ଖପ୍ରାଖୋଲ: ୮/୫(ତାପସ ରଞ୍ଜନ ବେହେରା) ଖପ୍ରାଖୋଲ ବ୍ଲକ୍ ଟଙ୍କ ପାଣି ପଂଚାୟତ ସରାଇବାହାଲ ଗାଁ ରେ ବଡଗୁର୍ଜିଭଟା କେନ୍ଦ୍ର ସ୍ତରୀୟ କୁଲତା ସମାଜ ବୈଠକ ଭିକାରୀ ଚରଣ ବିଶ୍ଵାଳ ଙ୍କ ଅଧ୍ୟକ୍ଷତାରେ ସୋମବାର ଅନୁଷ୍ଟିତ ହୋଇଯାଇଛି। ବୈଠକରେ ମୁଖ୍ୟ ଅତିଥି ରୂପେ ଜିଲ୍ଲା ସଭାପତି ବେଲାର ସିଂ ଭୋଇ, ସମ୍ମାନିତ ଅତିଥି ରୂପେ ଉପସଭାପତି ଜୟ ସିଂ ପ୍ରଧାନ, ଶତ୍ରୁଘ୍ନ ଭୋଇ ପ୍ରମୁଖ ଯୋଗଦେଇଥିଲେ। ଏହି ଅବସରରେ ସମାଜ ର ଅର୍ଥନୈତିକ, ସାମାଜିକ ଓ ଶିକ୍ଷା ର ବିକାଶ ଉପରେ ଆଲୋଚନା ହୋଇଥିଲା।
ସମାଜ କୁ ସଂସ୍କାରିତ ଓ ସଙ୍ଗଠିତ ରଖିବା କୁ ଅତିଥି ମାନେ ଆଲୋକପାତ କରିଥିଲେ। ଏହି ଅବସରରେ କେନ୍ଦ୍ର ର ନୂତନ କର୍ମ କର୍ତ୍ତା ଚୟନ ଉପରେ ଆଲୋଚନା ହୋଇଥିଲା। ସଭାପତି ବସୁଦେବ ଗଡତ୍ୟା, ସମ୍ପାଦକ ରୁପେ ମାଧବ ସାହୁ, ଉପସଭାପତି ରୂପେ ମଧୁ ପ୍ରଧାନ, ସହ ସମ୍ପାଦକ ରୁପେ ସରୋଜ କୁମାର ବିଶ୍ବାଳ ଓ କୋଷାଧକ୍ଷ ରୂପେ ଚୈତନ୍ୟ ପ୍ରଧାନ ସର୍ବସମ୍ମତି ରୂପେ ମନୋନୀତ କରିଥିଲେ। ସେହିପରି ଜିଲ୍ଲା ସ୍ତରୀୟ ସଭ୍ୟ ରୁପେ ଜୟକୃଷ୍ଣ ସାହୁ, ଧ୍ରୁବ ଚରଣ ବିଶ୍ଵାଳ, ଭିକାରୀ ଚରଣ ବିଶ୍ଵାଳ, ଡୋଳା ମଣି ପ୍ରଧାନ ମନୋନୀତ ହୋଇଥିଲେ। ବୈଠକରେ ଶତାଧିକ କୁଳତା ସମାଜ ର ବରିଷ୍ଠ ସଦସ୍ୟ ଉପସ୍ଥିତ ଥିଲେ।
