ଯାଜପୁର:ଯାଜପୁର ଜିଲ୍ଲାର ଗ୍ରାମ୍ୟ ଓ ସହରାଞ୍ଚଳ ଜଳ ଯୋଗାଣ କାର୍ଯ୍ୟରେ ନିୟୋଜିତ ଅସ୍ଥାୟୀ କର୍ମଚାରୀମାନଙ୍କ ବିଭିନ୍ନ ସମସ୍ୟାର ସମାଧାନ ଦାବିରେ ଅତିରିକ୍ତ ଜିଲ୍ଲାପାଳଙ୍କ ଜରିଆରେ ମୁଖ୍ୟମନ୍ତ୍ରୀ ଏବଂ ପ୍ରଧାନମନ୍ତ୍ରୀଙ୍କ ଉଦ୍ଧେଶ୍ୟରେ ସାତଦଫା ସମ୍ବଳିତ ଦାବିପତ୍ର ପ୍ରଦାନ କରାଯାଇଛି। କର୍ମଚାରୀଙ୍କ ପକ୍ଷରୁ ରାଜ୍ୟ ସମ୍ପାଦକ ଶ୍ରୀବଶ୍ଚ କୁମାର ବେହୁରାଙ୍କ ନେତୃତ୍ୱରେ ସହରର ଗାନ୍ଧୀଛକ ଠାରୁ ଏକ ଶୋଭାଯାତ୍ରା ବାହାରି ଜିଲ୍ଲାପାଳଙ୍କ କାର୍ଯ୍ୟାଳୟରେ ପହଞ୍ଚିଥିଲା।
ସେମାନଙ୍କୁ ସ୍ଥାୟୀ ନିଯୁକ୍ତି ଦେବାରେ ସରକାର ଅଣଦେଖା କରିଥିବା ବେଳେ ବର୍ତମାନ ସମୟରେ ଅସ୍ଥାୟୀ ଚାକିରିରେ ପରିବାର ଚଳାଇବା ସମ୍ଭବ ହେଉନାହିଁ। ତେଣୁ ୱାର୍କଚାର୍ଜ କର୍ମଚାରୀଙ୍କୁ ରେଗୁଲାର,ପୁରୁଣା ପେନସନ ଲାଗୁ, ଆଉଟ ସୋରସିଂଙ୍କ ଦରମା ବୃଦ୍ଧି ଓ ସ୍ଥାୟୀ ନିଯୁକ୍ତିଆଦି ଦାବି କରାଯାଇଛି। ଏହି ପ୍ରତିବାଦ ରେ ଯାଜପୁର ସଙ୍ଘ ସଭପତି ବିଷ୍ଣୁ ଚରଣ ନାୟକଙ୍କ ସମେତ ଜିଲ୍ଲାର ବିଭିନ୍ନ ବ୍ଲକର କର୍ମକର୍ତ୍ତା ମାନେ ଉପସ୍ଥିତ ରହିଥିଲେ
