କେସିଙ୍ଗା:୬/୭ (ପ୍ରିତେଶ ପଟେଲ)କଳାହାଣ୍ଡି ଜିଲ୍ଲା କେସିଙ୍ଗା ମହାବିଦ୍ୟାଳୟ ଜାତୀୟ ସେବା ଯୋଜନା ଏବଂ କେସିଙ୍ଗା ବନ ବିଭାଗଙ୍କ ମିଳିତ ସହଯୋଗରେ ବନମହୋତ୍ସବ କାର୍ଯ୍ୟ କ୍ରମ ପାଳିତ ହୋଇଯାଇଛି।
ଏହି ଅବସରରେ ଏକ ସାଧାରଣ ସଭାରେ ମହାବିଦ୍ୟାଳୟର ଅଧ୍ୟକ୍ଷ ଶ୍ରୀ ଯୁକ୍ତ ସୁଶାନ୍ତ କୁମାର ପାଢ଼ୀ ଜାତୀୟ ସେବା ଯୋଜନା ଅଧିକାରୀ ଶ୍ରୀ ଯୁକ୍ତ ଭୂପେନ୍ଦ୍ର ମଙ୍ଗରାଜ ,ପ୍ରାଧ୍ୟାପକ ସୁରଥ ପ୍ରଧାନ,ବନବିଭାଗ ଅଧିକାରୀ ଶ୍ରୀ ଯୁକ୍ତ ଦେବବ୍ରତ ମିଶ୍ର,ଶ୍ରୀମୁଖ ମେହେର ,ଗ୍ରାମ୍ୟ ବିକାଶ ସଂଗଠନ ନବରଙ୍ଗ ପୁରର ବିକାଶ ଅଧିକାରୀ ଶ୍ରୀ ଯୁକ୍ତ ନୀରଜ କୁମାର ଦାସ ପ୍ରମୁଖ ଯୋଗ ଦେଇ ବୃକ୍ଷ ରୋପଣ ର ଆଭିମୁଖ୍ୟ ,ଗୁରୁତ୍ୱ ଏବଂ ମହତ୍ତ୍ଵ ଉପରେ ଛାତ୍ର ଛାତ୍ରୀ ମାନଙ୍କୁ ଅବଗତ କରାଇଥିଲେ।ବୃକ୍ଷ ହିଁ ଜୀବନ ବୃକ୍ଷ ହିଁ ସ୍ପନ୍ଦନ ଏହି ମର୍ମ ରେ ସମସ୍ତେ ମିଶି ବୃକ୍ଷ ରୋପଣ କରିଥିଲେ।
ଏହି କାର୍ଯ୍ୟକ୍ରମରେ ଅଧ୍ୟାପକ ଅନନ୍ତ ମାଝୀ ,ଶ୍ରୀମତୀ ଗୀତାଞ୍ଜଳି ଦୋରା ,ଶ୍ରୀ ଯୁକ୍ତ ବାଇଲୁଚନ ନାୟକ ଅଧ୍ୟାପକ ରାକେଶ କୁମାର ବିଶି ,ଅଧ୍ୟାପକ ମଣି ରଣା,କ୍ରୀଡା ଶିକ୍ଷକ ଅଶ୍ଵିନୀ ପାଇକରାୟ ଏବଂ ଶ୍ରୀ ଯୁକ୍ତ ନରେନ୍ଦ୍ର ସିନ୍ଦୂର ପ୍ରମୁଖ ଯୋଗଦେଇ ଥିଲେ। ଆଗାମୀ ଦିନରେ ଚଳିତ ବର୍ଷ ମହାବିଦ୍ୟାଳୟ ପରିସରରେ ଶତାଧିକ ବୃକ୍ଷ ରୋପଣ କରିବା ନିମନ୍ତେ ଅଧ୍ୟକ୍ଷ ଶ୍ରୀ ଯୁକ୍ତ ପାଢ଼ୀ ଆହ୍ୱାନ କରି ଥିଲେ।
