ବୌଦ୍ଧ : (ଚିତ୍ତରଞ୍ଜନ ସିଂହ) ବୌଦ୍ଧ, କନ୍ଧମାଳ ଓ ସୁବର୍ଣ୍ଣପୁର ଆଦି ଜିଲ୍ଳା ଗାୟତ୍ରୀ ପରିବାର ଙ୍କ ସକ୍ରୀୟ ସହଯୋଗ ଏବଂ ସାନ୍ତିକୁଞ୍ଜ ହରିଦ୍ଵାର ର ପ୍ରତ୍ୟେକ୍ଷ ତତ୍ତ୍ଵାବଧାନରେ ଦୀର୍ଘ ଚାରିଦିନ ଧରି ଚାଲିଥିବା ୨୪ କୁଣ୍ଡିୟ ଗାୟତ୍ରୀ ମହାଯଜ୍ଞ ଆଜି କଣ୍ଟାମାଳ ବସଷ୍ଟାଣ୍ଡ ସ୍ଥିତ ଦୂର୍ଗା ମଣ୍ଡପ ଠାରେ ଏକ ଆଧ୍ୟାତ୍ମିକ ପରିବେଶ ମଧ୍ୟରେ ଉଦଯାପିତ ହୋଇଯାଇଛି l ନାରୀ ସଶକ୍ତି କରଣ ବର୍ଷ ଉପଲକ୍ଷେ ଶାନ୍ତିକୁଞ୍ଜ ହରିଦ୍ଵାର ର ଟୋଲିନାୟକ ପ୍ରଶାନ୍ତ ସେଠ୍ ଙ୍କ ନେତୃତ୍ୱରେ ସହ-ଟୋଲିନାୟକ ଅମୁଲ୍ୟ ସ୍ଵାଇଁ, ଗାୟକ ସରୋଜ ପ୍ରଧାନ ଓ ବାଦକ ସୁବାସ ଚୌଧୁରୀ ପ୍ରମୁଖ ସଂଗୀତ ଓ ପ୍ରବଚନ ମlଧ୍ୟମରେ ଶ୍ରଦ୍ଧାଳୁ ଓ ଭକ୍ତମାନଙ୍କୁ ଯୁଗ ସ୍ରଷ୍ଟା ବେଦ ମାତା ଗାୟତ୍ରୀ ଙ୍କ ମହିମା ଓ ନୀତି ଆଦର୍ଶ କଥା ଭକ୍ତ ଓ ଶ୍ରଦ୍ଧାଳୁମାଙ୍କ ହୃଦୟ ମଧ୍ୟରେ ଧର୍ମୀୟ ଭାବନା ସୃଷ୍ଟି କରିଥିଲା l ସାମୁହିକ ଜପ, ଧ୍ୟାନ,ଦେବପୁଜନ, ଗାୟତ୍ରୀ ଯଜ୍ଞ, ପ୍ରଜ୍ଞାଯୋଗ ଆଦି ସମେତ ସଂସ୍କାର କାର୍ଯ୍ୟ ଅନୁଷ୍ଠିତ ହୋଇଛି l
ଏଥିରେ ୧୫ଜଣ ମୁଣ୍ଡନ ସଂସ୍କାର,୧୦ଜଣ ଗୁରୁମନ୍ତ୍ର ଦୀକ୍ଷା, ୭ଜଣ ବିଦ୍ୟାରମ୍ଭ ସଂସ୍କାର, ଜଣେ ନାମ କରଣ ସଂସ୍କାର ଓ ଜଣେ ମାତା ଙ୍କୁ ପୁଂଶବନ ରେ ସଂସ୍କାରିତ୍ କରlଯାଇଥିଲା l ଏହି ଅବସରରେ ମନମୁଣ୍ଡା ର ଗୁରୁଚରଣ ମେହର ଙ୍କ ସୂପୁତ୍ରି ବସୁଧl ଙ୍କ ସହ କୌସ୍ତୁଭ ମେହେର ଙ୍କ ସୁପୁତ୍ର ଆଶିଷ ଙ୍କ ଗାୟତ୍ରୀ ପୀଠ ରେ ଆଦର୍ଶ ବିବାହ ହୋଇଥିଲା l ତୃତୀୟ ଦିନ ସନ୍ଧ୍ୟାରେ ସମସ୍ତ ଭକ୍ତ ଓ ଶ୍ରଦ୍ଧାଳୁ ମାନଙ୍କ ଦ୍ଵାରା ଅନୁଷ୍ଠିତ ଦ୍ଵୀପ ଯଜ୍ଞ ରେ ସମଗ୍ର ଯଜ୍ଞପୀଠ ଆଲୋକରେ ଝଲସି ଉଠିଥିଲା l ଆଜି ୨୪କୁଣ୍ଡର ଯଜ୍ଞ କର୍ତ୍ତା ମାନଙ୍କ ଦ୍ବାରା ଯଜ୍ଞ କାର୍ଯ୍ୟ ସମାପନ ପରେ ପୂର୍ଣ୍ଣାହୁତି ହୋଇଥିଲା l ଯଜ୍ଞ ପୂର୍ଣ୍ଣାହୁତି ପରେ ଟୋଲିନାୟକ ପଣ୍ଡିତ ପ୍ରଶାନ୍ତ ସେଠ୍ ସମସ୍ତ କାର୍ଯ୍ୟକର୍ତ୍ତା ମାନଙ୍କୁ ଆଶିର୍ବାଦ ପ୍ରଦାନ କରିବା ସହ ଭକ୍ତ ଓ ଶ୍ରଦ୍ଧାଳୁମାନଙ୍କ ସୁଖୀ ଓ ନିରାମୟ ଜୀବନ କାମନା କରିଥିଲେ l ଚାରିଦିନ ଧରି ଚାଲିଥିବା ଯଜ୍ଞ, ଭଜନ ଓ ପ୍ରବଚନ ରେ ବହୁ ସଂଖ୍ୟାରେ ଶ୍ରଦ୍ଧାଳୁ ଭକ୍ତମାନେ ଯୋଗଦେଇ ପ୍ରଭୂ କୃପା ଲାଭ କରିଥିଲେ
