼.ହରପ୍ରସାଦ ପାଣିଗ୍ରାହୀ, ସ୍ତ୍ରୀ ଓ ପ୍ରସୂତି ବିଶେଷଜ୍ଞ ଡ଼.ପ୍ରବୀଣ କୁମାର ଦାସ,ରେଡ଼ିଓ ଗ୍ରାଫର ସିପୁନ ମହନ୍ତ, ବିପିଏମ ସରୋଜ କୁମାର ମହାପାତ୍ର ଓ ମେଡ଼ିକାଲ ର ଅନ୍ୟ କର୍ମଚାରୀ ମାନେ ଉପସ୍ଥିତ ଥିଲେ।
