ଖପ୍ରାଖୋଲ :୨୬/୦୪( ତାପସ ରଞ୍ଜନ ବେହେରା) ବଲାଙ୍ଗିର ଜିଲ୍ଲା ଖପ୍ରାଖୋଲ ପୋଲିସ କୁ ମିଳିଛି ବଡ଼ ସଫଳତା। ରାତିରେ ପେଟ୍ରୋଲିଙ୍ଗ ବେଳେ ଏକ ଚୋରା ଗାଡ଼ି ଧରିବା ସହ ଦୁଇ ଗାଡ଼ି ଚୋରକୁ ଧରି ମଙ୍ଗଳବାର କୋର୍ଟ ଚାଲାଣ କରିଥିବା ଜଣାଯାଇଛି। ପୋଲିସ ର ସୂଚନା ଅନୁସାରେ ପେଟ୍ରୋଲି ଙ୍ଗ କଲା ବେଳେ ଗୋଟିଏ ଟାଟା ଏସି ମାଲବାହୀ ଗାଡିକୁ ଅଟକ ରଖି ପଚରାଉଚରା କରୁଥିବା ବେଳେ ଗାଡ଼ି ଟି ଚୋରି ଗାଡି ବୋଲି ପୋଲିସ ଜାଣିବାକୁ ପାଇଥିଲେ ।
ଚୋର ମାନଙ୍କୁ ପଚରା ଉଚରା ସମୟରେ ଏକ ବୋଲେରୋ ଗାଡି ମଧ୍ୟ ପୋଲିସ ଠାବ କରି ବରଗଡ଼ ଜିଲ୍ଲା ରୁ ଉଦ୍ଧାର କରିଥିବା ସୂଚନା ଦେଇଛି । ଟାଟା ଏସି ଗାଡ଼ି ଟି ବୌଦ୍ଧ ଜିଲ୍ଲା ର ଓ ବୋଲେରୋ ଗାଡ଼ିରେ ଦେବଗଡ଼ ଜିଲ୍ଲା ର ବୋଲି ଜଣାଯାଇଛି। ଏହି ଚୋରି ଘଟଣା ରେ ପୁଇନ୍ତଲା ଥାନା କୁଲୁଥିପାଲି ଗାଁ ର ବୈଷ୍ଣବ ଦଳାଇ ( ୨୮) ଓ ସତ୍ୟନାରାୟଣ ଦଳାଇ ( ୩୦) କୁ ଗିରଫ କରି କୋର୍ଟ ଚାଲାଣ କରିଥିବା ଜଣାଯାଇଛି। ଏନେଇ ଖପ୍ରାଖୋଲ ଥାନା କେସ ନମ୍ବର ୫୯/୨୩ ରେ ଏକ ମାମଲା ରୁଜୁକରି ଅଭିଯୁକ୍ତ ଙ୍କୁ କୋର୍ଟ ଚାଲାଣ କରାଯାଇଥିବା ବେଳେ ଘଟଣା ର ତଦନ୍ତ ଚାଲିଥିବା ଥାନା ଅଧିକାରୀ ରମାକାନ୍ତ ସାହୁ ପ୍ରକାଶ କରିଛନ୍ତି।
