ରାୟଗଡା :(ରମାକାନ୍ତ ପୋଢାଳ )ରାୟଗଡ଼ା ଜିଲ୍ଲା ମୁନିଗୁଡ଼ା ବ୍ଲକ୍ ଉପାନ୍ତ ଅଞ୍ଚଳ ଲକ୍ଷ୍ମୀପୁର ପଞ୍ଚାୟତ ବେରୁଗୁଡା ଉକ ପ୍ରାଥମିକ ବିଦ୍ୟାଳୟରେ ବାର୍ଷିକ ଉତ୍ସବ ଅନୁଷ୍ଠିତ ହୋଇ ଯାଇଛି। କୁନି କୁନି ବୈଜ୍ଞାନିକ ମାନଙ୍କୁ ଉତ୍ସାହିତ କରିବା ନିମନ୍ତେ ବିଦ୍ୟାଳୟର ପ୍ରଧାନ ଶିକ୍ଷକ ହେମନ୍ତ କୁମାର ମିଶ୍ରଙ୍କ ଆପ୍ରାଣ ଚେଷ୍ଟା ଛାତ୍ର ଛାତ୍ରୀ ମାନଙ୍କ ଲୁକ୍କାୟିତ ପ୍ରତିଭା କୁ ଲୋକଲୋଚନକୁ ଆସି ପାରିଛି। ପ୍ରଧାନ ଶିକ୍ଷକ ମିଶ୍ରଙ୍କ ସଭାପତିତ୍ବରେ ଅନୁଷ୍ଠିତ ବିଦ୍ୟାଳୟର ଏହି ବାର୍ଷିକ ଉତ୍ସବରେ ମୁଖ୍ୟ ଅତିଥି ଭାବେ ଗୋଷ୍ଠୀ ଶିକ୍ଷା ଅଧିକାରୀ ଭି. ଭାସ୍କର ରାଓ, ସ୍ଥାନୀୟ ସରପଞ୍ଚ ଯୋଗ ଦେଇ ଏହି କାର୍ଯ୍ୟକ୍ରମକୁ ଉଦ୍ଘାଟନ କରିଥିଲେ।।
ପ୍ରଥମେ ଛାତ୍ର ଛାତ୍ରଙ୍କ ଦ୍ୱାରା ସ୍ଵାଗତ ସଙ୍ଗୀତ ନୃତ୍ୟ ମାଧ୍ୟମରେ ପରିବେଷଣ କରି ପୁଷ୍ପ ଗୁଛ ଦେଇ ଅତିଥି ମାନଙ୍କୁ ସ୍ଵାଗତ ସମ୍ବର୍ଦ୍ଧନା ଜଣାଇଥିଲେ। ବିଦ୍ୟାଳୟର ବାର୍ଷିକ ଉତ୍ସବରେ ବିଭିନ୍ନ ପ୍ରକାର ସାଂସ୍କୃତିକ କାର୍ଯ୍ୟକ୍ରମ ତଥା କୁନି କୁନି ଛାତ୍ର ଛାତ୍ରୀ ମାନେ ନୃତ୍ୟ ଗୀତ ପରିବେଷଣ କରିବା ସହପୁରୁଣା ପାଣି ପ୍ରଧାନ ଶିକ୍ଷକ ପିଲା ମାନଙ୍କୁ ଉତ୍ସାହିତ କରିବା ପାଇଁ ବିଭିନ୍ନ ପ୍ରକାର ଜାଦୁଗରି ଦେଖାଇଥିଲେ।
ଏହି ବାର୍ଷିକ ଉତ୍ସବରେ ଛାତ୍ର ଛାତ୍ରୀ ମାନଙ୍କୁ ନେଇ ବିଜ୍ଞାନ ମେଳାର ଆୟୋଜନ କରାଯାଇଥିବା ବେଳେ ୧୩ ସ୍କୁଲ ରୁ ୨୬ ପ୍ରୋଜେକ୍ଟ ଆଣି ଏହି ମେଳାରେ ବିଭିନ୍ନ ପ୍ରକଳ୍ପ ପଦର୍ଶନ କରିଥିଲେ।।ଏହି ବିଜ୍ଞାନ ମେଳା ମାଧ୍ୟମରେ କୁନି ବୈଜ୍ଞାନିକ ମାନଙ୍କୁ ଉତ୍ସାହିତ କରି ସେମାନଙ୍କ ପ୍ରକଳ୍ପ କୁ ବାସ୍ତବ ରୂପାୟନ କରିବା ସହ ଭବିଷ୍ୟତରେ ସମାଜ ପାଇଁ ନୂତନ ଆବିଷ୍କାର କରିବା ନିମନ୍ତେ ଅତିଥି ମାନେ ଉତ୍ସାହିତ କରିଥିଲେ।
