ଧର୍ମଗଡ:୧୫/୩( ହେମନ୍ତ କୁମାର ମାଝୀ)ଓଡ଼ିଶା ରେ ଡ୍ରାଇଭର ମାନଙ୍କ ସୁରକ୍ଷା, ସମ୍ମାନ ଓ ଅଧିକାର ପାଇଁ ଡ୍ରାଇଭର ଏକତା ମହାମଞ୍ଚ ପକ୍ଷ ରୁ ୧୫ ତାରିଖ ବୁଧ ବାର ଠାରୁ ଅନିର୍ଦ୍ଧିଷ୍ଟ କାଳ ପାଇଁ ରାଜ୍ୟ ବ୍ୟାପୀ ଡ୍ରାଇଭର ଧର୍ମଘଟ ଓ ଅଖ ଚକ ବନ୍ଦ ଡାକରା ଦିଆ ଯାଇଛି । ଏହି ପରିପେକ୍ଷି ରେ ଧର୍ମଗଡ ରେ ମଧ୍ଯ ଏହାର ପ୍ରଭାବ ଦେଖିବାକୁ ମିଳିଛି ।
ଆଜି ଧର୍ମଗଡ ଠାରେ ଡ୍ରାଇଭର ଏକତା ମହାମଞ୍ଚ ପକ୍ଷ ରୁ ବ୍ଲକ ଆଡମିନ ତପନ ନିଆଲ, ସଭାପତି ଲକ୍ଷ୍ମୀକାନ୍ତ ବାଗ, ସମ୍ପାଦକ ସହଦେବ ଚଣ୍ଡି, କଳାହାଣ୍ଡି ଜିଲ୍ଲା ଉପ ସଭାପତି କାର୍ତ୍ତିକ ଚଣ୍ଡି, ଗଣେଷ ସାହୁ, ବାପି ପଣ୍ଡା, କୈବଲ୍ୟ ଭଇ ସାଲ, ମନୋଜ ଗୋପାଲ, ତ୍ରିତ ଲାଲ ନାଏକ, ଉମେଶ ଚନ୍ଦ୍ର ଭଇସାଲ, ମୋତିଲାଲ ଶବର, ଜଗଦୀଶ ମହାନନ୍ଦ, ନିରଞ୍ଜନ ଚଲାନ, ସାଲିମ ଦାସ, ଧୋବଲେ ବଗର୍ତ୍ତୀ, ସୁବୋଧ ନାଏକ, ଅଶ୍ଵିନ ନାଏକ,ଜଗନ୍ନାଥ ଚଣ୍ଡୀ ଙ୍କ ସମେତ ଶତାଧିକ ଡ୍ରାଇଭର ଏହି ଆନ୍ଦୋଳନ ରେ ସାମିଲ ହୋଇ ରାଜ ରାସ୍ତା କୁ ଓହ୍ଲାଇ ଥିଲେ ।
ଧର୍ମଗଡ ସହର ର ଚାରିଛକ, ବିଜୁ ଏକ୍ସପ୍ରେସ ରାସ୍ତା ରେ ଗୋଲେଇ ଛକ ଠାରେ ଡ୍ରାଇଭର ମାନେ ଜମା ହୋଈ ବିକ୍ଷୋଭ ପ୍ରଦର୍ଶନ କରିଥିଲେ । ଘରୋଇ ନମ୍ବର ଥିବା ଗାଡ଼ି ଗୁଡିକୁ ବାଦ ଦେଇ ହଳଦିଆ ନମ୍ବର ପ୍ଲେଟ ଥିବା ଗାଡି ସବୁ କୁ ଅଟକାଇ ଥିଲେ । ଆନ୍ଦୋଳନ ଯୋଗୁ ଆଜି ଘରୋଇ ବସ ଚଳାଚଳ ସମ୍ପୂର୍ଣ୍ଣ ବନ୍ଦ ରହି ଥିଲା ଫଳ ରେ ବିଭିନ୍ନ ଗନ୍ତବ୍ୟ ସ୍ଥଳକୁ ଯିବା ପାଈ ଅପେକ୍ଷା କରି ରହିଥିବା ଯାତ୍ରୀ ମାନେ ହଇରାଣ ହୋଇ ଥିଲେ । ଏପରିକି ଆନ୍ଦୋଳନ କାରି ଡ୍ରାଇଭର ମାନେ ସରକାରୀ ବସ କୁ ମଧ୍ୟ ଅଟକାଇ ଛାଡ଼ି ନଥିଲେ । ପରେ ପୋଲିସ ର ହସ୍ତକ୍ଷେପ ପରେ ବସ ଟି କୁ ଡ୍ରାଇଭର ମାନେ ଛାଡି ଥିଲେ । ରାଜ୍ୟ ସରକାର ଡ୍ରାଇଭର ମାନଙ୍କ ୧୦ ଦଫା ନ୍ୟାର୍ଯ୍ୟ ଦାବି ପ୍ରତି ଅଣଦେଖା କରୁଥିବା ବେଳେ ଦାବୀ ପୂରଣ ହେବା ପର୍ଯ୍ୟନ୍ତ ଆନ୍ଦୋଳନ ଅବ୍ୟାହତ ରହିବ ବୋଲି ସଂଘ ପକ୍ଷରୁ କୁହା ଯାଇଛି ।
