ବରୀ:(ସ୍ନେହଂଶୁ ଶେଖର ମହାନ୍ତି) ଅରଙ୍ଗାବାଦ(ଚତର) ଠାରେ ଯୁଧିଷ୍ଠିର ତ୍ରିପାଠୀ ଚାରିଟେବୁଲ୍ ଟ୍ରଷ୍ଟ ତଥା କମଳା ହୋମିଓ ସେବା ସଦନର ମିଳିତ ଆନୁକୂଲ୍ୟରେ ବରୀ କଳାମାଟିଆ ଅଂଚଳର ବିଶିଷ୍ଟ ସମାଜସେବୀ ତଥା ଆଦର୍ଶ ଶିକ୍ଷକ ୰ଯୁଧିଷ୍ଠିର ତ୍ରିପାଠୀଙ୍କ ସପ୍ତଦଶ ଶ୍ରାଦ୍ଧବାର୍ଷିକ ଅବସରରେ ଏକ ମାଗଣା ହୋମିଓପ୍ୟାଥିକ ସ୍ୱାସ୍ଥ୍ୟସେବା ଶିବିର ଅନୁଷ୍ଠିତ ହୋଇଯାଇଅଛି । ଏହି ଶିବିରକୁ ବରିଷ୍ଠ ସମାଜସେବୀ ଶ୍ରୀଯୁକ୍ତ ମଦନ ମୋହନ ପତି ଆନୁଷ୍ଠନିକ ଭାବେ ପ୍ରଦୀପ ପ୍ରଜ୍ୱଳନ କରି ଉଦ୍ଘାଟନ କରିଥିଲେ ।ଏହି ଅବସରରେ ସ୍ୱର୍ଗତ ତ୍ରିପାଠୀଙ୍କର ଜୀବନ ଦର୍ଶନ ଉପରେ ଏକ ସ୍ମୃତିଚାରଣ ସଭା ଶିକ୍ଷାବିତ୍ ପ୍ରଫୁଲ୍ଲ କୁମାର ପୁହାଣଙ୍କ ସଭାପତିତ୍ୱରେ ଅନୁଷ୍ଠିତ ହୋଇଥିଲା ।
ଏଥିରେ ସମ୍ମାନୀୟ ଅତିଥିଭାବେ ଶିକ୍ଷାବିତ୍ କୁଞ୍ଜବିହାରୀ ଦାଶ ଯୋଗଦେଇ ବର୍ତମାନ ପରିପ୍ରେକ୍ଷୀରେ ପୂଜ୍ୟପୂଜାର ଗୁରୁତ୍ୱ ବିଷୟରେ ଆଲୋକପାତ କରିଥିଲେ । ମୁଖ୍ୟବକ୍ତା ଭାବେ ଶିକ୍ଷାବିତ୍ ଶ୍ରୀଯୁକ୍ତ ବୃୂ୍ନ୍ଦାବନ ସାମଲ ସ୍ୱର୍ଗତ ଯୁଧିଷ୍ଠିର ତ୍ରିପାଠୀଙ୍କ ସମାଜସେବା କ୍ଷେତ୍ରରେ ଅବଦାନ ବିଷୟରେ ଆଲୋଚନା କରିଥିଲେ । ସମାରୋହର ଆବାହକ ଯୁବସମାଜସେବୀ ଡଃ. ବିଶ୍ୱନାଥ ତ୍ରିପାଠୀ ଅତିଥି ପରିଚୟ ପ୍ରଦାନ ସହିତ ପରୋପକାର ଏବଂ ସେବାପରାୟଣତା ପ୍ରତ୍ୟେକ ମନୁଷ୍ୟ ପାଇଁ ସଫଳତାର ମୂଳମନ୍ତ୍ର ହେଉ ବୋଲି ବକ୍ତବ୍ୟ ରଖିଥିଲେ । ଏହି ସ୍ୱାସ୍ଥ୍ୟସେବା ଶିିବିରଟି ସକାଳ ୧୦ଟାରୁ ଆରମ୍ଭ ହୋଇ ଅପରାହ୍ନ ୩ଟା ପର୍ଯ୍ୟନ୍ତ ଚାଲିଥିଲା ।
ଏହି ଶିବିରରେ ଡ.ବିଶ୍ୱନାଥ ତ୍ରିପାଠୀ ,ଡ. ଆଲର୍ବଟ ମହାନ୍ତି, ଡ.ପାର୍ଥସାରଥୀ ରାଉତରାୟ, ଡ. କାହ୍ନୁଚରଣ ନାୟକ, ଡ.ସଂଗ୍ରାମ ବ୍ରହ୍ମ ଏବଂ ହୋମିଓ ଔଷଧ ସହାୟକ ହରପ୍ରସାଦ ପଣ୍ଡା, ଚିତରଂଜନ ପାଢି, ନିଶିକାନ୍ତ ଧଳ ୧୧୭ଜଣ ରୋଗୀଙ୍କ ସ୍ୱାସ୍ଥ୍ୟ ପରୀକ୍ଷା କରି ଆବଶ୍ୟକୀୟ ପରାମର୍ଶ ସହିତ ଔଷଧ ପ୍ରଦାନ କରିଥିଲେ । ଏହି ଶିବିରରେ ସର୍ବଶ୍ରୀ ଅଜୟ କୁମାର ସାହୁ, କୁଳମଣି ନାୟକ, ତ୍ରିଲୋଚନ ପତି.ଭୂପତି ମଲ୍ଲିକ, ସେନା କର୍ମଚାରୀ ଗୟାଧର ଦାସ, ସାମ୍ବାଦିକ ପ୍ରଦୀପ ମହାରଣା, ପ୍ରଧାନ ଆଚାର୍ଯ୍ୟ ଶୁଭ୍ରଜିତ୍ ଧଳ, କାନ୍ତିକୁମାର ଗିରି, କବୟତ୍ରୀ ପଙ୍କଜିନୀ ଉପାଧ୍ୟାୟ, ସମାଜସେବୀ ବିବେକାନନ୍ଦ ନାଥ, ସଂଜୟ କୁମାର ପାଢି, ବିଷ୍ଣୁଚରଣ ପରିଡା, ପ୍ରଦୀପ୍ତ କାନୁନଗୋ,ସ୍ୱୟଂସଂପୂର୍ଣ୍ଣା ତ୍ରିପାଠୀ, ସାଲିନି ପତି, ବିଜୟ କୁମାର ଓଝା,ଜଗନ୍ନାଥ ଓଝା ଏବଂ ଚାରିଟେବୁଲ ଟ୍ରଷ୍ଟର ଅଧ୍ୟକ୍ଷା ଚଂଚଳା ତ୍ରିପାଠୀ ପ୍ରମୁଖ ଯୋଗ ଦେଇଥିଲେ । ପରିଶେଷରେ ଶିବିରଟିକୁ ସୁଚାରୁରୂପେ ପରିଚାଳନା କରିଥିବାରୁ ଡ଼ି.ୟୁ. ପବ୍ଲିକ୍ ସ୍କୁଲ ଚଣ୍ଡିଖୋଲର ଉପାଧକ୍ଷ୍ୟ ଶ୍ରୀଯୁକ୍ତ ରବିନ୍ଦ୍ର କୁମାର ତ୍ରିପାଠୀ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।
