ଖପ୍ରାଖୋଲ:(ତାପସ ରଞ୍ଜନ ବେହେରା )ବଲାଙ୍ଗିର ଜିଲ୍ଲା ଖପ୍ରାଖୋଲ ବ୍ଲକ ହରିଶଙ୍କର ରେଞ୍ଜ ଅନ୍ତର୍ଗତ ଡୁଡୁକିପଦର୍ ଗାଁ ନିକଟ ଠୁଟା ଜଙ୍ଗଲ ରୁ ଖଇର କାଠ ଚୋରାଚାଲାଣ ହେଉଥିବା ସମୟରେ ବନବିଭାଗ ଚଢ଼ାଉ କରି ଏକ ପିକଅପ ଗାଡ଼ି ସହ କାଠ ମାଫିଆ ଙ୍କୁ ଗିରଫ କରିଥିବା ବନ ବିଭାଗ ତରଫରୁ ସୂଚନା ମିଳିଛି ।
ମିଳିଥିବା ସୂଚନା ଅନୁସାରେ ବନ ବିଭାଗ କର୍ମଚାରୀ ମାନେ ଜଙ୍ଗଲ କୁ ସୁରକ୍ଷା ଦେବା ପାଇଁ ନିତିଦିନ ପେଟ୍ରୋଲିଙ୍ଗ କରିଥାନ୍ତି । ହରିଷଙ୍କର ରେଞ୍ଜେର ଗିରିଧାରି ନାଗ ଙ୍କ ନେତ୍ରୁତ୍ଵ ରେ ଫରେଷ୍ଟର ସୁଧିର ଜେନା ଫରେଷ୍ଟର ସନ୍ଧ୍ୟା ରାଣୀ ସେଠ ,ଫରେସ୍ତ ଗାର୍ଡ ରାଜେନ୍ଦ୍ର ଧାରୁଆ , ପିତାମ୍ବର ମାଝୀ , ଜଙ୍ଗଲ ଓ ବନ ସୁରକ୍ଷା ଦଳ ସାମିଲ ହୋଇ ଗାଡ଼ିରେ ପେଟ୍ରୋଲିଙ୍ଗ କରୁଥିବା ସମୟରେ ପିକଅପ ଗାଡୀ ମାଧ୍ୟମରେ ଖଇର କାଠ ବୋଝେଇ ହୋଇ ରହିଥିବା ଦେଖିବାକୁ ପାଇଥିଲେ।
ଗାଡି ନିକଟକୁ ଯାଇ ପଚରା ଉଚରା କରିବାରୁ ଖଇର କାଠ ଚୋରାଚାଲାଣ ହେଉଥିବା ଜାଣିବାକୁ ପାଇଥିଲେ । ଏହାପରେ କାଠ ଚୋର ଚାଲାଣ କରୁଥିବା ମୁଖ୍ୟ କାଠ ମାଫିଆ ପାଟଣାଗଡ ଥାନା କୁକୁରମୁଣ୍ଡା ଗ୍ରାମର ସରଜୁ ମେହେର ଙ୍କୁ ଘଟଣା ସ୍ଥଳରୁ ଗିରଫ କରି ଥିଲେ । ଚୋରା ଚାଲାଣ ହେଉଥିବା ଖଇର କାଠ ଆନୁମାନିକ କୋଡ଼ିଏ କୁଇଣ୍ଟାଳ ହୋଇଥିବା ବେଳେ ତାହାର ଆନୁମାନିକ ମୂଲ୍ୟ ୪୫ ହଜାର ହେବ ବୋଲି ବନ ବିଭାଗ ତରଫରୁ ସୂଚନା ମିଳିଛି ।
ଜବତ ହୋଇଥିବା କାଠ ମାନ ତୁରେକେଲା ଥାନା ମହୁଲପାଟି ଗ୍ରାମକୁ ଚାଲାଣ ବନ ବିଭାଗ ପ୍ରକାଶ କରିଛି । ଅଭିଯୁକ୍ତ ଙ୍କ ନାମରେ ପୂର୍ବରୁ ବେଆଇନ କାଠ ଚୋରା ଚାଲାଣ ନେଇ ପାଟଣାଗଡ , ଖପ୍ରାଖୋଲ ରେଞ୍ଜ ଅଞ୍ଚଳରେ ମାମଲା ମାନ ଥିବା ଜଣାପଡିଛି । ଏନେଇ ରେଞ୍ଜର ଗିରିଧାରୀ ନାଗ ଙ୍କୁ ପଚାରିବାରୁ ଅଭିଯୁକ୍ତ ଙ୍କ ନାମରେ ଏକ ମାମଲା ରୁଜୁ କରି କୋର୍ଟ ଚାଲାଣ କରାଯିବା ସହ ଘଟଣାର ଅଧିକ ତଦନ୍ତ ଜାରି ରହିଥିବା ସୂଚନା ଦେଇଛନ୍ତି।
