ସୁବର୍ଣ୍ଣପୁର :(ଅଜିତ କୁମାର ପୁଜାହାରୀ) ସୋନପୁର ସହର ବୁଢିମାଁ ମନ୍ଦିର ର ପୂଜକ ବି. ଶିବରାଓ ଙ୍କର ୮୨ ବର୍ଷ ବୟସରେ ଦେହାନ୍ତ ହୋଇଛି। ଗତ କିଛି ଦିନ ହେଲା ସେ ବାର୍ଦ୍ଧକ୍ୟ ଜନିତ କାରଣରୁ ଅସୁସ୍ଥ ଥିଲେ। ସେ ଜଣେ ଭଦ୍ର, ଆମାୟିକ ବ୍ୟକ୍ତି ଓ ପରିଚିତ ଟେଲର (ଦର୍ଜୀ) ଭାବରେ ସହରରେ ବେଶ ଜଣାଶୁଣା l ତେଲୁଗୁ ସ୍ତୋତ୍ର ବଳୀ ରେ ତାଙ୍କର ମନ୍ତ୍ର ଉଚ୍ଚାରଣ ବେଶ ଭାବଗମ୍ଭୀର ଓ ପ୍ରଭାବଶାଳୀ ଥିବାହେତୁ ଏବଂ ଦୀର୍ଘ ୪୦ ବର୍ଷ ଧରି ନିଷ୍ଠା ର ସହ ମା ବୁଢୀମାଙ୍କ ସେବା କରି ଭକ୍ତ ମହଲରେ ସେ ବେଶ ପ୍ରିୟଭାଜନ ହୋଇପାରିଥିଲେ।
ମୃତ୍ୟୁ ବେଳକୁ ତାଙ୍କ ପାଖରେ ପୁଅ ସତ୍ୟନାରାୟଣ, ୩ଝିଅ ଓ ନାତି ନାତୁଣୀ ଉପସ୍ଥିତ ଥିଲେ। ବିଳମ୍ବିତ ରାତିରେ ତ୍ରିବେଣୀ ସଙ୍ଗମ ସ୍ଥିତ ରାମେଶ୍ୱର ଶ୍ମଶାନ ରେ ତେଲୁଗୁ ରୀତିନୀତି ଅନୁଯାୟୀ ତାଙ୍କର ଅନ୍ତିମ ସଂସ୍କାର କରାଯାଇଥିଲା। ସୋନପୁର ବ୍ୟବସାୟୀ ସଂଘ ର କର୍ମକର୍ତାଙ୍କ ସମେତ ବହୁ ବିଶିଷ୍ଟ ବ୍ୟକ୍ତି ଶ୍ରୀ ରାଓ ଙ୍କ ଅନ୍ତିମ ଦର୍ଶନ କରିଥିବା ବେଳେ ତାଙ୍କର ବିୟୋଗରେ ସୋନପୁର ଅଞ୍ଚଳରେ ଗଭୀର ଶୋକ ପ୍ରକାଶ ପାଇଛି।
