କଳାହାଣ୍ଡି:(ନରେନ୍ଦ୍ର ନେଗୀ/ଅର୍ଜ୍ଜୁନ ପଟ୍ଟନାୟକ)ବାସହୀନଙ୍କ ଥଇଥାନ ପାଇଁ ସରକାର ବ୍ୟାପକ ଯୋଜନାମାନ ପ୍ରଣୟନ କରୁଥିଲେ ହେଁ କେତେକ କ୍ଷେତ୍ରରେ ଏହା ଲୋକଙ୍କ ପାଇଁ ସାତ ସପନ ହୋଇଛି। ଏହିଭଳି ଏକ ସ୍ପର୍ଶକାତର ଘଟଣା ଦେଖିବାକୁ ମିଳିଛି କଳାହାଣ୍ଡି ଜିଲ୍ଲା ଧର୍ମଗଡ଼ ସଦର ମହକୁମା ରେ। ନିଜସ୍ୱ ଘରଡିହ ଓ ଘର ଅଭାବରୁ ମୋହନ ଦାସ ନାଏକ (୭୫)ଏବଂ ସୁଲୋଚନା ଦେଇ ନାଏକ (୫୬)ଧର୍ମଗଡ଼ ଏନ୍ ଏ ସି ର ତିନି ନମ୍ବର ୱାର୍ଡରେ ଦୟନୀୟ ଭାବେ ଗୋଟିଏ ଫଟା ପଲିଥିନ୍ ତଳେ ରହୁଛନ୍ତି।
ଏ ସମ୍ପର୍କରେ ସୁନୀଲ ଚନ୍ଦ୍ର ଦୁରିଆ,ଅଙ୍କିତ ସେଠି ତହସିଲଦାର ଙ୍କୁ ଜଣେଇବା ପରେ ତହସିଲଦାର ଏକ ପଲିଥିନ୍ ଦେଇଥିଲେ ପରେ ଦିଗାମ୍ବର ଦୁରିଆ ଙ୍କ ସହ ଉପ ଜିଲ୍ଲାପାଳଙ୍କ ଦୃଷ୍ଟି ଆକର୍ଷଣ କରିବା ରୁ ସେମାନଙ୍କ ପାଇଁ ଶିଘ୍ର ଏକ ଗୃହ ବ୍ୟବସ୍ଥା କରାଯିବ ବୋଲି ପ୍ରତିଶ୍ରୁତି ଦେଇଛନ୍ତି। ମୋହନ ସୁଲୋଚନା ଙ୍କ ଦୁଃଖ କେବେ ଦୂରହେବ ଦେଖିବାକୁ ବାକି ରହିଲା।
