ବୌଦ୍ଧ;(ଚିତ୍ତରଞ୍ଜନ ସିଂହ)ବୌଦ୍ଧଜିଲ୍ଲାର ହରଭଙ୍ଗା ତହସିଲ ଅନ୍ତର୍ଗତ ଛତରଙ୍ଗ ଗ୍ରାମପଞ୍ଚାୟତର ଖରଭୁଇଁ ଓ ବାଇଶିପୋଡ଼ା ଗ୍ରାମରେ ଘନ ଜନବସତି ନିକଟସ୍ଥ ଜଙ୍ଗଲରେ ପଥର ଖାଦାନ କରି ବ୍ଲାଷ୍ଟିଙ୍ଗ କରାଯିବା ଫଳରେ ଅଧିକାଂଶ ଲୋକଙ୍କ ପକ୍କାଖର କାନ୍ଥ ଫାଟ ପଡ଼ିବା ଓ ଗ୍ରାମ ଭିତରେ ପ୍ରତିଷ୍ଠିତ କ୍ରସର ଯୋଗୁଁ ସବୁଜ ବନାନୀ ଓ ଫସଲ ନଷ୍ଟ ହେବା ଘଟଣା ପ୍ରତିବାଦରେ ଖରଭୂଇଁ ଗ୍ରାମବାସୀଙ୍କୁ ସାଥିରେ ନେଇ ଏହି ଅଞ୍ଚଳର ପୂର୍ବତନ ଜିଲ୍ଲାପରିଷଦ ସଭ୍ୟ ତଥା କମ୍ୟୁନିଷ୍ଟ ପାର୍ଟିର ରାଜ୍ୟ ପରିଷଦ ସଦସ୍ୟ ଅବକାଶ ସାହୁଙ୍କୁ ହରଭଙ୍ଗା ଥାନା ଅଧିକାରୀ କେତେକ ମକଦମାରେ ଜଡିତ କରାଇ ୧୫ନଭେମ୍ବର୨୦୨୨ରେ ଗିରଫ କରି ଜେଲ ପଠାଇ ଥିଲେ।
ଜେଲ ପଠାଇବା ପରେ ଗୋଟିକ ପରେ ଗୋଟିଏ ମକଦମା ପିଛିଲା ତାରିଖରୁ କରାଇ ତାଙ୍କୁ ଜେଲରେ ଅଟକ ରଖିଥିଲେ।ଗତ ୧୪ମାର୍ଚ୍ଚ୨୦୨୩ରେ ମାନ୍ୟବର ଓଡ଼ିଶା ହାଇକୋର୍ଟ ଏହି ଘଟଣାରେ ହସ୍ତକ୍ଷେପ କରି ଜାମିନି ଦେବାପାଇଁ ତଳ କୋର୍ଟକୁ ରାୟ ପ୍ରଦାନ କରିଥିଲେ।ମାନ୍ୟବର ହାଇକୋର୍ଟଙ୍କ ଉକ୍ତ ରାୟ ଭିତ୍ତିରେ ହରଭଙ୍ଗା ଜେ.ଏମ.ଏଫ.ସି କୋର୍ଟ ଅବକାଶ ସାହୁଙ୍କୁ ଜାମିନିରେ ମୁକୁଳାଇଛନ୍ତି। ବୌଦ୍ଧ ଜେଲରୁ ଶ୍ରୀଯୁକ୍ତ ସାହୁ ମୁକୁଳିବା ପରେ ଶହଶହ ଛତରଙ୍ଗ ଗ୍ରାମବାସୀ ଛତରଙ୍ଗ ନିଜ ବାସଭବନ ଠାରେ ସମ୍ବର୍ଦ୍ଧିତ କରିଛନ୍ତି।
