ଟିଟିଲାଗଡ:(ସଞ୍ଜୟ କୁମାର ନାୟକ)ସୋମବାର ଦିନ ଟିଟିଲାଗଡ଼ କୃଷି ବିଭାଗ ଓ ଓରମାସ ବଲାଙ୍ଗୀରର ମିଳିତ ଆନୁକୂଲ୍ୟରେ ଆଶା ଅନୁଷ୍ଠାନ ଟିଟଲାଗଡ ଦ୍ଵାରା ୧୫ ରୁ ୨୧ ତାରିଖ ପର୍ଯ୍ୟନ୍ତ ଆମ୍ବ ମେଳା ଆୟୋଜନ କରାଯାଇଛି । ଉକ୍ତ ମେଳାକୁ ଉଦଘାଟନ କରିଥିଲେ ଟିଟିଲାଗଡ଼ର ଉପଜିଲ୍ଲାପାଳ ଶ୍ରୀଯୁକ୍ତ ଦୟାମୟ ପାଢୀ , ଗୋଷ୍ଠି ଉନ୍ନୟନ ଅଧିକାରୀ ଶ୍ରୀଯୁକ୍ତ ନବୀନ ଚନ୍ଦ୍ର ନାୟକ , ଶ୍ରୀଯୁକ୍ତ କମକେନ୍ଦୁ ପାଲ ଅତିରିକ୍ତ ସିଇଓ ଓରମାସ ବଲାଙ୍ଗୀର, ଶ୍ରୀଯୁକ୍ତ ମନବୋଧ ମାଝୀ ଅତିରିକ୍ତ ଜିଲ୍ଲା ଉଦ୍ୟାନ ଅଧିକାରୀ ଓ ଶ୍ରୀଯୁକ୍ତ ସଞ୍ଜୀବ କୁମାର ପଟ୍ଟନାୟକ ସମ୍ପାଦକ ଆଶା ଟିଟଲାଗଡ ।
ଟିଟଲାଗଡ ଉପଖଣ୍ଡର ବିଭିନ୍ନ ଉତ୍ପାଦକ କମ୍ପାନୀ ଯଥା ଜାଡେନ ଟିଟଲାଗଡ, କୃଷକ ଉତ୍ପାଦକ କମ୍ପାନୀ ବଙ୍ଗୋମୁଣ୍ଡା, ସମ୍ବଳ ଶକ୍ତି ଖୋଲାନ, ଟିଟଲାଗଡ ଫାର୍ମର ପ୍ରଡ୍ୟୁସର କମ୍ପାନୀ ବାଗଡର,ମା ଲକ୍ଷ୍ମୀ ଦିବ୍ୟାଙ୍ଗ ମୁରିବହାଲ , ବଙ୍ଗୋମୁଣ୍ଡା ଚାଷୀ ଓ ଶଗଡ଼ଘାଟ ର ଚାଷୀ ମାନଙ୍କ ସୁସ୍ୱାଦୁ ବିଭିନ୍ନ ପ୍ରକାରର ଆମ୍ବ ପ୍ରଦର୍ଶିତ ତଥା ବିକ୍ରୟ କରାଯାଉଛି। ଉକ୍ତ ଆମ୍ବ ମେଳା ଦ୍ବାରା ଅଞ୍ଚଳର ଆମ୍ବ ଚାଷୀ, ଉତ୍ପାଦକ କମ୍ପାନୀ ଓ ସୟଂସହାୟକ ଦଳ ନିଜର ଉତ୍ପାଦିତ ଦ୍ରବ୍ୟକୁ ଉଚିତ୍ ମୂଲ୍ୟରେ ବିକ୍ରୟ କରି ଲାଭବାନ ହୋଇ ପାରିବେ।
ଉପସ୍ଥିତ ପ୍ରଶାସନିକ ଅଧିକାରୀ ମାନଙ୍କର ପ୍ରଚେଷ୍ଟା ଫଳରେ ଆମ୍ବ ମେଳା ଆୟୋଜନ କରାଯାଇ ଉପଖଣ୍ଡ ଅଞ୍ଚଳର ଆମ୍ବ ଚାଷୀ ମାନଙ୍କ ଆମ୍ବ ବିକ୍ରୟ ପାଇଁ ଏହା ଭଲ ପ୍ରୟାସ। ଉକ୍ତ କାର୍ଯ୍ୟକ୍ରମରେ ଗୁପ୍ତେଶ୍ୱର ମାଝୀ, ସର୍ବେଶ୍ଵର ଗଡତ୍ୟା, ପ୍ରଦୀପ ସାହୁ, ସତିଶ କୁମାର ଦେହୁରୀ, ମାନସ ସାହା, ପିତାମ୍ବର କୁମ୍ଭାର, ଜିପ୍ତା ନାଗ,ଗୋଲାପ ନାୟକ, କ୍ଷୀରୋଦ ଛୁରା, ପରମେଶ୍ବର ରଣା, କାଲିନ୍ଦ୍ରି ରଣା, ଯୁଗେଶ୍ୱର୍ କଟା, ବିରାଜ ରଣା, ବିକାଶ ସାହୁ,ସରୋଜ ସାହୁ,ନୀଳାମ୍ବର ତାଣୀ ଆଦି ସହାୟତା କରିଥିଲେ । ସାତ ଦିନ ଧରି ଏହି ଆମ୍ୱ ମେଳା ଅନୁଷ୍ଠିତ ହେବ ବୋଲି ସୁଚନା ମିଳିଛି।
