ବାଲେଶ୍ଵର/ବସ୍ତା :ବାଲେଶ୍ଵର ଜିଲ୍ଲାରେ ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନାରେ ସ୍ମାର୍ଟ କାର୍ଡ ପ୍ରଦାନ କାର୍ଯ୍ୟକ୍ରମକୁ ମୁଖ୍ୟମନ୍ତ୍ରୀ ଗତ ୨୬ ତାରିଖ ରେ ଶୁଭାରମ୍ଭ କରିବା ପରେ ବାଲେଶ୍ଵର ଜିଲ୍ଲାର ବିଭିନ୍ନ ନିର୍ବାଚନ ମଣ୍ଡଳୀରେ ମନ୍ତ୍ରୀ ଓ ବିଧାୟକ ଦ୍ୱାରା ସ୍ମାର୍ଟ କାର୍ଡ ବଣ୍ଟନ ଚାଲୁଥିବା ବେଳେ ମଙ୍ଗଳବାର ବସ୍ତା ବ୍ଲକର ଅମର୍ଦ୍ଦାରୋଡ ନଟାକଟା ପଞ୍ଚାୟତରେ ପଞ୍ଚାୟତ ଅଫିସ ପ୍ରାଙ୍ଗଣ ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଜଳେଶ୍ଵର ବିଧାୟକ ଅଶ୍ୱନି କୁମାର ପାତ୍ର ଯୋଗଦେଇ ସ୍ମାର୍ଟ କାର୍ଡ ବଣ୍ଟନ କରିବା ସହିତ ଏହି କାର୍ଡ ଦ୍ୱାରା ମହିଳା ମାନେ ୧୦ ଲକ୍ଷ୍ୟ ଓ ପରିବାର ଅନ୍ୟବ୍ୟକ୍ତି ମାନେ ୫ ଲକ୍ଷ ଟଙ୍କାର ଚିକିତ୍ସା ସୁବିଧା ପାଇ ପାରିବେ ବିଧାୟକ ଆଲୋକପାତ କରିଥିଲେ।
ବିଧାୟକଙ୍କ ସହିତ ବସ୍ତା ବିଡ଼ିଓ ଜ୍ଞାନରଞ୍ଜନ ସାହୁ, ଜିଲ୍ଲା ପରିଷଦ ସଦସ୍ୟ ସମ୍ଭୁନାଥ ସେଠୀ,ସରପଞ୍ଚ ରବିନ୍ଦ୍ର ମହାନ୍ତି,ବିଜୁ ଜନତା ଦଳର ଜିଲ୍ଲା ସମ୍ପାଦକ ସମୀର ଚଣ୍ଡ ପ୍ରମୁଖ ଉପସ୍ଥିତ ଥିଲେ।ସେହିପରି ନାଟାକଟା ପଞ୍ଚାୟତର ହଦମୌଦ ଗ୍ରାମ ସ୍ଥିତ ପ୍ରାଥମିକ ବିଦ୍ୟାଳୟ ପ୍ରାଙ୍ଗଣରେ ସ୍ମାର୍ଟ କାର୍ଡ ବଣ୍ଟନ କରାଯାଇଥିଲା।ତେବେ ଆଜି କୁଳିଦା ପଞ୍ଚାୟତରେ ମଧ୍ୟ ମୁଖ୍ୟଅତିଥି ଭାବେ ଜଳେଶ୍ଵର ବିଧାୟକ ଅଶ୍ଵନି କୁମାର ପାତ୍ର ଯୋଗଦେଇ ହେଲଥ କାର୍ଡ ବଣ୍ଟନ କରିଥିଲେ।
ଅନ୍ୟମାନଙ୍କ ମଧ୍ୟରେ ବସ୍ତା ବିଡ଼ିଓ ଶ୍ରୀ ସାହୁ,ସରପଞ୍ଚ ସୁନିଲ ସେନାପତି,ସମିତି ସଭ୍ୟ ଦାମୋଦର ପ୍ରଧାନ ପ୍ରମୁଖ ଉପସ୍ଥିତ ଥିଲେ।ନଟାକଟା ପଞ୍ଚାୟତର ଜିଆରଏସ ମାନସ ରଞ୍ଜନ ନାୟକ,ବିଦ୍ୟାଳୟର ଶିକ୍ଷକ,ଶିକ୍ଷୟତ୍ରୀ,ଅଙ୍ଗନୱାଡ଼ି କର୍ମୀ ପ୍ରମୁକ ଉପସ୍ଥିତ ରହି ସୁଚାରୁ ରୂପେ କାର୍ଯ୍ୟକ୍ରମ କୁ ପରିଚାଳନା କରିଥିଲେ।ଆଇନ ଶୃଙ୍ଖଳାକୁ ଦୃଷ୍ଟି କୁ ରଖି ପୋଲିସ ମୁତୟନ କରାଯାଇଥିଲା।
