ଟିଟିଲାଗଡ:(ସଞ୍ଜୟ କୁମାର ନାୟକ)ଟିଟିଲାଗଡ଼ ସହର ସ୍ଥିତ ହୋଟେଲ ଜଳାରାମ ଲଜର ସମ୍ମିଳନୀ କକ୍ଷରେ ବଲାଙ୍ଗୀରର ବର୍ଷୀୟାନ ସାମ୍ବାଦିକ ସ୍ବର୍ଗତ ସତ୍ୟନାରାୟଣ ବେହେରାଙ୍କ ସ୍ମୃତି ସଭା ତଥା ଶ୍ରଦ୍ଧାଞ୍ଜଳି ସଭା ଅନୁଷ୍ଠିତ ହୋଇଯାଇଛି। ଶିବ ପ୍ରସାଦ ପରିଡ଼ାଙ୍କ ଅଧକ୍ଷତାରେ ଆୟୋଜିତ ଶୋକ ସଭାରେ ବଲାଙ୍ଗୀର ଜିଲ୍ଲା ସାମ୍ବାଦିକ ସଂଘର ପୂର୍ବତନ ସଭାପତି ଦିଲୀପ କୁମାର ପୁରୋହିତ,ବରିଷ୍ଠ ସାମ୍ବାଦିକ ଜଗଦିଶ ଜୈନ, ଶିବ ପ୍ରସାଦ ପରିଡା, ମାନସ ମହାନ୍ତି ପ୍ରମୁଖ ଯୋଗ ଦେଇ ସ୍ବର୍ଗତ ସତ୍ୟନାରାୟଣ ବେହେରାଙ୍କ ସ୍ମୃତି ଚାରଣ କରିଥିଲେ।
କିଭଳି ଦୁର୍ଦ୍ଦିନ ସମୟରେ ବଲାଙ୍ଗୀର ଜିଲ୍ଲାରେ ସମ୍ବାଦ ସଂଗ୍ରହ କରିବା ସହ ଜିଲ୍ଲା ରେ ଏକ ସାମ୍ବାଦିକ ସଂଘ ଗଠନ କରିବା ସହ ନିଜସ୍ୱ ସାମ୍ବାଦିକ ସଂଘ କାର୍ଯ୍ୟାଳୟ ନିର୍ମାଣ କରାଯାଇପାରିବ ସେ ନେଇ ତାଙ୍କର ଉଧ୍ୟମ ଅତୁଳନୀୟ ବୋଲି ଉପସ୍ଥିତ ସାମ୍ବାଦିକ ଯେଉଁମାନେ ତାଙ୍କ ସହ କାମ କରିବାର ସୁଯୋଗ ପାଇଥିଲେ ସେମାନେ ଏହି ମତ ଦେଇଥିଲେ। ବୟସର ଅପରାହ୍ନରେ ରହିଥିଲେ ବି ସାଲିସ ବିହୀନ ସାମ୍ବାଦିକ ଭାବରେ ନିଜର ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିବା ସହ ଯୁବ ପିଢ଼ି ସାମ୍ବାଦିକ ମାନଙ୍କୁ ପ୍ରେରଣା ଯୋଗାଇ ଆସୁଥିଲେ ବୋଲି ବାରିଷ୍ଠ ସାମ୍ବାଦିକ ଶ୍ରୀ ଦିଲୀପ ପୁରୋହିତ କହିଥିଲେ।
ଯେଉଁ ସମୟରେ ସାମ୍ବାଦିକ ଟିଏ ଖବର ସଂଗ୍ରହ କରୁଥିଲା ଏବଂ ସେହି ଖବରକୁ ପଠାଇବା ପାଇଁ କୌଣସି ଉକୃଷ୍ଟ ସାଧନ ନ ଥିଲା ସେହି ସମୟରେ ଅନେକ ଝଡ଼ ଝଞ୍ଜାର ସମ୍ମୁଖୀନ ହୋଇ ଖବର ସଂଗ୍ରହ କରିବା ସହ ପ୍ରକାଶିତ କରିବାରେ ଅନ୍ୟତମ ସିଦ୍ଧହସ୍ତ ଥିଲେ। ଶୋକସଭା ପୁର୍ବରୁ ସ୍ୱର୍ଗତ ସତ୍ୟନାରାୟଣ ବେହେରାଙ୍କ ଅମର ଆତ୍ମାର ସଦଗତି ନିମନ୍ତେ ଏକ ମିନିଟ ନୀରବ ପ୍ରାର୍ଥନା କରାଯାଇଥିଲା।ଶୋକାକୁକ ପରିବାର ପ୍ରତି ଟିଟିଲାଗଡ଼ ସାମ୍ବାଦିକସଂଘ ସମବେଦନା ଜଣାଇବା ସହ ତାଙ୍କର ପରିବାରକୁ ଶକ୍ତି ଦିଅନ୍ତୁ ବୋଲି ସମସ୍ତେ ଭଗବାନଙ୍କ ନିକଟରେ ପ୍ରାର୍ଥନା କରିଥିଲେ।
ଅନ୍ୟ ମାନଙ୍କ ମଧ୍ୟରେ ମନୋଜ ଶତପଥି, ପ୍ରକାଶ ଗୋୟଲ ସ୍ମୃତି ଚାରଣ କରିଥିବା ବେଳେ ଜୁବ ସାମ୍ୱାଦିକ ସଞ୍ଜୟ ନାୟକ ଧନ୍ୟବାଦ ଅର୍ପଣ କରିଥିଲେ। ଏହି ଶୋକ ସଭାରେ ସାମ୍ବାଦିକ ସନତ ପାଢ଼ୀ, ଅଶୋକ ତ୍ରିପାଠୀ, ସୁଧୀର ସାହୁ, ହରିଶ ରାୟଥଟା, ଗୋପାଳ ଅଗ୍ରୱାଲ, ଶରତ ମିଶ୍ର, ସତ୍ୟବ୍ରତ ପଣ୍ଡା, ଈଶ୍ୱର ଜୈନ ପ୍ରମୁଖ ସାମିଲ ହୋଇ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ।
