ଟିଟିଲାଗଡ:(ସଞ୍ଜୟ କୁମାର ନାୟକ)ପବିତ୍ର ମହାଶିବରାତ୍ରି ଉପଲକ୍ଷେ ଟିଟିଲାଗଡ ଉପଜିଲ୍ଲାପାଳଙ୍କ ସମ୍ମିଳନୀ କକ୍ଷରେ ଉପଜିଲ୍ଲାପାଳ ଶ୍ରୀଯୁକ୍ତ ଦୟାମୟ ପାଢୀଙ୍କ ସଭାପତିତ୍ବରେ ଏକ ସମୀକ୍ଷା ବୈଠକ ଅନୁଷ୍ଠିତ ହୋଇଯାଇଛି। ଏହି ବୈଠକରେ ଷ୍ଟଲ ବଣ୍ଟନ, ଆଇନ ଶୃଙ୍ଖଳା ବ୍ୟବସ୍ଥା, କୀର୍ତ୍ତନ ମଣ୍ଡଳୀଙ୍କ ବ୍ୟବସ୍ଥା ଏବଂ ମେଳା ଉପଲକ୍ଷେ ବିଭିନ୍ନ ବିଷୟରେ ଆଲୋଚନା କରାଯାଇଛି।
ଅତି ଶୃଙ୍ଖଳାର ସହିତ ଚଳିତ ବର୍ଷ କିପରି ଏହି ମେଳା ଅନୁଷ୍ଠିତ ହେବ ସେ ନେଇ ବିଭିନ୍ନ କମିଟିକୁ ଦାୟିତ୍ଵ ଦିଆଯାଇଛି। ଏହି ବୈଠକରେ ଧବଳେଶ୍ଵର ମନ୍ଦିରର ଟ୍ରଷ୍ଟି ଶ୍ରୀ ସଞ୍ଜୀବ ପାଢ଼ୀ, ଭବାନୀ ପ୍ରସାଦ ହୋତା,ସହାୟକ ଜିଲ୍ଲାପାଳ ଡ଼ ଲଳିତ ବାଗ, ମେଳା ପରିଚାଳନା ପାଇଁ ହୋଇଥିବା ବିଭିନ୍ନ କମିଟିର ସଦସ୍ୟ ମାନେ ଉପସ୍ଥିତ ଥିଲେ।
