ଖପ୍ରାଖୋଲ: ୧୫/୩( ତାପସ ରଞ୍ଜନ ବେହେରା) ସାରା ରାଜ୍ୟରେ ଓଡ଼ିଶା ରାଜ୍ୟ ଡ୍ରାଇଭର ମହା ସଂଘ ତରଫରୁ ଷ୍ଟେରିଙ୍ଗ ଛାଡ ଆନ୍ଦୋଳନ ଡ଼ାକରା ଦେଇଥିବା ବେଳେ ଖପ୍ରାଖୋଲ ରେ ଡ୍ରାଇଭର ମହାସଂଘ ତରଫରୁ ବୁଧବାର ଆନ୍ଦୋଳନକୁ ଓହ୍ଲାଇଛନ୍ତି । ଏହି ଅବସରରେ ପାଟଣାଗଡ ଖପ୍ରାଖୋଲ ରାସ୍ତା ଧାନ ମଣ୍ଡି ନିକଟରେ ଦିନ ସାରା ଧାରଣାରେ ବସିଥିଲେ । ଡ୍ରାଇଭର ସଂଘ ଆନ୍ଦୋଳନକୁ ଓହ୍ଲାଇ ଥିବାରୁ ଯାତ୍ରୀ ବାହି ବସ ଓ ଅତ୍ୟାବଶ୍ୟକ ସେବା ଗାଡି କୁ ଛାଡ଼ିଦେଲେ ଗାଡି ଚଳାଚଳ ସମ୍ପୂର୍ଣ୍ଣ ବନ୍ଦ ରହିଥିଲା।
ଆନ୍ଦୋଳନର ନେତୃତ୍ୱ ଖପ୍ରାଖୋଲ ବ୍ଲକ ଡ୍ରାଇଭର ସଂଘ ଆଡମୀନ ଧନୁର୍ଧର ବାରିକ , ସଭାପତି ଦିଲୀପ କୁମାର ନାଏକ, ସମ୍ପାଦକ ସିମଞ୍ଚାଲ ସାହୁ , ମୋହନ ଭୁଏ, ସନ୍ତୋଷ ସାହୁ , ବିନାୟକ ବନଛୋର, ଦେବାନନ୍ଦ ପଟ୍ଟନାୟକ , ନିଲାମଣି ସାହୁ , ସୁଶିଲ ଦଣ୍ଡସେନା , ଫକୀର ପଧାନ , ସୁଦାମ ପଧାନ , କାନ୍ତ ଗଡତ୍ୟା , ପ୍ରଶାନ୍ତ ଦାଶ ସମେତ ଶତାଧିକ ଡ୍ରାଇଭର ଆନ୍ଦୋଳନ ରେ ସାମିଲ ହୋଇଥିଲେ। ବ୍ଲକ ର ଲାଠୋର ଓ ଯୁରିଆ ଠାରେ ମଧ୍ୟ ଡ୍ରାଇଭର ମାନେ ଆନ୍ଦୋଳନକୁ ଓହ୍ଲାଇଥିଲେ ।
