ନୂଆଦିଲ୍ଲୀ ୩।୭: ଜାତୀୟ କଂଗ୍ରେସ ସଭାପତି ପଦରୁ ରାହୁଲ ଗାନ୍ଧିଙ୍କ ଇସ୍ତଫା ବୁଧବାର ସ୍ପଷ୍ଟ ହୋଇଯାଇଛି। ତାଙ୍କ ଇସ୍ତଫା ପତ୍ରର ନକଲ ଗଣମାଧ୍ୟମ ସମ୍ମୁଖକୁ ଆସିଛି। ଗତ ସାଧାରଣ ନିର୍ବାଚନରେ ଦଳର ସୋଚନୀୟ ପରାଜୟ ପରେ ରାହୁଲ ଏଆଇସିସି ଅଧ୍ୟକ୍ଷ ପଦରୁ ଇସ୍ତଫା ଦେଇଥିଲେ। ଯେଉଁଥିରେ ସେ ଦଳର ପରାଜୟ ପାଇଁ ନିଜକୁ ଦାୟି କରିଥିଲେ। ତେବେ ବୁଧବାର ରାହୁଲ ଗଣମାଧ୍ୟମ ସହ ଏକ ସାକ୍ଷାତକାରରେ ଆଉ ବିଳମ୍ବ ନ କରି କଂଗ୍ରେସ କାର୍ଯ୍ୟକାରିଣୀ (ସିଡବ୍ଲୁସି) ବୈଠକ ଆହ୍ୱନ କରବା ସହ ଦଳ ଏବେ ନିଜର ନୂଆ ସଭାପତିଙ୍କୁ ଚୟନ କରିବା ଦରକାର ବୋଲି କହିଛନ୍ତି। ତେବେ ସଭାପତି ଭାବେ ରାହୁଲଙ୍କ ଇସ୍ତଫା ସ୍ପଷ୍ଟ ହୋଇଯାଇଥିବା ବେଳେ ଦଳମୋତିଲାଲ ଭୋରାଙ୍କୁ କାମଚଳା ଅଧ୍ୟକ୍ଷ ନିଯୁକ୍ତ କରିଥିବା ଜଣାପଡିଛି।
Facebook Notice for EU!
You need to login to view and post FB Comments!
