ଯାଜପୁର:ଯାଜପୁର ଥାନାରେ ଯାତ୍ରାପାର୍ଟିର ମ୍ୟାନେଜରଙ୍କ ନାମରେ ଠକେଇ ଅଭିଯୋଗ l ଏଭଳି ଅଭିଯୋଗ ଆଣିଛନ୍ତି ଯାଜପୁର ଦଶରଥପୁର ବ୍ଲକ ଖଣ୍ଡରା ପଂଚାୟତର ସରପଞ୍ଚ ଏବଂ ଗ୍ରାମବାସୀ l ଚଳିତ ମାସ ୧୦ତାରିଖରୁ ୧୪ ତାରିଖ ଯାଏ ଖଣ୍ଡରା ଛକ ନିକଟରେ ମାୟାନଗରୀ ଯାତ୍ରା ପାର୍ଟିର ନାଟକ ମଞ୍ଚସ୍ତ ହେବା ନେଇ ଖଣ୍ଡରା ଯାତ୍ରା କମିଟି ପକ୍ଷରୁ ସ୍ଥିର ହୋଇଥିଲା l
ଏ ନେଇ କମିଟି ପକ୍ଷରୁ ମାୟାନଗରୀ ଯାତ୍ରା ପାର୍ଟିର ମ୍ୟାନେଜରଙ୍କୁ ଯୋଗଯୋଗ କରି ଗତ ଡିସେମ୍ବର ମାସ ୨୦ତାରିଖରେ ଅଗ୍ରୀମ ବାବଦରେ ନଗଦ ୨୦ ହଜାର ଟଙ୍କା ଏବଂ ଫୋନ ପେ ମାଧ୍ୟମରେ ୨ଟି କିସ୍ତିରେ ୫୦ହଜାର ଦିଆଯାଇଥିଲା l
କିନ୍ତୁ ସମୟ ପାଖେଇ ଆସୁଥିଲେ ମଧ୍ୟ ଏହି ପାର୍ଟିର ମ୍ୟାନେଜରଙ୍କ କଲ ରିସିଭ ନ କରିବା ସହ ଅର୍ଥ ଠକି ନେଇଥିବା ଅଭିଯୋଗ ହୋଇଛି l ଏ ନେଇ ଯାଜପୁର ଥାନାରେ ପଂଚାୟତର ସରପଞ୍ଚ କୁଞ୍ଜ ବିହାରୀ ଦାସଙ୍କ ନେତୃତ୍ବରେ ଯାତ୍ରା କମିଟିର ସଭାପତି କାହ୍ନୁଚରଣ ପଣ୍ଡା ପ୍ରମୁଖ ଆସି ଲିଖିତ ଅଭିଯୋଗ କରିଛନ୍ତି ।
