[mashshare buttons="false"]
ଯାଜପୁର:ଆଜାଦି କା ଅମୃତ ମହୋତ୍ସବ ଅବସରରେ ରାଜ୍ୟ ସରକାରଙ୍କ ସୂଚନା ଓ ଲୋକ ସଂପର୍କ ବିଭାଗ ପକ୍ଷରୁ ଗାନ୍ଧି ବିଚାରଧାରା ର ପ୍ରଚାର ପ୍ରସାର ସହିତ ସ୍ୱାଧିନତା ସଂଗ୍ରାମୀ ମାନଙ୍କ ତ୍ୟାଗ ଓ ବଳିଦାନର ସ୍ମୃତିଚାରଣ ଉଦ୍ଧେଶ୍ୟରେ ଏହି ରଥ ସାରା ରାଜ୍ୟ ପରିକ୍ରମା କରୁଛି ।ଯାଜପୁର ଜିଲା ପ୍ରଶାସନ ପକ୍ଷରୁ ଦେବୀଗଡାରେ ଦୁଇଟି ରଥକୁ ସ୍ୱାଗତ କରାଯାଇଛି ଜିଲାପ୍ରଶାସନ ପକ୍ଷରୁ ଜିଲାପାଳ ଚକ୍ରୱର୍ତି ସିଂ ରାଠୋର, ଅତିରିକ୍ତ ଜିଲାପାଳ ଅକ୍ଷୟ କୁମାର ମଳ୍ଲିକ, ଜିଲ୍ଲା ପରିଷଦ ନଳିନୀପ୍ରଭା ଜେନା,ଯାଜପୁର ପୌରପାଳିକାର ଅଧ୍ୟକ୍ଷା ରଂଜୁଲତା ହୋତା,ଉପାଧ୍ୟକ୍ଷ ସନ୍ତୋଷ କୁମାର ମଲ୍ଲିକ ଙ୍କ ସମେତ ଯାଜପୁର ବିଧାୟକଙ୍କ ପ୍ରତିନିଧି ଭବପ୍ରସାଦ ଦାସ ପ୍ରମୁଖ ଏହି ରଥକୁ ସ୍ୱାଗତ କରିଥିଲେ । ଜିଲା ସଂସ୍କୃତି ବିଭାଗ ପକ୍ଷରୁ ଆୟୋଜିତ ବିଭିନ୍ନ ପ୍ରକାର ସାଂସ୍କୃତିକ ଦଳ ବିଭିନ୍ନ କାର୍ଯ୍ୟକ୍ରମ ପରିବେଶଣ କରାଯାଇଥିଲା । ଏହି ରଥ ସମଗ୍ର ଯାଜପୁର ପୌରାଂଚଳ ପରିକ୍ରମା କରିଥିଲା । ଯେଉଁଥିରେ ବିଭିନ୍ନ ସ୍କୁଲ କଲେଜର ଛାତ୍ର ଛାତ୍ରୀ, ବୁଦ୍ଧିଜିବି, ସାହିତ୍ୟିକ,ବିଭିନ୍ନ ସାଂସ୍କୃତିକ ଅନୁଷ୍ଠାନର ସଦସ୍ୟ ମାନେ ସାମିଲ ହୋଇ ରଥକୁ ସ୍ୱାଗତ କରିଥିଲେ । ଏହି କାର୍ଯ୍ୟକ୍ରମରେ ଛାତ୍ର ଛାତ୍ରୀ ମାନଙ୍କ ଦ୍ୱାରା ୧୬୦ ମିଟର ଲମ୍ବା ତ୍ରିରଂଗା ପ୍ରଦର୍ଶିତ ହୋଇଥିଲା ।ଏହି ରଥ ଆସନ୍ତା ୩ ଦିନ ଧରି ଜିଲାର ୧୦ଟି ବ୍ଲକ ଏବଂ ଦୁଇଟି ପୌରପାଳିକା ଅଂଚଳରେ ପରିଭ୍ରମଣ କରି ଗାନ୍ଧିବାଦର ପ୍ରଚାର କରିବ ।
Read More
