ବୌଦ୍ଧ:( ଚିତ୍ତରଞ୍ଜନ ସିଂହ)ବୌଦ୍ଧ ଜିଲା ସ୍ୱାସ୍ଥ୍ୟ ବିଭାଗର ବିଭିନ୍ନ ପ୍ରକଳ୍ପ ଓ କାର୍ଯ୍ୟକ୍ରମ ନେଇ ଜିଲାପାଳଙ୍କ ଆବାସିକ କାର୍ଯ୍ୟାଳୟରେ ଏକ ବୈଠକ ଆୟୋଜିତ ହୋଇଛି । ବୈଠକରେ ଜିଲାର ରୋଗି କଲ୍ୟାଣ ସମିତି, ଆମ ଡାକ୍ତରଖାନା, ରାଷ୍ଟ୍ରିୟ ବାଳ ସୁରକ୍ଷା କାର୍ଯ୍ୟକ୍ରମ ସଂପର୍କରେ ଆଲୋଚନା ହୋଇଥିଲା । ଜିଲାର ସମସ୍ତ ଡାକ୍ତରଖାନାର ନିଜସ୍ୱ କୋଠା ନିର୍ମାଣ, ମରାମତି, ଡାକ୍ତରଖାନା କୋଠାର ନିଜସ୍ୱ ଜାଗା ନେଇ ଜିଲାପାଳ ଗୁରତ୍ୱ ପ୍ରଦାନ କରିଥିଲେ ।
ବୈଠକରେ ନିର୍ମାଣଧିନ ସମସ୍ତ ପ୍ରକଳ୍ପ ଶିଘ୍ର ସଂପୂର୍ଣ୍ଣ କରାଯିବାକୁ ଜିଲାପାଳ ନିର୍ଦ୍ଦେଶ ଦେଇଥିଲେ । ଜିଲାପାଳ ସତ୍ୟ ରଂଜନ ସାହୁଙ୍କ ଅଧ୍ୟକ୍ଷତାରେ ଆୟୋଜିତ ବୈଠକରେ ଜିଲା ମୁଖ୍ୟ ଚିକିତ୍ସା ଅଧିକାରୀ ଡାକ୍ତର ଜୟକୃଷ୍ନ ମିଶ୍ର , ଜିଲା କାର୍ଯ୍ୟକ୍ରମ ସଂଯୋଜକ ରୂପକ ମହାପାତ୍ର, ଅନ୍ୟ ସ୍ୱାସ୍ଥ୍ୟ ବିଭାଗୀୟ ଅଧିକାରୀ ଙ୍କ ସମତେ ଅନ୍ୟମାନେ ଉପସ୍ଥିତ ରହିଥିଲେ ।
