ଯାଜପୁର:ଆଜି ମୁସଲମାନ ମାନଙ୍କ ପବିତ୍ର ପର୍ବ ଇଦୁ ଉଲ ଫିତର। ଏଥିପାଇଁ ଆଜି ଯାଜପୁର ବିଂଝାରପୁର ବ୍ଲକର ବିଭିନ୍ନ ମସଜିଦ ଓ ଇଦଗାରେ ସମୂହ ନମାଜ ପାଠ କରାଯିବା ସହିତ ପରସ୍ପର ପରସ୍ପରକୁ ଇଦ ମୁବାରକ ଜଣାଇଥିଲେ । ବିଂଝାରପୁର ବ୍ଲକ ର ୬ଟି ଇଦଗା ଓ ମସଜିଦରେ ଇଦୁଲ ଫିତର ପାଳନ କରାଯାଇଛି ।
ମୁସଲମାନ ଧର୍ମାବଲମ୍ବୀ ଙ୍କ ମଧ୍ୟରେ ବେଶ ଖୁସି ଦେଖିବାକୁ ମିଳିଛି । ଏହି ଇଦ ପର୍ବରେ ସମୁହ ନମାଜ ପାଠ କରିବା ପରେ ଦୁଃଖୀ ଦରିଦ୍ରଙ୍କୁ ଦାନ କରିବାର ପରମ୍ପରା ରହିଛି ।
ସେପଟେ ଶାନ୍ତି ଶୃଙ୍ଖଳା ରେ ନମାଜ ପାଠ ପାଇଁ ମସଜିଦ ଓ ଇଦଗା ଅଞ୍ଚଳରେ ପ୍ରଶାସନ ପକ୍ଷରୁ ବ୍ୟାପକ ପୋଲିସ ମୁତୟନ କରାଯାଇଛି। ଏହି ଅବସରରେ ବିଂଝାରପୁର ବିଧାୟିକା ପ୍ରମିଳା ମଲ୍ଲିକ,ବ୍ଲକ ଅଧ୍ୟକ୍ଷା ରଂଜିତା କୁମାରୀ ଦାସ,ଜିଲାପରିଷଦ ସଦସ୍ୟ ନନ୍ଦ କିଶୋର ସାମଲ ପ୍ରମୁଖ ସାମିଲ ହୋଇ ଶୁଭେଚ୍ଛା ଜଣାଇଥିଲେ।
