ବୌଦ୍ଧ:(ଚିତ୍ତରଂଜନସିଂ)ଆଜି ସନ୍ଧ୍ୟାରେ ବୌଦ୍ଧ ଜିଲ୍ଲାପାଳଙ୍କ କନଫରେନ୍ସ ହଲରେ ଜିଲ୍ଲା ସ୍ତରୀୟ ମାଲେରିଆ, ଡେଙ୍ଗୁ, ଫାଇଲେରିଆ ଆଦି ଭେକ୍ଟର ବାହିତ ରୋଗ ନିୟନ୍ତ୍ରଣ ଓ ନିରାକରଣ ପାଇଁ ଜିଲ୍ଲାପାଳଙ୍କ ସଭାପତିତ୍ବରେ ଟେକ୍ନିକାଲ ଟାସ୍କ ଫୋର୍ସ କମିଟି ବୈଠକ ଅନୁଷ୍ଠିତ ହୋଇଥିଲା। ଏଥିରେ ଜିଲ୍ଲା ମୁଖ୍ୟ ଚିକିତ୍ସାଧିକାରୀ, ପିଡି ଡି ଆର ଡିଏ, ଉପଜିଲ୍ଲାପାଳ , ଜିଲ୍ଲା ଓ ବ୍ଲକ ସ୍ତରୀୟ ଅଫିସରମାନେ ଯୋଗ ଦେଇଥିଲେ। ଡାକ୍ତର ମଦନ ମୋହନ ପ୍ରଧାନ ( ଏଡି ପିଚ୍ଓ ଭିବିଡି) ମାଲେରିଆ ଓ ଅନ୍ୟାନ୍ୟ ଭେକ୍ଟର ବାହିତ ରୋଗମାନଙ୍କର ସ୍ଥିତି ଓ ସେସବୁର ନିୟନ୍ତ୍ରଣ ଓ ନିରାକରଣ ସମ୍ବନ୍ଧରେ ପୁଙ୍ଖାନୁପୁଙ୍ଖ ଭାବରେ ଅବଗତ କରାଇ ଥିଲେ। ଆସନ୍ତା ଚାରି ମାସ। ପାଇଁ କଣ କରାଯିବ ସେମ୍ବନ୍ଧୀୟ ଯୋଜନା ଉପରେ ମଧ୍ୟ ଆଲୋକପାତ କରିଥିଲେ।
ମାଲେରିଆର ସ୍ଥିତି ନିୟନ୍ତ୍ରଣାଧୀନ ରହିଛି ଓ ଏବର୍ଷ ଗତ ବର୍ଷ ତୁଳନାରେ କମ ରହିବ ବୋଲି ଅନୁମାନ କରାଯାଉଛି। ଏଲ୍ ଏଲ୍ ଆଇ ଏନ୍ ମଶାରୀର ବହୁଳ ବ୍ୟବହାର ଉପରେ ବହୁତ ଗୁରୁତ୍ୱ ଦିଆଯାଇଥିଲା। ଏଥିପାଇଁ ସବୁ ସରକାରୀ ଓ ବେସରକାରୀ ସଂସ୍ଥାମାନଙ୍କର ସହାୟତା ନିଆଯିବ। ସରପଞ୍ଚ ଓ ଓ୍ବାଡ ମେମ୍ବର, ଏସ୍ ଏଚ ଜି, ଏନଜିଓ ଜିକେସ ମାନଙ୍କର ସହାୟତା ଲୋଡା ଯିବ। ବିଡିଓମାନେ ସିଏଚ ସି ମେଡିକାଲ ଅଫିସରଙ୍କ ସହାୟତାରେ ନିଜ ନିଜ ବ୍ଲକ ପାଇଁ ଯୋଜନା ପ୍ରସ୍ତୁତ କରିବେ। ଡେଙ୍ଗୁ ସମ୍ପୂର୍ଣ ନିୟଣରେ ଅଛି। ଫାଇଲେରିଆ ନିରାକରଣରେ ବୋଦ୍ଧଜିଲା ବହୁତ ଆଗୁଆ ଅଛି।
