କଣ୍ଟାବାଞ୍ଜି ବ୍ୟୁରୋ :୨୭/୦୯(ନରେନ୍ଦ୍ର ନେଗୀ)ଅଲ୍ ଓଡିଶା ଜେଲ କର୍ମଚାରୀ ସଙ୍ଘ ଆନୁକୁଲ୍ୟରେ କଣ୍ଟାବାଞ୍ଜି ସବ ଜେଲରେ ପାଞ୍ଚ ଦଫା ଦାବି ନେଇ ଜେଲରେ କାର୍ଯ୍ୟରତ କର୍ମଚାରୀ ମାନଙ୍କ ଦ୍ଵାରା ଅନଶନ ଜାରି ରହିଛି ।
ୱାଡ଼ର୍ ମାନଙ୍କ ପେ ୧୯୦୦ ରୁ ୨୦୦୦ ,ଚିପ ୱାଡରଙ୍କ ଗ୍ରେଡ ପେ ୨୦୦୦ ରୁ ୨୪୦୦ କୁ ବୃଦ୍ଧି , କାରାରକ୍ଷୀ ରୁ ମୁଖ୍ୟ କାରାରକ୍ଷୀ ପଦବୀ ପାଇଁ ପୁରୁଣା ପଦୋନ୍ନତି ନିୟମ ୨୦୧୨ କୁ ଲାଗୁ ,ଉପଖଣ୍ଡ କୁ ବଦଳି ନିୟମ କୋହଳ କରିବା, ଖାଦ୍ୟ ଭତ୍ତା ୪୦୦ ରୁ ୧୪୦୦ କୁ ବୃଦ୍ଧି,୧୩ ମାସିଆ ଦରମା ବୃଦ୍ଧି ଏହି ସବୁ ଦାବି ନେଇ ଗତ ୧୩ ତାରିଖ ରୁ ୨୫ ତାରିଖ ପର୍ଯ୍ୟନ୍ତ କଳା ବ୍ୟଚ ପରିଧାନ କରି ଜେଲ କର୍ମଚାରୀ ମାନେ ଆନ୍ଦୋଳନ କରିଥିଲେ ।
ସରକାର ତାଙ୍କ ଦାବି ନ ମାନିବାରୁ ସେମାନେ ୨୫ ତାରିଖରୁ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ଆମରଣ ଅନଶନରେ ବସିଛନ୍ତି। ଏହି ଅନଶନ ଆଜି ଦୂତୀଆ ଦିନରେ ପହଂଚିଛି । ଏହି ଅନଶନ ରେ ବସିଥିବା ଗୌରାଙ୍ଗ ବରିହା ଏବଂ ସୁଭ୍ରତ କୁମାର ସ୍ବାଇଁ ଦୂହୀ କର୍ମଚାରୀଙ୍କ ଦେହ ଅସୁସ୍ଥ ଥିବା ଜଣା ପଡ଼ିଛି।
