ବୌଦ୍ଧ:(ଚିତ୍ତରଞ୍ଜନ ସିଂହ)ବୌଦ୍ଧ ଜିଲ୍ଳା କଣ୍ଟାମାଳ ବ୍ଲକ ଅନ୍ତର୍ଗତ ଘଣ୍ଟାପଡ଼ା ଥାନା ଅଧିନ ଉମା ନିକଟରେ ଥିବା ବରୋଦରୋ ନାଳ ଉପରେ ବୌଦ୍ଧ କ୍ଷୁଦ୍ର ଜଳସେଚନ ବିଭାଜିକା ବିଭାଗ ତରଫରୁ ବିଭାଗୀୟ ମଞ୍ଜୁର ପ୍ରାପ୍ତ ୧କୋଟି ୨୯ଲକ୍ଷ ୬୪ହଜାର ଟଙ୍କାରେ ନିର୍ମାଣ ହେବାକୁ ଥିବା ଚେକଡେମକୁ ଶିଳାନ୍ୟାସ କରିଛନ୍ତି ମାନ୍ୟବର କଣ୍ଟାମାଳ ବିଧାୟକ ତଥା ବୌଦ୍ଧ ଜିଲ୍ଲା ଯୋଜନା ବୋର୍ଡର ଅଧ୍ଯକ୍ଷ ଶ୍ରୀ ମହୀଧର ରଣା।
ପରେ ବିଭାଗୀୟ ଜିଲ୍ଲା ଅଧିକ୍ଷଣ ଯନ୍ତ୍ରୀ ଇଂ ସରୋଜ ସାଥୁଆଙ୍କ ସଦ୍ଭାପତିତ୍ଵରେ ଆୟୋଜିତ ସଭାରେ ମୂଖ୍ୟ ଅତିଥିଭାବେ ବିଧାୟକ ଶ୍ରୀରଣା ଯୋଗଦେଇ ଉପସ୍ଥିତ ଜନତାଙ୍କୁ ଉଦବୋଧନ ଦେଇଥିଲେ ଯେ, ଆମ ସରକାର ସବୁବେଳେ ବିକାଶକୁ ଗୁରୁତ୍ଵ ଦିଏ। ଚାଷୀଙ୍କ ହିତ ଦୃଷ୍ଟିରୁ ନିଜ ଚେଷ୍ଠାରୁ ପ୍ରକଳ୍ପକୁ ମଞ୍ଜୁର କରାଇଛନ୍ତି ଓ ଉକ୍ତ ଚେକଡେମ ନିର୍ମାଣ ହେଲେ ୪୬ ହେକ୍ଟର ଜମିରେ ଲିଫ୍ଟ ପଏଣ୍ଟ ମାଧ୍ଯମରେ ଚାଷ ଉଭୟ ୠତୁରେ ଚାଷ ହୋଇପାରିବ।
ସେହିପରି ଅନ୍ୟତମ ଅତିଥିଭାବେ କଣ୍ଟାମାଳ ବ୍ଳକ ଅଧ୍ଯକ୍ଷା ଶ୍ରୀମତୀ ସସ୍ମିତା ସେନାପତି, ୧ନଂ ଜୋନର ଜିଲ୍ଲାପରିଷଦ ସଦସ୍ୟା ଶ୍ରୀମତୀ ସୁମିତ୍ରା ସାହୁ, ଉମା ସରପଞ୍ଚ ଦୌଲଥ ପାଣ୍ଡେ, ସମିତି ସଭ୍ୟା ଶ୍ରୀମତୀ ସନ୍ତଳୀ ସୁନା,ଗ୍ରାମ୍ୟ ଉନ୍ନୟନ କନିଷ୍ଠ ଯନ୍ତ୍ରୀ ହେମନ୍ତ ରଣା, ଟେଣ୍ଡର ପ୍ରାପ୍ତ ଠିକାଦାର ଶ୍ରୀକାନ୍ତ ମହାକୁଡ ପ୍ରମୁଖ ଉପସ୍ଥିତ ଥିଲେ। କଣ୍ଟାମାଳ ବିଭାଗୀୟ ଅତିରିକ୍ତ ନିର୍ବାହୀ ଯନ୍ତ୍ରୀ ଧରଣୀଧର କିଷାନ ଧନ୍ୟବାଦ ପ୍ରଦାନ କରିଥିଲେ।
