ଭବାନୀପାଟଣା:(ଅର୍ଜୁନ ପଟ୍ଟନାୟକ)ଚକୁଳି ପିଠା ଓ ଆମ୍ବ ଖାଇବା ପରେ ଫୁଡ଼ ପଏଜନ ହୋଇ କୋକସରା ବ୍ଲକ ଡ଼ହଗାଁ ପଞ୍ଚାୟତ ଡ଼ହଗାଁ କଲୋନି ପଡାର ୧୦ ଜଣ ମହିଳା, ପୁରୁଷ ଓ ଶିଶୁ ଅସୁସ୍ଥ ହୋଇ କୋକସରା ଡାକ୍ତରଖାନାରେ ଭର୍ତ୍ତି ହୋଇଥିବା ବେଳେ ସେମାନଙ୍କ ପ୍ରାଥମିକ ଚିକିତ୍ସା ଜାରି ରହିଛି।
ସୂଚନା ଅନୁସାରେ ଡ଼ହଗାଁ କଲୋନି ପଡାର କିଶୋର ମଙ୍ଗରାଜ(୩୦), କବିତା ମଙ୍ଗରାଜ (୫୦), ପ୍ରିୟଦର୍ଶନୀ ଠାକୁର(୩୫), ପ୍ରମିତା ଠାକୁର(୩୨), ସତ୍ୟବତୀ ବାଗ(୫୦), ମଙ୍ଗନି ବେୱା(୮୨), ଚାନ୍ଦ ମଙ୍ଗରାଜ(୫), ମୁସ୍କାନ ବିହାରୀ(୭), ଲିପୁନ ଠାକୁର(୧୧), ସ୍ନେହା ଠାକୁର(୫) ଆମ୍ବ ଓ ପିଠାପଣା ଖାଇବା ପରେ ବାନ୍ତି ହୋଇଥିଲା।
ପରେ ସମସ୍ତଙ୍କ ଅବସ୍ଥା ଗୁରୁତର ହେବାରୁ ଗୁରୁବାର ସକାଳୁ ଆକ୍ରାନ୍ତ ମାନଙ୍କୁ କୋକସରା ଡାକ୍ତରଖାନାରେ ଭର୍ତ୍ତି କରାଯାଇଛି।ସେମାନଙ୍କ ପ୍ରାଥମିକ ଚିକିତ୍ସା କରାଯାଇଛି । ଏନେଇ ଚିକିତ୍ସା କରୁଥିବା ଡାକ୍ତର ଅଭିଷେକ ବେହେରାଙ୍କ ମତାମତ ନେବାରୁ ପିଠା ଓ ଆମ୍ବ ଖାଇବା ପରେ ଫୁଡ଼ ପଏଜନ ହୋଇ ବାନ୍ତି ହୋଇଛି। ବର୍ତ୍ତମାନ ଚିକିତ୍ସା ପରେ ସମସ୍ତଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ଥିବା କହିଛନ୍ତି।
