କେସିଙ୍ଗା:(ପ୍ରିତେଶ ପଟେଲ୍)ଯନ୍ତ୍ରଣାରେ ଛଟପଟ ।ଏପରିସ୍ଥିତି ରେ ମୁହଁକୁ ମୁହଁ ମିଳାଇ ଆଖିରୁ ଲୁହ ଗଡେଇ ସହାୟତା ହାତ ପାତିଛି ସ୍ତ୍ରୀ। ମୋ ସ୍ୱାମୀ ଙ୍କୁ ବଞ୍ଚାଇ ଦିଅ-ମୋ ସଙ୍ଖା ସିନ୍ଦୁର କୁ ଭଲ କରିଦିଅ।ସତରେ ଏହା କାହାଣୀ ନୁହଁ।ଜଣେ କର୍କଟ ରୋଗୀ ର ସ୍ତ୍ରୀ ର କରୁଣ ଦୃଶ୍ୟ।
ଏଭଳି ହୃଦୟ ବିଦାରକ ଘଟଣା କଳାହାଣ୍ଡ ଜିଲ୍ଲା ଅନ୍ତର୍ଗତ ବୋର୍ଡ଼ା ଗ୍ରାମରେ ଦେଖିବାକୁ ମିଳିଛି।ଗ୍ରାମର ରୂପାଧରତାଣ୍ଡି (୩୫)ଗତ ଦ୍ଵି ବର୍ଷ ତଳୁ ବ୍ଲଡ଼କ୍ୟାନ୍ସର ରୋଗ ରେ ପୀଡିତ।ଭବାନୀପାଟଣା ଡାକ୍ତର ଖାନା ଠାରୁ ଆରମ୍ଭ କରି ବୁର୍ଲା ଭୁବନେଶ୍ୱର, କଟକ ସ୍ଥିତି ଡାକ୍ତର ଖାନାରେ ଚିକିତ୍ସା କରାଇଛନ୍ତି।ହେଲେ ଉପଶମ ପାଇବା ଦୂରର କଥା ଦିନ କୁ ଦିନ ରୋଗ ବଢିଚାଲିଛି।
ଏବେ ରୋଗ ଶଯ୍ୟା ରେ ମରଣ ସହ ସଂଗ୍ରାମ କରୁଛନ୍ତି।ଘରରେ ଥିବା ସବୁ ପ୍ରକାର ଜିନିଷ ପତ୍ର ବିକ୍ରି କରି ଏ ଡାକ୍ତର ଖାନା ରୁ ସେ ଡାକ୍ତର ଯାଇ ଚିକିତ୍ସା କରାଇଥିଲେ।ଶେଷରେ ନିଜ ବାସନ କୁସନ ବି ବିକ୍ରି କରି ଚିକିତ୍ସା ହେଲେ।ହେଲେ କିଛି ସୁଫଳ ମିଳିଲା ନାହିଁ।ଏବେ ଘର ଚାରିକାନ୍ଥ ଆବଦ୍ଧ କୋଠରୀ ଭିତରେ ଖଟ ଉପରେ ଛଟପଟ ହେଉଛନ୍ତି।କହିବାକୁ ଗଲେ ଜୀବନ ମରଣ ସହ ସଂଘର୍ଷ କରୁଛନ୍ତି।ଡାକ୍ତର ଙ୍କ କହିବା ମତେ ଏହିରୋଗର ଉନ୍ନତମାନର ଚିକିତ୍ସା ଆବଶ୍ୟକ।ସେଥିପାଇଁ ପ୍ରଚୁର ଅର୍ଥ ଆବଶ୍ୟକ ଥିବା ଡାକ୍ତର କହିଥିବା ସ୍ତ୍ରୀ ସଜନା ତାଣ୍ଡି ପ୍ରକାଶ କରନ୍ତି।ପରିବାର ଅତି ଗରିବ ଶ୍ରେଣୀର ଲୋକ ହୋଇଥିବା ବେଳେ କୋଉଠି ଏତେ ପରିମାଣ ଟଙ୍କା ଯୋଗାଡ କରିବେ ତାହା ସହଜରେ ଅନୁମେୟ। ପୀଡିତ ଜଣ ହିଁ ପନିପରିବା ବ୍ୟବସାୟ କରି ପରିବାର କୁ ପ୍ରତିପୋଷଣ କରୁଥିଲେ।
ହେଲେ ଏବେ ସେ ରୋଗ ଶଯ୍ୟା ରେ-ପଡିରହିଥିବା ବେଳେ ଅନାଟନ ଭିତରେ ପରିବାର।ସରକାର ଙ୍କ ବିଜୁ ସ୍ୱାସ୍ଥ୍ୟ କାର୍ଡ ମାଧ୍ୟମରେ ଡାକ୍ତର ଖାନା ରେ ଚିକିତ୍ସା କରି ସାରିଛନ୍ତି।ପରିବାର ଙ୍କ କହିବା ମତେ କାର୍ଡ ରେ ଯେତେ ଟଙ୍କା ଥିଲା ଚିକିତ୍ସା କରାଇ ଶେଷ ହୋଇଯାଇଥିବା ଜଣାପଡିଛି।ବର୍ତ୍ତମାନ ଅର୍ଥ ର ଆବଶ୍ୟକ ରହିଥିବା ବେଳେ ସ୍ତ୍ରୀ ନ୍ୟୁଜ ମାଧ୍ୟମରେ ସରକାର ଙ୍କୁ ସହାୟତା ପାଇଁ ହାତ ପାତିଛନ୍ତି।ସରକାର ଓ ଜିଲ୍ଲା ପ୍ରଶାସନ ରୂପାଧର ପ୍ରତି ଦୃଷ୍ଟି ଦେଇ ତାର ଉନ୍ନତ ଚିକିତ୍ସା କରାଇଲେ ହୁଏତ ପରିବାରରେ ପୁଣି ହସଖୁସି ଫେରି ଆସି ପାରନ୍ତା ବୋଲି ବୁଦ୍ଧିଜୀବୀ ଭିତରେ ଆଲୋଚନା ହେଉଛି।ବର୍ତ୍ତମାନ ତାଙ୍କର ଗୋଟାଏ ୨ବର୍ଷ ର ଶିଶୁ ,ବିଧମା ମାଆ ଓ ସ୍ତ୍ରୀ କୁ ନେଇ ଘର ସଂସାର।ରୂପାଧର ଙ୍କ ଚିକିତ୍ସା ଜରୁରୀ ଥିବା ବେଳେ ବିଧମା ମାଆ ଓ ସ୍ତ୍ରୀ ସରକାର ଙ୍କୁ ସହାୟତା ପାଇଁ ନିବେଦନ କରିଛନ୍ତି।ଏଣେ ତୁରନ୍ତ ଉନ୍ନତ ଚିକିତ୍ସା ପାଇଁ ପ୍ରଶାସନ ଓ ସରକାର ଙ୍କ ନିକଟରେ ଗ୍ରାମ ବାସୀ ଙ୍କ ଦାବି ହେଉଛି।ଏନେଇ ଜିଲ୍ଲା ଚିକିତ୍ସା ଅଧିକାରୀ ଙ୍କ ସହ ଯୋଗାଯୋଗ କରିଥିଲେ ହିଁ ସମ୍ଭବ ହୋଇ ନ ଥିଲା।
