ଟିଟିଲାଗଡ:(ସଞ୍ଜୟ କୁମାର ନାୟକ) ଭାଇଚାରାର ସହର ଟିଟିଲାଗଡ଼ ସହର। ସଦାବେଳେ ଏଠାରେ ସମସ୍ତ ଧର୍ମକୁ ସମସ୍ତେ ସମ୍ମାନ ଜଣାଇ ଥାଆନ୍ତି। ଶୁକ୍ରବାର ଦିନ ପବିତ୍ର ମହାବିଷୁବ ସଂକ୍ରାନ୍ତି,ହନୁମାନ ଜୟନ୍ତୀଙ୍କୁ ସହରରେ ଥିବା ବିଭିନ୍ନ ମନ୍ଦିର, ସାମାଜିକ ଅନୁଷ୍ଠାନ, ଏସ ଏଚ ଯି ଗ୍ରୁପ, ଧାର୍ମିକ ଅନୁଷ୍ଠାନ ମାନଙ୍କ ଦ୍ଵାରା ପୂଜାର୍ଚ୍ଚନା ସହ ପଣା ସଂକ୍ରାନ୍ତି ଉପଲକ୍ଷେ ଜନସାଧାରଣଙ୍କ ନିମନ୍ତେ ପଣା ବଣ୍ଟନ କାର୍ଯ୍ୟକ୍ରମ କରଯାଇଥିଲା।
ଯେପରିକି ହାଟପଦା ପଡ଼ା ସଙ୍କଟ ମୋଚନ ହନୁମାନ ମନ୍ଦିର କମିଟିର ସଦସ୍ୟଙ୍କ ଦ୍ଵାରା ସକାଳୁ ମନ୍ଦିରରେ ପୂଜାର୍ଚ୍ଚନା ଓ ହୋମଯଜ୍ଞ କରିବା ପରେ ପଣା ଏବଂ ଅର୍ଣ୍ଣ ଭୋଗ ବଣ୍ଟନ, ସନ୍ଧ୍ୟାରେ ବାଇକ ରେଲି ବାହାରି ସହର ପରିକ୍ରମା କରିବା ପରେ ସନ୍ଧ୍ୟାରେ ଶ୍ରୀ ଧନେଶ୍ଵର ଦାସଙ୍କ ଶ୍ରୀକ୍ଷେତ୍ର ଭଜନ ମଣ୍ଡଳୀଙ୍କ ଦ୍ଵାରା ଅତି ସୁନ୍ଦର ଭଜନ ଜଣାଣ କାର୍ଯ୍ୟକ୍ରମ ଆୟୋଜନ ହୋଇଥିଲା। ସେହିପରି ଗୋରୁ ବଜାର ପଡ଼ା ବୀଣାପାଣି ଯୁବକ ସଂଘ ତରଫରୁ ହନୁମାନ ଜନ୍ମୋତ୍ସବ ପାଳନ କରିବା ସହ ଏକ ବିଶାଳ ଶୋଭାଯାତ୍ରା ବାହାରି ସହର ପରିକ୍ରମା କରିବା ସହ ଅର୍ନ ପ୍ରସାଦ ବଣ୍ଟନ କରିଥିଲେ।
ସେହିପରି ସହରର ମହାରାଜ ସାଗର କଡ଼ରେ ଥିବା ହନୁମାନ ମନ୍ଦିର ଦ୍ଵାରା ଲୋକଙ୍କ ପାଇଁ ଅଖଣ୍ଡ ଦୀପ ଜାଳିବା ସହ ପୂଜାର୍ଚ୍ଚନା ଓ ପ୍ରସାଦ ବଣ୍ଟନ କରାଯାଇଥିଲା। ହାଇସ୍କୁଲ ପଡ଼ା ହନୁମାନ ମନ୍ଦିରରେ ମଧ୍ଯ ବିର ହନୁମାନଙ୍କ ମନ୍ଦିରରେ ଦର୍ଶନ ଓ ପୂଜାର୍ଚ୍ଚନା ପାଇଁ ଭିଡ ଜମାଇଥିଲେ।
ଏହି ପବିତ୍ର ଦିନରେ ପଣା ସଂକ୍ରାନ୍ତି ପଡ଼ି ଥିବାରୁ ଅପରାହ୍ନରେ ପେଟ୍ରୋଲ ପମ୍ପ ଛକରେ ସତ୍ୟ ସାଇ ସେବା ସମିତି ତରଫରୁ ଲୋକଙ୍କୁ ପଣା ବଣ୍ଟନ କରଯାଇଥିଲା, ସେହିପରି ନୀଳଚକ୍ର ବସ ଷ୍ଟପ ଠାରେ ନୀଳଚକ୍ର ସ୍ଵୟଂ ସହାୟକ ଗୋଷ୍ଠୀ ଦ୍ଵାରା ସରବତ ବଣ୍ଟନ କରଯାଇଥିଲା। ସେହିପରି ଥାନା ଛକରେ ମାହେଶ୍ୱରୀ ଟିଟିଲାଗଡ ଶାଖା ତରଫରୁ ମଧ୍ଯ ସରବତ ବଣ୍ଟନ କରାଯାଇଥିଲା।
ସମ୍ବିଧାନ ପ୍ରଣେତା ବାବା ବାବା ଭୀମରାଓ ଆମ୍ବେଦକରଙ୍କ ୧୩୨ ତମ ଜନ୍ମ ଜୟନ୍ତୀ ପାଇଁ ଜୟ ଭୀମ ଦଳ ତରଫରୁ ସକାଳେ ଏକ ବିଶାଳ ବାଇକ ରେଲି ବାହାରି ସହର ପରିକ୍ରମା କରିଥିଲା। ହିନ୍ଦୀ ହାଇସ୍କୁଲ ଛକ ଠାରେ ମୁସଲିମ ସମ୍ପ୍ରଦାୟର ଲୋକ ମାନଙ୍କ ଦ୍ଵାରା ସମସ୍ତଙ୍କୁ ସରବତ ବଣ୍ଟନ କରି ଭାଇଚାରାର ବାର୍ତା ଦେଇଥିଲେ। ସେହିପରି ଏହି ରେଲି ଶାସ୍ତ୍ରୀ ଛକ ଠାରେ ପହଞ୍ଚିବା ପରେ ସେଠାରେ ଥିବା ଦୋକାନୀ ମାନଙ୍କ ଦ୍ଵାରା ମଧ୍ୟ ଜୟ ଭୀମ କର୍ମକର୍ତ୍ତାଙ୍କୁ ମଧ୍ଯ ପଣା ବଣ୍ଟନ କରଯାଇଥିଲା। ଦିନବେଳା ଜୟ ଭୀମ ପକ୍ଷରୁ ଏକ ବିଶାଳ ଶୋଭାଯାତ୍ରା ଶାନ୍ତିପୂର୍ଣ୍ଣ ଭାବରେ କରାଯାଇଥିବା ବେଳେ ସେହିପରି ସନ୍ଧ୍ୟାରେ ହନୁମାନ ଜୟନ୍ତୀ ସମନ୍ଵୟ କମିଟି ତରଫରୁ ଅୟୋଜିତ ଶହ ଶହ ପୁରୁଷ ଓ ମହିଳାଙ୍କ ଶାନ୍ତିପୂର୍ଣ୍ଣ ଶୋଭାଯାତ୍ରା ଟିଟିଲାଗଡ ଲୋକଙ୍କୁ ଗର୍ବିତ କରିଛି। ସ୍ଥାନେ ସ୍ଥାନେ ପଣାବଣ୍ଟନ ସହରକୁ ଆହୁରି ଉତ୍ସବ ମୁଖରିତ କରିଥିଲା। ଏଥିରେ ସବୁଦଳର ଲୋକ ସହଯୋଗ କରିଥିବା ଦେଖାଯାଇଥିଲା।
