ଅଧିକ ଯୌତୁକ ଦେଇ ନ ପାରିବାରୁ ବୋହୁକୁ ଏସିଡ ଢ଼ାଳି ହତ୍ୟା ଉଦ୍ୟମ । ଏଭଳି ସମ୍ବେଦନଶୀଳ ଘଟଣା ଘଟିଛି ଯାଜପୁର ଜିଲା ପାଣିକୋଇଲି ଥାନା କରଦା ଗାଁରେ । ଗାଁର ବିନୋଦ ସେଠୀଙ୍କ ପତ୍ନି ଙ୍କୁ ଏସିଡ ଢ଼ାଳି ଶାଶୁ,ନଣନ୍ଦ,ସ୍ୱାମୀ ହତ୍ୟା କରିବାକୁ ଉଦ୍ୟମ କରିଥିବା ପାଣିକୋଇଲି ଥାନାରେ ଅଭିଯୋଗ ହୋଇଛି । ବିବାହର ୨ ମାସ ମଧ୍ୟରେ ବାରମ୍ବାର ଅଧିକ ଯୌତୁକ ଦାବି କରି ଶାଶୁ ଘର ଲୋକେ ନାନା ନିର୍ଯ୍ୟାତନା ମଧ୍ୟ ଦେଉଥିଲେ । ପୂର୍ବରୁ ମହିଳା ଜଣକ ଆତ୍ମହତ୍ୟା କରିବାକୁ ମଧ୍ୟ ଉଦ୍ୟମ କରିଥିଲେ । ଏ ନେଇ ଉଭୟ ପରିବାର ମଧ୍ୟରେ ଆପୋଶ ମିଳାମିଶା ହୋଇଥିଲେ ହେଁ ପୁଣି ତାଙ୍କ ଉପରେ ଏଭଳି ମରଣାନ୍ତକ ଆକ୍ରମଣ ହୋଇଥିବା ଅଭିଯୋଗ ହୋଇଛି । ମହିଳା ଜଣକୁ ଗୁରୁତର ଅବସ୍ଥାରେ ଯାଜପୁର ମୁଖ୍ୟ ଡାକ୍ତରଖାନାରେ ଭର୍ତି କରାଯାଇଛି । ସେପଟେ ଅଭିଯୁକ୍ତ ମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ ନ କରି ପୋଲିସ ଚୁପ ହୋଇ ବସିଥିବା ଅଭିଯୋଗ କରିଛନ୍ତି ପିଡିତାଙ୍କ ପରିବାର ଲୋକେ ।
ଅଧିକ ଯୌତୁକ ଦେଇ ନ ପାରିବାରୁ ବୋହୁକୁ ଏସିଡ ଢ଼ାଳି ହତ୍ୟା ଉଦ୍ୟମ
Posted on September 24, 2019 at 10:14 am 
