ଆସନ୍ତାକାଲି ଯାଜପୁର ଜିଲା ବରୀ ବ୍ଲକ ଅଧ୍ୟକ୍ଷ ପଦବୀ ପାଇଁ ଉପନିର୍ବାଚନ

ଯାଜପୁର:(ଆନନ୍ଦ ଚନ୍ଦ୍ର ସାହୁ)ଆସନ୍ତାକାଲି ଯାଜପୁର ଜିଲା ବରୀ ବ୍ଲକ ଅଧ୍ୟକ୍ଷ ପଦବୀ ପାଇଁ ଉପନିର୍ବାଚନ ଅନୁଷ୍ଠିତ ହେବ । ଗତ ସାଧାରଣ ନିର୍ବାଚନରେ ଏଠାରେ ବ୍ଲକ ଅଧ୍ୟକ୍ଷା ଥିବା ସୁନନ୍ଦା ଦାସ ବିଜେଡିର ବରୀ ବିଧାୟକ ପ୍ରାର୍ଥୀ ହେବା ପରେ ନିଜ ପଦବୀରୁ ଇସ୍ତପାଂ ଦେଇଥିଲେ । ଗତ ପଂଚାୟତ ନିର୍ବାଚନରେ ବରୀ ବ୍ଲକରେ ବିଜେପି ଭଲ ପ୍ରଦର୍ଶନ କରି ବ୍ଲକ ଅଧ୍ୟକ୍ଷ ପଦବୀ ଦଖଲ କରିଥିଲା । କିନ୍ତୁ ସୁନନ୍ଦା ବିଜେଡିରେ ଯୋଗ ଦେବା ପରେ କଣ ପଂଳାପଂଳ ହେବ ତାକୁ ସମସ୍ତଙ୍କ ଅପେକ୍ଷା ରହିଛି । ୨୯ଟି ପଚାଂୟତକୁ ନେଇ ଗଠିତ ବରୀ ବ୍ଲକ ରେ ଗତ ଅଧ୍ୟକ୍ଷ ନିର୍ବାଚନ ସମୟରେ ବିଜେପି ସମର୍ଥୀତ ପ୍ରାର୍ଥୀ ୨୧ ଖଣ୍ଡ ଭୋଟ ପାଇଥିବା ବେଳେ ବିଜେଡି ସମର୍ଥିତ ପ୍ରାର୍ଥୀ ୭ ଖଣ୍ଡ ଏବଂ କଂଗ୍ରେସ ଖଣ୍ଡିଏ ଭୋଟ ପାଇଥିଲେ । କିନ୍ତୁ ଆସନ୍ତାକାଲି ହେବାକୁ ଥିବା ବ୍ଲକ ଅଧ୍ୟକ୍ଷ ନିର୍ବାଚନ କେଉଁଦଳ ସମର୍ଥନରେ ଯିବ ତାକୁ ସମସ୍ତଙ୍କ ଅପେକ୍ଷା ରହିଛି । ଯେହେତୁ ବର୍ତମାନ ବରୀ ରେ ବିଜେଡି ବିଧାୟିକା ଅଛନ୍ତି ବ୍ଳକ ଅଧ୍ୟକ୍ଷ ପଦ ହାତେଇବା ଦଳ ପାଇଁ ଏକ ସମ୍ମାନର ବିଷୟ ହୋଇଛି । ଅନ୍ୟପଟେ ବିଜେପି ସମର୍ଥିତ ସମିତିସଭ୍ୟ ମାନେ କେଉଁଆଡେ ଆତ୍ମଗୋପନ କରିଥିବା ଜଣାପଡିଛି । ସେପଟେ ଆସନ୍ତାକାଲି ସକାଳ ୧୦ଟା ସମୟରେ ନିର୍ବାଚନ ଆରମ୍ଭ ହେବ । ଏଥିପାଇଁ ରସୁଲପୁର ବିଡିଓ ଙ୍କୁ ନିର୍ବାଚନ ପରିଚାଳନା ଦାୟିତ୍ୱ ପ୍ରଦାନ କରାଯାଇଛି । ପ୍ରଥମେ ପ୍ରାର୍ଥୀପତ୍ର ଦାଖଲ,ପରେ ଯାଂଚ । ଏହାପରେ ପ୍ରାର୍ଥୀପତ୍ର ପ୍ରତ୍ୟାହାର ପରେ ଆବଶ୍ୟକ ପଡିଲେ ନିର୍ବାଚନ ଅନୁଷ୍ଠିତ ହେବ । ନିର୍ବାଚନ ସରିବା ପରେ ଭୋଟ ଗଣତି କରାଯାଇ ପଂଳାପଂଳ ଘୋଷଣା କରାଯିବ । ଏଥିପାଇଁ ପ୍ରଶାସନ ପକ୍ଷରୁ ସମସ୍ତ ବନ୍ଦୋବସ୍ତ କରାଯାଇଛି । ଗଣ୍ଡଗୋଳ ଆଶଙ୍କା କରି ସେଠାରେ ବ୍ୟାପକ ପୋଲିସ ମୁତୟନ କରାଯିବାକୁ ମଧ୍ୟ ନିର୍ଦ୍ଧେଶ ଦିଆଯାଇଥିବା ଜିଲା ପଂଚାୟତ ଅଧିକାରୀ ସୂଚନା ଦେଇଛନ୍ତି ।