ଟିଟିଲାଗଡ଼:(ସଞ୍ଜୟ କୁମାର ନାୟକ) ଚଳିତ ମାସ ୧୨,୧୩ ଓ ୧୪ ତାରିଖ ଦିନ ମୋଙ୍ଗିଆ ସ୍କୁଲ ଝାରଖଣ୍ଡର ଗୀର୍ଡିହି ଠାରେ ୨ୟ ତମ ଇଣ୍ଡୋ ନେପାଲ କରାଟେ ଚାମ୍ପିୟନସିପ ପ୍ରତିଯୋଗିତାରେ ଭାଗ ନେବାକୁ ଓଡ଼ିଶାରୁ ମୋଟ ୩୦ ଜଣ ଖେଳାଳି ଝାରଖଣ୍ଡ ଗସ୍ତ କରିଥିଲେ । ସେହି ୩୦ ଜଣ ଖେଳାଳିଙ୍କ ମଧ୍ୟରୁ ଟିଟିଲାଗଡ କରାଟେ ଆସୋସିଏସନ ଓ ଗୁରୁକୃପା ମାରସଲ ଆର୍ଟ ଏକାଡେମୀ କଣ୍ଟାବାଞ୍ଜିରୁ ମୋଟ ୧୦ ଜଣ ଖେଳାଳି ଅଂଶ ଗ୍ରହଣ କରିଥିଲେ।
ଏହି ଉଭୟ ଆସୋସିଏସନରୁ ଭାଗ ନେଇଥିବା ୧୦ ଜଣ ପ୍ରତିଯୋଗୀ ମାନେ ଭଲ ଖେଳି ମୋଟ ୪ଟି ସ୍ଵର୍ଣ୍ଣ ପଦକ ,୨ ଟି ରୋପ୍ୟ ପଦକ, ୧୦ ଟି କଂସ୍ୟ ପଦକ ହାସଲ କରି ନିଜ ରାଜ୍ୟ ତଥା ନିଜ ଅଞ୍ଚଳ ପାଇଁ ଗୌରବ ଆଣିଛନ୍ତି । ଏହି ଉଭୟ ଆସୋସିଏସନର ଖେଳାଳିଙ୍କୁ ସଂଶାଇ ଜିତୁ ପୃଷ୍ଟି ତାଲିମ ପ୍ରଦାନ କରି ପ୍ରତ୍ୟେକ ପ୍ରତିଯୋଗିତା ପାଇଁ ପ୍ରସ୍ତୁତ କରିଥାନ୍ତି।
ଏହି ପ୍ରତିଯୋଗିତାରେ ନେପାଳ ଓ ଭାରତର ୧୧ଟି ରାଜ୍ୟରୁ ମୋଟ ୪୨୦ ଜଣ ଖେଳାଳି ଅଂଶ ଗ୍ରହଣ କରିଥିବା ବେଳେ ବଲାଙ୍ଗୀର ଜିଲ୍ଲାରୁ ଯାଇଥିବା ସମସ୍ତ ପ୍ରତିଯୋଗୀ ନିଜ ଉତ୍କୃଷ୍ଟ ପ୍ରଦର୍ଶନ କରିବା ସହିତ ସମୁଦାୟ ୧୬ ଟି ପଦକ ହାସଲ କରିଛନ୍ତି। ଏହି ପଦକ ଜିତିବା ପରେ ଟିଟିଲାଗଡ କରାଟେ ଆସୋସିଏନର ସମ୍ପାଦକ ସଂସାଇ କେଦାର କବାଟ, ସଂଶାଇ ଦେବେନ୍ଦ୍ର ଜୈନ,ଖେଳାଳିଙ୍କ ଅଭିଭାବକମାନେ ତଥା ଟିଟିଲାଗଡ ଓ କଣ୍ଟାବାଞ୍ଜି ଅଞ୍ଚଳବାସୀ ସମ୍ବର୍ଦ୍ଧନା ଜ୍ଞାପନ କରିଛନ୍ତି ।
