ଭବାନୀପାଟଣା:(ନରେନ୍ଦ୍ର ନେଗୀ)ସ୍ଥାନୀୟ ଜିଲ୍ଲା କୋଟ ପରିସରରେ ଶନିବାର ଦ୍ଵିତୀୟ ରାଷ୍ଟ୍ରୀୟ ଲୋକ ଅଦାଲତ ଅନୁଷ୍ଠିତ ହୋଇଯାଇଛି l ଜିଲ୍ଲା ଓ ଦୌରାଜଜ ତଥା ଜିଲ୍ଲା ଆଇନସେବା ପ୍ରାଧିକରଣ ଅଧ୍ୟକ୍ଷ ମାନ୍ୟବର ଦୀପ୍ତି ରଞ୍ଜନ କାନୁନଗୋ ଓ ସଚିବ ଜିଲ୍ଲା ଆଇନ ସେବା ପ୍ରାଧିକରଣ ଶ୍ରୀ ଶୁଭ ଗୌତମ ମିଶ୍ରଙ୍କ ପ୍ରତ୍ୟକ୍ଷ ତତ୍ୱାବଧାନରେ ଏହି ରାଷ୍ଟ୍ରୀୟ ଲୋକ ଅଦାଲତ ଅନୁଷ୍ଠିତ ହୋଇଥିଲା l ଏଥିରେ 7ଟି ମୋଟର ଦୁର୍ଘଟଣା ଜନିତ ମାମଲାର ଫଇସଲା କରାଯାଇ କ୍ଷତିପୂରଣ ବାବଦକୁ 21, 25, 000 ଟଙ୍କା ପ୍ରଦାନ କରାଯାଇଥିଲା l
ସେହିପରି 29ଟି ଦେବାନୀ ମକଦ୍ଦମା ଫଇସଲା କରାଯାଇଥିଲା l ବିଚାର ଯୋଗ୍ୟ 151ଟି ଫୌଜଦାରୀ ମକଦ୍ଦମାର ଫଇସଲା କରାଯାଇଥିଲା l ଏନ ୱାନ ଏକ୍ଟ ର 2ଟି ଫଇସଲା କରାଯାଇ 3,55,645 ଟଙ୍କା ଆଦାୟ କରାଯାଇଥିଲା l ବିବାହ ଜନିତ 10ଟି ମକଦ୍ଦମାର ଫଇସଲା କରାଯାଇଥିଲା l 56ଟି ରାଜସ୍ବ ମକଦ୍ଦମାର ଫଇସଲା କରାଯାଇ 1, 11, 616 ଟଙ୍କା ଆଦାୟ କରାଯାଇଥିଲା l ଏହାସହ 117 ଟି ପ୍ରାକ ମୋକଦ୍ଦମା ସମ୍ବନ୍ଧୀୟ ମାମଲାର ଫଇସଲା କରାଯାଇ 25, 16, 152 ଟଙ୍କା ଆଦାୟ କରାଯାଇଥିଲା l
ଅନୁଷ୍ଠିତ ଲୋକ ଅଦାଲତରେ ପରିବାର ଅଦାଲତ ଜଜ ମାନ୍ୟବର ଲଳିତ କୁମାର ଦାସ, ସଚିବ ଜିଲ୍ଲା ଆଇନ ସେବା ପ୍ରାଧିକରଣ କଳାହାଣ୍ଡି ଶ୍ରୀ ଶୁଭ ଗୌତମ ମିଶ୍ର ବରିଷ୍ଠ ସିଭିଲ ଜଜ ରଶ୍ମିତା ପାତ୍ର, ଉପଖଣ୍ଡ ବିଚାର ବିଭାଗୀୟ ମାଜିଷ୍ଟ୍ରେଟ ପି. ସିତlଲକ୍ଷ୍ମୀ, ପ୍ରଥମଶ୍ରେଣୀ ବିଚାର ବିଭାଗୀୟ ମାଜିଷ୍ଟ୍ରେଟ ନିଲୋଫର ପ୍ରମୁଖ ଉପସ୍ଥିତ ରହି ଏହି ରାଷ୍ଟ୍ରୀୟ ଲୋକ ଅଦାଲତକୁ ପରିଚାଳନା କରିଥିଲେ l
