ଖପ୍ରାଖୋଲ: ୨୦/୧୧ ( ତାପସ ରଞ୍ଜନ ବେହେରା ) ଖପ୍ରାଖୋଲ ଥାନା ମାଟିଖାଇ ଛକ ଠାରୁ ପୋଲିସ ଚଢ଼ଉ କରି ପାଞ୍ଚ ଜଣ ଦାଦନ ଶ୍ରମିକଙ୍କୁ ରବିବାର ସକାଳେ ଉଦ୍ଧାର କରିଥିବା ଜଣାପଡିଛି। ସୂଚନା ଅନୁସାରେ ମାଟିଖାଇ ଗାଁ ର କିଛି ଶ୍ରମିକ ଦାଦନ ଯାଉଥିବା ଖବର ପାଇ ଏକ ଯାତ୍ରୀ ବାହି ବସ ଉପରୁ ଶ୍ରମିକ ମାନଙ୍କୁ ଉଦ୍ଧାର କରିଥିଲା।
ଉଦ୍ଧାର ଶ୍ରମିକ ମାନେ ଗମ୍ଭାରୀ ପଞ୍ଚାୟତ ମାଟିଖାଇ ଗାଁ ର ବୋଲି ଜଣା ଯାଇଥିବା ବେଳେ ଶ୍ରମିକ ମାନଙ୍କୁ ବଲାଙ୍ଗିର ନେଇ ରେଳ ଯୋଗେ ତାମିଲନାଡୁ ଚାଲାଣ କରାଯାଇଥାନ୍ତା ବୋଲି ପୋଲିସ ସୂଚନା ଦେଇଛି। ଏନେଇ ଖପ୍ରାଖୋଲ ଥାନା କେସ ନମ୍ବର ୧୯୪/୨୨ ରେ ଏକ ମାମଲା ରୁଜୁ କରି ଉଦ୍ଧାର ୩ ପୁରୁଷ ୨ ମହିଳା ଏବଂ ୩ ନାବାଳିକା ଙ୍କୁ ନିଜ ଗାଁ କୁ ପଠେଇ ଦିଆଯାଇଥିବା ବେଳେ ଦାଦନ ଦଲାଲ ଅଜିତ ସୁନା (୨୫) ଙ୍କୁ କୋର୍ଟ ଚାଲାଣ କରାଯାଇଥିବା ଥାନା ଅଧିକାରୀ ରମାକାନ୍ତ ସାହୁ ପ୍ରକାଶ କରିଛନ୍ତି।
