ଧର୍ମଗଡ଼:(ହେମନ୍ତ କୁମାର ମାଝୀ)ଧର୍ମଗଡ଼ ତା ୩୦/୬/୨୩ କଳାହାଣ୍ଡି ଜିଲ୍ଲା ଧର୍ମଗଡ଼ ଗୋଡ଼ଭଞ୍ଜା ବିଜୁ ଏକ୍ସପ୍ରେସ ଗୋଳେଇ ଛକ ଠାରେ ଥିବା ହାଇମାକ୍ସ ଲାଇଟ୍ ଦୀର୍ଘ ଦିନ ରୁ ବନ୍ଦ ଥିଲା ଯାହା ଫଳରେ ଲୋକମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଥିବା ଦେଖିବାକୁ ମିଳୁଥିଲା।
ସନ୍ଧ୍ୟା ସମୟରେ ଲୋକ ମାନେ ବୁଲା ବୁଲି କରୁଥିଲେ କିନ୍ତୁ ଦୀର୍ଘ ଦିନ ଗୋଳେଇ ଛକ ଠାରେ ଥିବା ହାଇମାକ୍ସ ଲାଇଟ୍ ବନ୍ଦ ଥିବା ବେଳେ ଲୋକ ସେଠାରେ ବୁଲାବୁଲି କରିବା ବନ୍ଦ କରିଦେଇ ଥିଲେ କାରଣ ଏହି ରାସ୍ତା ରେ ବଡ଼ ବଡ଼ ଗାଡ଼ି ଯାତାୟାତ କରିଥାଏ। ଏଣୁ ଏହି ହାଇମାକ୍ସ ଲାଇଟ୍ ବନ୍ଦ ଥିବା ଯୋଗୁଁ ସନ୍ଧ୍ୟା ସମୟରେ ଲୋକଙ୍କ ଗହଳି ଦେଖିବାକୁ ମିଳୁନଥିଲା।
ସ୍ଥାନୀୟ ସରପଞ୍ଚଙ୍କ ପାଖରେ ଅଭିଯୋଗ ହୋଇଥିଲା। ଅଭିଯୋଗ କୁ ନେଇ ସ୍ଥାନୀୟ ସରପଞ୍ଚ ବିଭୁ ଦତ୍ତ ପ୍ରଧାନୀ ଓ ସମାଜ ସେବୀ ବିବେକ ରଞ୍ଜନ ମିଶ୍ର ଙ୍କ ଚେଷ୍ଟା କ୍ରମେ ଆଜି ଗୋଳେଇ ଛକ ଥିବା ହାଇମାକ୍ସ ଲାଇଟ୍ ଜଳୁଥିବା ଯୋଗୁଁ ଲୋକଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଥିଲା।
