ଯାଜପୁର:୦୧/୦୫ ଦଶରଥପୁର ବ୍ଲକ ଅନ୍ତର୍ଗତ ବଉଳାଙ୍ଗ ପୂଜା ପଡିଆରେ ଭାରତୀୟ କମ୍ୟୁନିଷ୍ଟ ପାର୍ଟି ସି.ପି.ଆଇ ଆଞ୍ଚଳିକ କମିଟି ପକ୍ଷରୁ ବିଶ୍ୱ ଶ୍ରମିକ ଦିବସ ପାଳିତ ହୋଇଛି । ଆୟୋଜିତ କାର୍ଯ୍ୟକ୍ରମରେ ମଙ୍ଗଳପୁର ବଜାରରୁ ଏକ ବିଶାଳ ମଶାଲ ଶୋଭାଯାତ୍ରା ଆସି ବୋଉଲାଙ୍ଗରେ ପହଁଚିବା ପରେ ପୂଜା ପଡିଆରେ ଏକ ସାଧାରଣ ସଭା ଅନୁଷ୍ଠିତ ହୋଇଥିଲା l ଏଥିରେ ମୁଖ୍ୟ ଅତିଥି ଭାବେ ସିପିଆଇ ର ପୂର୍ବତନ ବିଧାୟକ କମ୍ରେଟ ଏନ . ନାରାୟଣ ରେଡି ଯୋଗ ଦେଇ ଶ୍ରମିକ ଦିବସର ତତ୍ପର୍ଜ୍ୟ ସମ୍ପର୍କରେ ଆଲୋକପାତ କରିଥିଲେ ।
ଅନ୍ୟମାନଙ୍କ ମଧ୍ୟରେ ସଭାପତି ଶିକ୍ଷକ ନେତା ବଂଶୀଧର ଦାସ, ସିପିଆଇର ପୂର୍ବତନ ଜିଲ୍ଲା ସମ୍ପାଦକ କମ୍ରେଟ ମଳୟ କୁମାର ପଣ୍ଡା, ଜଗନ୍ନାଥ ଦାସ ପ୍ରମୁଖ ଯୋଗଦେଇ କେନ୍ଦ୍ରସରକାର ଦେଇଥିବା କଥା କୁ ରଖି ନ ପାରିନଥିବା ବେଳେ ଦର ଦାମ ବୃଦ୍ଧି କୁ ନେଇ ସ୍ୱର ଉଠାଇ ଥିଲେ । ଏହି ସଭାରେ ଦର ବୃଦ୍ଧି ଯୋଗୁ ଶ୍ରମିକଙ୍କ ଉପରେ ପଡୁଥିବା ପ୍ରଭାବ ସମ୍ପର୍କରେ ଆଲୋଚନା କରାଯାଇଥିଲା। ଆଗାମୀ ଦିନରେ ଶ୍ରମିକ ମାନେ ଏକାଠି ହୋଇ ଏକଛତ୍ରବାଦ ଭାବେ ଶାସନ କରୁଥିବା କେନ୍ଦ୍ର ସରକାର କୁ ଜବାବ ଦେବା ପାଇଁ ଏହି ସଭାରେ ସଂକଳ୍ପ ନିଆଯାଇଥିଲା। ଏହି ଅବସର ରେ ଜିଲର ବିଭିନ୍ନ ବ୍ଲକ ର କୃଷକ ନେତା , ଶ୍ରମିକ ନେତାଙ୍କ ସମେତ ଶହସ୍ରାଧିକ କର୍ମୀମାନେ ଉପସ୍ଥିତ ଥିଲେ ।
