ଧର୍ମଗଡ଼:(ହେମନ୍ତ କୁମାର ମାଝୀ)ଅଖ୍ୟାତ ପଲ୍ଲୀ ରେ ବିଖ୍ୟାତ ଚାଷ l ୟୁଟ୍ୟୁବ ଆଣିଦେଲା ରୋଜଗାର ପନ୍ଥା l ନିଜ ମାଟିରେ ହିମାଚଲ ର ସେଓ ଚାଷ କରି ରାଜ୍ୟରେ ଏକ ଉଦ୍ୟମାନ ଚାଷୀ ଭାବେ ପରିଗଣିତ ହେବାରେ ଲାଗିଛନ୍ତି। ପ୍ରଥମେ ପେଟ ପାଇଁ ଦାଦନ ପରେ ବିଭିନ୍ନ ଚାଷ ଉପରେ ରୁଚି ଆଉ ଏବେ ସଫଳ ଚାଷୀ l ବିଭିନ୍ନ ସମୟ ରେ ବିଦେଶୀ ଫଳ ଟ୍ରାଗନ ଚାଷ କରି ରାଜ୍ୟ, ଦେଶ ରେ କଳାହାଣ୍ଡି ର ଚାଷୀ ସୁନାମ ଅର୍ଜନ କରିଥିବା ବେଳେ ଏବେ ପୁଣି ଗ୍ରୀନ ସେଓ ଚାଷ କରି ଚର୍ଚ୍ଚା ରେ ଆସିଛନ୍ତି।କଳାହାଣ୍ଡି ମାଟିରେ ନିଜ ଜମିରେ ସେଓ ଗଛ ଲଗେଇ ସଫଳ ଭାବେ ଫଳ ଫଳାଇ ରାଜ୍ୟ ପାଇଁ ଏକ ଗୌରବ ସୃଷ୍ଟି କରିପାରିଛନ୍ତି।କଳାହାଣ୍ଡି ଜିଲ୍ଲା ଧର୍ମଗଡ ବ୍ଲକ କଦଲିମୁଣ୍ଡା ଗ୍ରାମର ଚାଷୀ କାଳେଶ୍ୱର କାଣ୍ଡ ଅସମ୍ଭବ କୁ ସମ୍ଭବ କରିଦେଖାଇ ଦେଇଛନ୍ତି।ସେ ପଞ୍ଚମ ପଢ଼ିଛନ୍ତି ସତ ହେଲେ ୟୁତୁବ ମାଧ୍ୟମରେ ପ୍ରେରଣା ଜ୍ଞାନ ଆରୋହଣ କରି ସେଓ ଚାଷ ପ୍ରତି ମନ ବୋଲାଇ କରିଛନ୍ତି ଚାଷ l
ପ୍ରଥମେ ହିମାଚଳ କୁଚିଣ୍ଡାର ଚାଷୀ ଙ୍କ ସହ ଯୋଗାଯୋଗ କରି ସେଓ ଚାଷ ଉପରେ ପଚାରି ବୁଝି ଥିଲେ।ଚାରା ପିଛା ୩୫୦ଟଙ୍କା ଦେଇ ୧୫୦ଟି ଗଛ ସେଠାରୁ ମଗାଇଥିଲେ।ୟୁତୁବ ମାଧ୍ୟମରେ ପଦ୍ଧତି ପ୍ରକ୍ରିୟା ବୁଝି ପ୍ରାୟ ସେହି ଚାରା ସବୁ ଏକ ଏକର ଜମିରେ ଲଗାଇଥିଲେ।ଏଥିପାଇଁ ପ୍ରାୟ ୨ଲକ୍ଷ ଟଙ୍କା ଦୁଇ ବର୍ଷରେ ବିନିଯୋଗ ହୋଇଥିବା ସେ ପ୍ରକାଶ କରନ୍ତି।ବର୍ତ୍ତମାନ ଗଛ ରେ ସେଓ ଫଳ ଫଳିବା ଆରମ୍ଭ ହୋଇଛି।ବର୍ଷ କୁ ୨୦କୁଇଟାଲ ସେଓ ଅମଳ ହେବା ଆଶା ରଖିଥିବା ବେଳେ ଭବିଷ୍ୟତ ରେ ୧୦୦ରୁ ଉର୍ଦ୍ଧ୍ୱ କ୍ୱିଟାଲ ପାଇବା ପ୍ରୟାସ ଜାରି ରଖିଛନ୍ତି-ଏଥିପାଇଁ ସରକାରୀ ପ୍ରୋତ୍ସାହନର ଆବଶ୍ୟକ ଥିବା କହିଛନ୍ତି।ଅନ୍ୟପଟେ ପରିବାର ସଦସ୍ୟ ବିଶେଷ କରି ତାଙ୍କ ସ୍ତ୍ରୀ ଏହି ଚାଷ ରେ ସହଯୋଗ କରିଥିବା କରିଥିବା ପରିପ୍ରକାଶ କରିଛନ୍ତି ନିଜଗାଁ ରେ ପ୍ରଥମ ଥର ଏହି ଚାଷ କୁ ଦେଖି ଗାଁ ଲୋକେ ମଧ୍ୟ ଖୁସି ବ୍ୟକ୍ତ କରିବା ସହ ଗରିବ କ୍ଷୁଦ୍ର ଚାଷୀ କୁ ପ୍ରୋତ୍ସାହନ ଯୋଗାଇବା କୁ ସରକାର କୁ ଅନୁରୋଧ କରିଛନ୍ତି।
ସେଓ ସାଧାରଣତଃ ଶୀତଳ ପରିବେଶ ଭିତରେ ହୋଇଥାଏ ଆମ ଦେଶର ଜମ୍ମୁ କାଶ୍ମୀର ହିମାଚଳ ପ୍ରଦେଶ ମାନଙ୍କ ତୁଳନାରେ ଆମ ରାଜ୍ୟ ର ତାପ ମାତ୍ରା ଅଧିକ ଥିଲେ ହେଁ ଅସମ୍ଭବ କୁ ସମ୍ଭବ କରି ଦେଖାଇଛନ୍ତି କାଲେଶ୍ଵର। ୪୦ – ୪୫ ସେଲସିୟସ ତାପ ମାତ୍ରା ଭିତରେ ଗ୍ରିନ ସିଓ ଚାଷ କରି ସଫଳ ହୋଇଛନ୍ତି। ପନି ପରିବାର ପିଜୁଳି ଏବେ ଏହି ଗାଁ ରେ ସେଓ ଚାଷ ହୋଇଥିବା ଯୋଗୁଁ ଦୈନିକ ଚାଷ ଦେଖିବାକୁ ଦୂର ଦୂରଦୂରାନ୍ତରୁ ଲୋକଙ୍କ ସୁଅ ଛୁଟିଛି। ଏପରି କି ଦିଳ୍ଳୀ ରୁ ଏକ ଟିମ୍ ପରିଦର୍ଶନ କରି ଫେରୁଥିବା ଜଣାଯାଇଛି। ତେବେ କୃଷି ଓ ଉଦ୍ୟାନ କୃଷି ବିଭାଗ ଅଞ୍ଚଳର ଚାଷୀମାନଙ୍କୁ ପ୍ରତ୍ସାହନ ଯୋଗାଇ ଦେଳେ ଅନେକ ଚାଷୀ କାଲେଶ୍ଵର ଭଲି ସଫଳ ହୋଇ ପାରିବେ ବୋଲି ବୁଦ୍ଧିଜୀବୀମାନେ ମତ ପ୍ରକାଶ କରୁଛନ୍ତି।
