ପୋଲିସର ପେଟ୍ରୋଲିଂ ବେଳେ ବୋଲେରୋ ଗାଡି ସହ ୫ ଶିଶୁ ସମେତ ୧୬ ଦାଦନ ଶ୍ରମିକ ଉଦ୍ଧାର

169 0

ଖପ୍ରାଖୋଲ :୧୧/୧୦(ତାପସ ରଞ୍ଜନ ବେହେରା) ଖପ୍ରାଖୋଲ ଥାନା ଧଣ୍ଡାମୁଣ୍ଡା ହାଇସ୍କୁଲ ଛକ ଠାରେ ପେଟ୍ରୋଲିଂ ବେଳେ ପୋଲିସ ପାଞ୍ଚ ଶିଶୁ ସମେତ ପନ୍ଦର ଦାଦନ ଶ୍ରମିକ ମଙ୍ଗଳବାର ଅପରାହ୍ନ ରେ ଉଦ୍ଧାର କରିଥିବା ଜଣାଯାଇଛି । ସୂଚନା ଅନୁସାରେ ଥାନା ଏସ ଆଇ ଗୋପୀନାଥ ମହାକୁଡ଼ ଙ୍କ ନେତୃତ୍ୱରେ ପେଟ୍ରୋଲିଂ ଚାଲିଥିବା ବେଳେ ଏକ ବୋଲେରୋ ଗାଡି ଦ୍ରୁତ ଗତି ରେ ଯାଉଥିବାରୁ ତାକୁ ଅଟକାଇ ପଚରା ଉଚୁରା କଲା ବେଳେ ବେଆଇନ ଦାଦନ ଚାଲାଣ ହେଉଥିବା ଜାଣି ପାରିଥିଲେ ।

ଏହାପରେ ବୋଲେରୋ ସହ ସମସ୍ତଙ୍କୁ ଖପ୍ରାଖୋଲ ଥାନା କୁ ଆଣିଥିଲେ । ପଚରା ଉଚୁରା ବେଳେ ଶ୍ରମିକମାନେ ଭାନପୁର ଗାଁ ର ଓ ବରଗଡ଼ ଜିଲ୍ଲା ପାଇକମାଲ ଥାନା ନିଲାଥର ଗାଁର ବୋଲି ଜଣାଯାଇଥିଲା । ମୋଟ ଚାରିଜଣ ପୁରୁଷ , ଛଅ ଜଣ ମହିଳା ଓ ପାଞ୍ଚ ଜଣ ଶିଶୁ କୁ ପୋଲିସ ଉଦ୍ଧାର କରି ନିଜ ନିଜ ଘରକୁ ପଠେଇ ଦେଇଥିବା ଜଣା ଯାଇଛି । ଦାଦନ ଚାଲାଣ ଅଭିଯୋଗ ରେ ବେଲପଡ଼ା ଥାନା ଜାମଜୁରି ଗାଁର ବିଶ୍ୱନାଥ ତାଣ୍ଡି(୪୦) ଓ ଗାଡ଼ି ଡ୍ରାଇଭର ଧୁବୁଲେଶ୍ୱର ସାହୁ (୩୧) କୁ ପୋଲିସ ଅଟକ ରଖି ପଚରା ଉଚୁରା କରୁଥିବା ବେଳେ ଦାଦନ ଚାଲାଣ ହେଉଥିବା ବୋଲେରୋ (ଓଆର ୦୫ ଟି ୪୧୫୦) କୁ ଜବତ କରିଥିବା ଜଣାଯାଇଛି ।

ଏନେଇ ଖପ୍ରାଖୋଲ ଥାନା କେଶ ନମ୍ବର ୧୬୩/୨୨ ଏକ ମାମଲା ରୁଜୁ କରି ଘଟଣାର ତଦନ୍ତ ଚାଲିଥିବା ଥାନା ଅଧିକାରୀ ରମାକାନ୍ତ ସାହୁ ପ୍ରକାଶ କରିଛନ୍ତି । ସୂଚନାଯୋଗ୍ୟ ଦିନେ ତଳେ ବଲାଙ୍ଗିର ଆରକ୍ଷୀ ଅଧିକ୍ଷକ ନିତିନ କୁଶଳକର ବେଆଇନ ଦାଦନ ଚାଲାଣ ଉପରେ କଡା କଡ଼ି ନଜର ରହିଥିବା କହିଥିବା ବେଳେ ଏବେ ଖପ୍ରାଖୋଲ ଥାନା ଦାଦନ ଶ୍ରମିକ ଉଦ୍ଧାର ଘଟଣା ବେଆଇନ ଦାଦନ ଚାଲାଣ ପାଇଁ ଅଞ୍ଚଳ ରେ ଦାଦନ ଦଲାଲ ସକ୍ରିୟ ଥିବା ଜଣା ପଡ଼ିଛି ।

Related Post

ରାସ୍ତା କଡ ଘର ଉପରରେ ମାଡିଯାଇଥିବା ଟ୍ରକ ଘଟଣାର ସମାଧାନ

Posted by - February 5, 2021 0
ଯାଜପୁର :(ଆନନ୍ଦ ଚନ୍ଦ୍ର ସାହୁ ) ଯାଜପୁର ଟାଉନ ଥାନା ରାମବାଗ ନିକଟସ୍ଥ ମଉରିଆଚୁଆ ଠାରେ ରାସ୍ତା କଡ ଘର ଉପରରେ ମାଡିଯାଇଥିବା ଟ୍ରକ ଘଟଣାର ସମାଧାନ ହେବା ପରେ ରାସ୍ତାରୋକ ପ୍ରତ୍ୟାହୃତ ହୋଇଛି ।ଗାଁର ଗଣେଷ ଜେନାଙ୍କ ଘର ଉପରକୁ ହଠାତ୍ ୧୦ଚକିଆ ଟ୍ରକଟି ମାଡିଯାଇଥିଲା ।ପଂଳରେ ତାଙ୍କ ଘର ସଂପୁର୍ଣ୍ଣ ଭାଂଗି ରୁଜି ଯାଇଥିଲା ,ଅନ୍ୟପଟେ ଟ୍ରକ ଚାଳକ ଗୁରୁତର ହୋଇପଡିଥିଲେ । ତାଙ୍କୁ ଗୁରୁତର ଅବସ୍ଥାରେ ପ୍ରଥମେ ଯାଜପୁର ମୁଖ୍ୟ ଡାକ୍ତରଖାନା ଓ ପରେ କଟକ ବଡ ଡାକ୍ତରଖାନାରେ ଭର୍ତି କରାଯାଇଛି । ଏହାକୁ ନେଇ ସ୍ଥାନୀୟ ଲୋକେ ୨୦ନଂ ଜାତୀୟ ରାଜପଥ ଯାଜପୁର ମଂଗଳପୁର ରାସ୍ତାକୁ ଅବରୋଧ କରିଥିଲେ କ୍ଷତିପୁରଣ ସହିତ ବାରମ୍ବାର ଦୁର୍ଘଟଣାର ପ୍ରତିକାର ଦାବୀ କରି ଆନ୍ଦୋଳନ କରିଥିଲେ ,ଖବର ପାଇ ଯାଜପୁର ଟାଉନ ଥାନା ଅଧିକାରୀ, କଂଗେସ ଯୁବ ନେତା ପୁଲିନ ପୁହାଣ ଓ ଦଶରଥପୁର ତହସିଲ ପ୍ରଶାସନ ପହଂଚି ବୁଝାସୁଝା କରି କ୍ଷତିଗ୍ରସ୍ତଙ୍କୁ କ୍ଷତିପୁରଣ ମିିଳିବାର ପ୍ରତିଶୃତି ଦେବା ପରେ ରାସ୍ତାରୋକ ପ୍ରତ୍ୟାହୃତ ହୋଇଥିଲା ।

ଓଡ଼ିଶାରେ ୫ମ କରୋନା ଆକ୍ରାନ୍ତ ଚିହ୍ନଟ, ଯାତ୍ରା ଇତିହାସ ଖୋଜା ଚାଲିଛି:- ଜନସ୍ୱାସ୍ଥ୍ୟ ବିଭାଗର ସର୍ଭେଲାନ୍ସ ଟିମ

Posted by - April 2, 2020 6
ଭୁବନେଶ୍ଵର ୦୧।୦୪: ସମଗ୍ର ଦେଶରେ କରୋନାର ପ୍ରକୋପ ଥମିବାର ନାଁ ନେଉନାହିଁ। ସଂକ୍ରମିତ ସଂଖ୍ୟା ଉଦବେଗଜନକ ଭାବେ ବଢିବାରେ ଲାଗିଛି। ଏହା ମଧ୍ୟରେ ଓଡ଼ିଶାରେ ଆଉ ଜଣେ…

ରାଜ୍ୟ ଜନସ୍ୱାସ୍ଥ୍ୟ ଯାନ୍ତ୍ରିକ କର୍ମଚାରୀ ସଂଘର ଆନ୍ଦୋଳନ ଚେତାବନୀ

Posted by - December 1, 2021 0
ସମ୍ବଲପୁର: :(ରମାକାନ୍ତ ବିଶ୍ବାଳ)ରାଜ୍ୟର ଜନସ୍ୱାସ୍ଥ୍ୟ ବିଭାଗ ରେ କାମ କରୁଥିବା ସହ ସହ କର୍ମଚାରୀ ମାନଙ୍କ ନାର୍ଯ୍ଯଦାବି ପୁରଣ ପାଇଁ ଆନ୍ଦୋଳନ କରିବ ରାଜ୍ୟ ଜନସ୍ୱାସ୍ଥ୍ୟ ଯାନ୍ତ୍ରିକ…

ଦୋକାନ ଖୋଲିବାକୁ କେନ୍ଦ୍ର ସରକାରଙ୍କ ଅନୁମତି,ଓଡ଼ିଶା ସରକାର ନିଷ୍ପତ୍ତି ନ ନେବା ପର୍ଯ୍ୟନ୍ତ ବନ୍ଦ ରହିବ ଦୋକାନ

Posted by - April 25, 2020 143
ଭୁବନେଶ୍ବର:ଶୁକ୍ରବାର ବିଳମ୍ବିତ ରାତ୍ରୀରେ କେନ୍ଦ୍ର ଗୃହ ସଚିବ ଅଜୟ ଭାଲ୍ଲା ସସର୍ତ୍ତ କେତେକ ସ୍ଥାନୀୟ ଏବଂ ଛାଡ଼ି ଅଲଗା ହୋଇ ଥିବା ‌ଅତ୍ୟାବଶ୍ୟକ ସାମଗ୍ରୀ ଦୋକାନ ଖୋଲିବାକୁ…

ମରଣ ଯନ୍ତା ପାଲଟିଛି ୩୨୬ ନମ୍ବର ରାଜରାସ୍ତା ,କୁତ୍ରିମ ପୋଖରିଭ୍ରମ ସୃଷ୍ଠି କରୁଛି ,

Posted by - July 18, 2022 0
ରାୟଗଡ। :(ରମାକାନ୍ତ ପଡାଲ): ଠିକାଦାର ଙ୍କୁ କୋଟିପତି କରୁଛି ପୁର୍ତ୍ତବିଭାଗ, ନିମ୍ନ ମାନର କାମ କଲେ ବି ବିଲ୍ ପାସ୍ କରୁଛନ୍ତି | ଲୋକଙ୍କ ସ୍ୱାର୍ଥକୁ ଜଳାଞ୍ଜଳି…