ଟିଟିଲାଗଡ଼ : (ସଞ୍ଜୟ କୁମାର ନାୟକ) ସରକାରି ଡାକ୍ତରଖାନା ସମ୍ମୁଖରେ ପ୍ରତି ରବିବାର ଗରିବ, ଅସହାୟ ତଥା ଭୋକିଲା ଲୋକଙ୍କୁ ରନ୍ଧା ଖାଦ୍ୟ ଟିଟିଲାଗଡ଼ ମାରୱାଡ଼ି ଯୁବା ମଞ୍ଚ ପକ୍ଷରୁ ଦିଆଯାଉଛି। ସରକାରଙ୍କ ଆହାର କେନ୍ଦ୍ର ଉପରେ ବହୁତ ଲୋକ ନିର୍ଭର କରୁଥିବା ବେଳେ ରବିବାର ଦିନ ଏହି ଆହାର କେନ୍ଦ୍ର ବନ୍ଦ ରହୁଥିବା ଯୋଗୁଁ ବହୁତ ଲୋକ ଖାଇବାକୁ ନ ପାଇ ଫେରୁଥବା ଦେଖି ମାରୱାଡ଼ି ଯୁବା ମଞ୍ଚ ତରଫରୁ ପ୍ରତି ରବିବାର ନିଶୁଳ୍କ ରନ୍ଧା ଖାଦ୍ୟ ବଣ୍ଟନ କରୁଛନ୍ତି ।
ମାରୱାଡ଼ି ଯୁବା ମଞ୍ଚର ସଦସ୍ୟ ମାନେ ଏହି ସେବା ମହତ କାମ ପାଇଁ ବହୁତ ଲୋକ ମଧ୍ଯ ଆଗକୁ ଆସି ଗୋଟିଏ ଦିନ ପାଇଁ ହେଉଥିବା ଖର୍ଚ୍ଚ ଦେବା ସହ ନିଜେ ଆସି ଖାଦ୍ୟ ବଣ୍ଟନ କରନ୍ତି, ଯେମିତିକି କାହାର ଜନ୍ମଦିନ, ବିବାହ ବାର୍ଷିକୀ, ତଥା ଯିଏ ବି ସେବା ଯୋଗାଇବାକୁ ଇଚ୍ଛୁକ ସେମାନେ ଦାତା ହୋଇଥାଆନ୍ତି, ନହେଲେ ମାରୱାଡ଼ି ଯୁବା ମଞ୍ଚ ତରଫରୁ ନିଜ ଖର୍ଚ୍ଚରେ ଏହି ସେବା ଯୋଗାଇ ଦେଉଛନ୍ତି। ଯାହାକି ଗରିବ ଲୋକଙ୍କ ପେଟକୁ ପ୍ରତି ରବିବାର ଖାଦ୍ୟ ମିଳୁଛି। ଏହି ମହତ କାର୍ଯ୍ୟ ସମ୍ପାଦନ କରିବାରେ ସହଯୋଗ କରୁଛନ୍ତି ସଭାପତି ରାଜା କମାନୀ, ସମ୍ପାଦକ ହିତେଶ ଜୈନ, ସଦସ୍ୟ ରାକେଶ ଜୈନ, ଶ୍ରୀକାନ୍ତ ଅଗ୍ରୱାଲ, ଅମରନାଥ ସିଙ୍ଗଲ, ପ୍ରମୋଦ ଅଗ୍ରୱାଲ,ଆଶିଷ ଜୈନ, ଅମର ଜୈନ, ୟୋଗେସ ଜୈନ ଏବଂ ଅନ୍ୟାନ୍ୟ ସଦସ୍ୟ।
