ଖପ୍ରାଖୋଲ: ୨୦/୫( ତାପସ ରଞ୍ଜନ ବେହେରା) ଖପ୍ରାଖୋଲ ବ୍ଲକ୍ ସଭାଗୃହ ଠାରେ ପ୍ରଶାସନ ଓ ହରିଶଙ୍କର ଠାରେ ଥିବା ଦୋକାନୀଙ୍କ ମଧ୍ୟରେ ଏକ ବୈଠକ ପାଟଣାଗଡ ଉପ ଜିଲ୍ଲାପାଳ ଡ଼ ବିଜୟାନନ୍ଦ ସେଠୀ ଙ୍କ ଅଧ୍ୟକ୍ଷତାରେ ଶନିବାର ଅନୁଷ୍ଠିତ ହୋଇଯାଇଛି। ବୈଠକରେ ହରିଶଙ୍କର ମନ୍ଦିର ପାରିପାର୍ଶ୍ବିକ ଉନ୍ନୟନ ତଥା ସ୍ଵନ୍ଦର୍ଯ୍ୟ କରଣ ପାଇଁ ପର୍ଯ୍ୟଟନ ବିଭାଗ ତରଫରୁ ନୂତନ ଦୋକାନ ଗୃହ ନିର୍ମାଣ ହୋଇଛି। ଏହି ଦୋକାନ ଗୃହ ବଣ୍ଟନ ଉପରେ ପୁରୁଣା ଦୋକାନୀ ମାନଙ୍କ ସହ ପ୍ରଶାସନ ର ଆଲୋଚନା ହୋଇଥିଲା।
ପୂର୍ବରୁ ପ୍ରଶାସନ ତରଫରୁ ଦୋକାନୀ ମାନଙ୍କ ତାଲିକା ପ୍ରସ୍ତୁତ ହେଉଥିବା ବେଳେ ପ୍ରାଥମିକତା ଦୃଷ୍ଟିରେ ବର୍ଷସାରା ଦୋକାନ କରି ଜୀବିକା ନିର୍ବାହ କରୁଥିବା ଦୋକାନୀଙ୍କୁ ଦୋକାନ ଗୃହ ଦେବାକୁ ନିଷ୍ପତି ହୋଇଥିବା ବେଳେ ଲଟେରୀ ମାଧ୍ୟମରେ ୨୬ ଟି ଦୋକାନୀଙ୍କୁ ଦୋକାନ ଗୃହ ବଣ୍ଟନ କରାଯାଇଥିଲା। ଦୋକାନ ଗୃହ ପାଇଁ ସିକ୍ୟୁରିଟି ଜମା ସହ ମାସିକ ଭଡା ବାବଦରେ ମଧ୍ୟ ଆଲୋଚନା ହୋଇଥିଲା। କେତେକ ଦୋକାନୀ ପୂର୍ବରୁ ଦୋକାନ କରି ଆସୁଥିଲେ ମଧ୍ୟ ସର୍ଭେ ରେ ନାମ ନ ଥିବା ଅଭିଯୋଗ କରିଥିଲେ। ଏନେଇ ପାଟଣାଗଡ ଉପ ଜିଲ୍ଲାପାଳ ପ୍ରଥମ ପର୍ଯ୍ୟାୟରେ ସ୍ଥାୟୀ ଭାବରେ ଦୋକାନ କରି ଆସୁଥିବା ଦୋକାନୀଙ୍କୁ ଗୃହ ବଣ୍ଟନ କରାଯାଇଛି।
ଏନେଇ କାହାରି ଅଭିଯୋଗ ଥିଲେ ବ୍ଲକ୍ ରେ ଥିବା ଅଭିଯୋଗ ଓ ପରାମର୍ଶ ବାକ୍ସ ରେ ଲିଖିତ ଜଣାଇଲେ ତାର ସମାଧାନ କରାଯିବ ବୋଲି କହିବା ସହ ଯୋଗ୍ୟ ଦୋକାନୀଙ୍କୁ ଦ୍ୱିତୀୟ ପର୍ଯ୍ୟାୟ ରେ ଦୋକାନ ଗୃହ ଦିଆଯିବ ବୋଲି କହିଛନ୍ତି। ଏହି ଅବସରରେ ପାଟଣାଗଡ ଆସିଷ୍ଟାନ କଲେକ୍ଟର ପଦ୍ମନାଭ ମହାରଣା, ଖପ୍ରାଖୋଲ ତହସିଲଦାର ଆଦିତ୍ୟ ପ୍ରସାଦ ମିଶ୍ର, ପାଟଣାଗଡ ତହସିଲଦାର ଲକ୍ଷ୍ମଣ ମାଝୀ, ଖପ୍ରାଖୋଲ ଥାନା ଅଧିକାରୀ ରମାକାନ୍ତ ସାହୁ, ହରିଶଙ୍କର ଫାଣ୍ଡି ଅଧିକାରୀ ସେବନ କେରେକେଟା , ମନ୍ଦିର ପରିଚାଳକ ଗୁପ୍ତେଶ୍ୱର କୁଅଁର, ଦେବୋତ୍ତର କମିଟି ସଦସ୍ୟ, ଦୋକାନୀ ଉପସ୍ଥିତ ଥିଲେ।
