ବୌଦ୍ଧ୧୫/୭( ଚିତ୍ତରଂଜନ ସିଂ) ଚାରିଛକ- ଫୁଲବାଣି ରାସ୍ତାର ରାଣିପଥର ଘାଟି ନିକଟରେ ଆଜି ଭୋର୍ ସକାଳୁ ଏକ କାର୍ ଦୁର୍ଘଟଣା ଗ୍ରସ୍ତ ହୋଇ ଜଣେ ଶିକ୍ଷୟତ୍ରୀ ଗୁରୁତର ହୋଇଥିବା ଜଣାପଡିଛି । ସୁଚନାମତେ (ଓଡି ୦୭ ଏଏ ୦୧୭୫) ନାମକ ଏକ କାର୍ ବୌଦ୍ଧ ବାପୁଜିନଗର ରୁ ବାହାରି ଫୁଲବାଣି ଯାଉଥିବା ସମୟରେ କାର୍ ଟି ଭାରସାମ୍ୟ ହରାଇ ଦୁର୍ଘଟଣା ଗ୍ରସ୍ତ ହୋଇଥିଲା ।
ଫଳରେ କାର୍ ଥିବା ଶିକ୍ଷୟତ୍ରୀ ଦିବ୍ୟରାଣି ମୁଖୀ(୨୭) ଗୁରୁତର ଥିବାବେଳେ, ଚାଳକ ସାମାନ୍ୟ ଆହତ ହୋଇଥିବା ଜଣାପଡିଛି । ପରେ ଖବର ପାଇ ଚାରିଛକ ଅଗ୍ନିଶମ ବିଭାଗ ପଂହଚି ଗୁରୁତର ଶିକ୍ଷୟତ୍ରୀଙ୍କୁ ପୁରୁଣାକଟକ ମେଡିକାଲ୍ ରେ ଭର୍ତି କରିଥିବା ଜଣାପଡିଛି । ସୁଚନା ଥାଉକି ଶିକ୍ଷୟତ୍ରୀ ଜଣକ ଆଠମଲ୍ଲିକ ପ୍ରାଥମିକ ବିଦ୍ୟାଳୟରେ ଶିକ୍ଷୟତ୍ରୀ ଭାବେ କାଯ୍ୟ କରୁଥିବା ଜଣାପଡିଛି ।
