ହିତାଧିକାରୀଙ୍କୁ କେବଳ ସରକାରୀ ଅଧିକାରୀ ଅର୍ଥ ବଣ୍ଟନ କରନ୍ତୁ : ଯାଜପୁର ଜିଲ୍ଲାପାଳ

1236 0

ଭୁବନେଶ୍ୱର: ତା ୧୫/୪ : କରୋନା ମୁକାବିଲା ସହ ବିଭିନ୍ନ ହିତାଧିକାରୀଙ୍କୁ ଖାଦ୍ୟ ସୁରକ୍ଷା ଅଧିନରେ ଚାଉଳ, ଦୁସ୍ଥ ଓ ଅସହାୟମାନଙ୍କୁ ରନ୍ଧାଖାଦ୍ୟ ପ୍ରଦାନ ପାଇଁ ସରକାର ବ୍ୟବସ୍ଥା କରିଛନ୍ତି । ସେହିପରି ଖାଦ୍ୟ ସୁରକ୍ଷା ଯୋଜନାର ହିତାଧିକାରୀ, ନିର୍ମାଣଶ୍ରମିକ ମାନଙ୍କୁ ଯଥାକ୍ରମେ ଏକହଜାର ଓ ଏକହଜାର ପାଂଚଶହ ଟଙ୍କାର ନଗଦ ଅର୍ଥପ୍ରଦାନ କରିବାକୁ ନିର୍ଦ୍ଧେଶ ଦେଇଛନ୍ତି । ତେବେ ସଂପୃକ୍ତ ହିତାଧିକାରୀ ମାନଙ୍କୁ କେବଳ ସରକାରୀ ଅଧିକାରୀ ବା କର୍ମଚାରୀ ହିଁ ଅର୍ଥ ବଣ୍ଟନ କରିବାକୁ ନିର୍ଦ୍ଧେଶ ରହିଛି ବୋଲି ଯାଜପୁର ଜିଲ୍ଲାପାଳ ରଂଜନ କୁମାର ଦାସ ପୂର୍ବରୁ ସ୍ପଷ୍ଟ କରି ଦେଇଥିଲେ । ଏହା ସତ୍ୱେ କିଛି ଅଧିକାରୀ ଓ କର୍ମଚାରୀ ରାଜନୈତିକ ପୃଷ୍ଟ ପୋଷକତା ହାସଲ କରିବାକୁ, ରାଜନୈତିକ ନେତୃବୃନ୍ଦଙ୍କର ପ୍ରିୟପାତ୍ର ହେବାକୁ ସେମାନଙ୍କ ମାଧ୍ୟମରେ ଏହି ସରକାରୀ ଅର୍ଥ ବଣ୍ଟନ କରୁଥିବାର ଖବର ଜିଲ୍ଲା ପ୍ରଶାସନ ନିକଟରେ ପଂହଚିଛି । ଏହାକୁ ଅତ୍ୟନ୍ତ ଗୁରୁତର ସହ ନେଇ ଯାଜପୁର ଜିଲ୍ଲାପାଳ ଶ୍ରୀ ଦାସ ଏହି କାର୍ଯ୍ୟରେ ଜଡି଼ତ ଯେକୌଣସି ଅଧିକାରୀ ଓ କର୍ମଚାରୀଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି ।

ଯାଜପୁର ପଣସା ପଂଚାୟତର ବିନ୍ଧାଣ ଗ୍ରାମରେ ହିତାଧିକାରୀଙ୍କୁ ଟଙ୍କା ବାଣ୍ଟିବାକୁ ଶିକ୍ଷକ ମହେନ୍ଦ୍ର ଜେନାଙ୍କୁ ଦାୟିତ୍ୱ ଦିଆଯାଇଥିଲା । ତେବେ ଶ୍ରୀ ଜେନା ଏହି ଅର୍ଥକୁ ଜନୈକ ରାଜନୈତିକ ବ୍ୟକ୍ତିଙ୍କ ହସ୍ତରେ ବଣ୍ଟନ କରୁଥିବାର ଜଣାପଡି଼ବା ପରେ ତୁରନ୍ତ ଶ୍ରୀ ଜେନାଙ୍କୁ ଅର୍ଥ ବଣ୍ଟନ ପ୍ରକ୍ରିୟାରୁ ଅବ୍ୟାହତି ଦିଆଯିବା ସହ କାରଣ ଦର୍ଶାଅ ନୋଟିସ୍ ଜାରି କରାଯାଇଛି । ତାଙ୍କର ପରବର୍ତୀ କାର୍ଯ୍ୟସ୍ଥଳ ସାନ ତ୍ରିଲୋଚନପୁର ଗ୍ରାମ କଣ୍ଟେନମେଣ୍ଟ ଜୋନର ସୁପରଭାଇଜର ହିସାବରେ ଯାଜପୁର ବି.ଡି.ଓ ଧାର୍ଯ୍ୟ କରିଛନ୍ତି । ସେହିପରି ଯାଜପୁର ସହକାରୀ ଯୋଗାଣ ଅଧିକାରୀ ପ୍ରହଲ୍ଲାଦ ସେଠୀ ଓ ଯାଜପୁର ଟାଉନ ଯୋଗାଣ ନିରୀକ୍ଷକ କେ. ଆକ୍‌ସ୍ମିକା ରାଉତରାୟଙ୍କୁ ମଧ୍ୟ ଅନୁରୂପ କାର୍ଯ୍ୟକରିଥିବାରୁ ଜିଲ୍ଲାପାଳ ଶ୍ରୀ ଦାସ କାରଣ ଦର୍ଶାଅ ନୋଟିସ୍ ଜାରି କରିଛନ୍ତି । ଅପରପକ୍ଷରେ ଜିଲ୍ଲାର ଅନ୍ୟ କୌଣସି ସ୍ଥାନରେ ଯେପରି ଏହିଭଳି ଘଟଣାର ପୁନରାବୃତି ନହୁଏ ସେଥିପାଇଁ ଜିଲ୍ଲାପାଳ ସମସ୍ତଙ୍କୁ ସତର୍କ କରାଇଦେବା ସହ ଏହାର ଉଂଲଘନ କ୍ଷେତ୍ରରେ ଦୃଢ଼ରୁ ଦୃଢ଼ତର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କଡ଼ା ନିର୍ଦ୍ଧେଶ ଦେଇଛନ୍ତି ।

Related Post

ଯାଜପୁରର ଅଧିଷ୍ଠାତ୍ରୀ ଦେବୀ ମା ବିରଜା ମନ୍ଦୀର ପ୍ରଶାସନ ପକ୍ଷରୁ ସତର୍କତା ମୂଳକ ପଦକ୍ଷେପ

Posted by - March 17, 2020 0
ଯାଜପୁର:(ଆନନ୍ଦ ଚନ୍ଦ୍ର ସାହୁ )କୋରୋନା ସଂକ୍ରମଣକୁ ରୋକିବା ପାଇଁ ଯାଜପୁରର ଅଧିଷ୍ଠାତ୍ରୀ ଦେବୀ ମା ବିରଜା ମନ୍ଦୀର ପ୍ରଶାସନ ପକ୍ଷରୁ ସତର୍କତା ମୂଳକ ପଦକ୍ଷେପ ଗ୍ରହଣ କରାଯାଇଛି…

ରୋଗୀ କଲ୍ୟାଣ ସମିତି କାର୍ଯ୍ୟକାରିଣୀ କମିଟି ବୈଠକ

Posted by - July 27, 2020 0
ଯାଜପୁର ଅଫିସ: ତା ୨୭ା୭ : ରୋଗୀ କଲ୍ୟାଣ ସମିତି କାର୍ଯ୍ୟକାରିଣୀ କମିଟି ବୈଠକ ସୋମବାର ପୂର୍ବାହ୍ନରେ ଜିଲ୍ଳ୍‌ା କାର୍ଯ୍ୟାଳୟ ସମ୍ମିଳନୀ ଗୃହରେ ଅନୁଷ୍ଠିତ ହୋଇଥିଲା ।…

ନୂତନ ସ୍ମାର୍ଟ ହେଲଥ କାର୍ଡ ବଣ୍ଟନ ନିମନ୍ତେ ବୈଠକ

Posted by - August 7, 2021 0
ମାଲକାନଗିରି:(ଅବଦୁଲ ଗନି) ଜିଲ୍ଲା ମାଥିଲି ବ୍ଲକ କାର୍ଯାଳୟ ବୈଠକ ଗୃହ ଠାରେ ବିଡିଓ ଅଶିଷ କୁମାର ଭୋଇ ଙ୍କ ସଭାପତିଥିରେ ରାଜ୍ୟସରକାରଙ୍କ ଦ୍ୱାରା ଚଳିତ ମାସ ଅଗଷ୍ଟ…

ଶିକ୍ଷୟିତ୍ରୀ ଙ୍କୁ ଅବସରରେ କାଳୀନ ବିଦାୟ ସମ୍ବର୍ଦ୍ଧନା

Posted by - October 1, 2021 0
ବୌଦ୍ଧ: (ଚିତ୍ତରଞ୍ଜନ ସିଂହ )ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ପୁରୁଣାକଟକ କ୍ଲଷ୍ଟର ତରଫରୁଅବସର ପୁରୁଣାକଟକ ନୋଡାଲ ୟୁପି ସ୍କୁଲ ର ଶିକ୍ଷୟିତ୍ରୀ କସ୍ତୁରୀ ଦାସ ଙ୍କୁ ଅବସର…

Leave a comment

Your email address will not be published.