ଟିଟିଲାଗଡ଼:(ସଞ୍ଜୟ କୁମାର ନାୟକ)ପ୍ରବଳ ଉଦ୍ଦୀପନାର ସହିତ ସୌହାର୍ଦ୍ଦ୍ୟପୂର୍ଣ୍ଣ ବାତାବରଣରେ ଉଦଘାଟିତ ହୋଇଥିବା ତ୍ରିଦିବସୀୟ ଦ୍ଵିତୀୟ କ୍ଲଷ୍ଟର୍ ସ୍ତରୀୟ ଭଲିବଲ ପ୍ରତିଯୋଗିତା ଗୁରୁବାର ସଂଧ୍ୟାରେ ଉଦଯାପିତ ହୋଇଯାଇଛି । ଶିକ୍ଷା,ସଂସ୍କୃତି ଏବଂ ସମ୍ଭାବନା ସୃଷ୍ଟିର ଉତ୍ତମ ଭିତ୍ତିଭୂମି ଓମଭେଲି ବିଦ୍ୟାଳୟ ପରିସରରେ ଗତ ତାରିଖ ୩୧/୧୦/୨୦୨୩ ଠାରୁ ଆରମ୍ଭ ହୋଇଥିବା ପ୍ରତିଯୋଗିତାର ଗୁରୁବାର ଦିନ ଥିଲା ତୃତୀୟ ତଥା ଅନ୍ତିମ ଦିବସ । ମୋଟ ୪୪ ଟି ଦଳ ଏଥିରେ ଅଂଶଗ୍ରହଣ କରିଥିଲେ । ବାଳକ ବର୍ଗରେ ନର୍ଥ ପଏଣ୍ଟ ସିଲିଗୁଡି ଦଳ ଚମ୍ପିୟାନ ହୋଇଥିବା ବେଳେ ଡି.ପି.ଏସ୍ ସିଲିଗୁଡି ଦଳ ଉପବିଜେତା ହୋଇ ଜାତୀୟ ସ୍ତରରେ ଅଂଶଗ୍ରହଣ ପାଇଁ ଯୋଗ୍ୟତା ଅର୍ଜ୍ଜନ କରିଛନ୍ତି । ଏହି କ୍ରମରେ ବି.ଏସ୍.ଏଫ୍ ସିଲିଗୁଡି ଦଳ ତୃତୀୟ ସ୍ଥାନ ଅଧିକାର କରିଛନ୍ତି । ସେହିପରି ବାଳିକା ବର୍ଗରେ ଜି.ଡି . ଗୋଏଙ୍କା ସିଲିଗୁଡି ଦଳ ଚମ୍ପିୟାନ ହୋଇଥିବା ବେଳେ ଟି.ଆଇ.ଜି. ପି.ଏସ୍.ସିଲିଗୁଡି ଦଳ ଉପବିଜେତା ହୋଇ ଜାତୀୟ ସ୍ତରରେ ଅଂଶଗ୍ରହଣ ପାଇଁ ଯୋଗ୍ୟତା ଅର୍ଜ୍ଜନ କରିଛନ୍ତି । ଦିଲ୍ଲୀ ପବ୍ଲିକ ସ୍କୁଲ ଭିଲାଇ ଦଳକୁ ତୃତୀୟ ସ୍ଥାନ ମିଳିଛି ।
ବାଳିକା ବର୍ଗ:- ୧-ସର୍ବୋତ୍ତମ ସେଟର- ଇଭା ସାହା (ଜି.ଡି ଗୋଏଙ୍କା) ,୨- ଅଫକମିଙ୍ଗ ଖେଳାଳୀ – ସୁଭିକ୍ଷା ସୁବା,(ଟି.ଆଇ.ଜି.ପି.ଏସ୍) ,୩- ଟୁର୍ଣ୍ଣାମେଣ୍ଟର ସର୍ବୋତ୍ତମ ଖେଳାଳୀ- ଦିବ୍ୟାଙ୍କା ଗୋଲେ (ଜି.ଡି ଗୋଏଙ୍କା) ), ୧- ବାଳକ ବର୍ଗ:- ସର୍ବୋତ୍ତମ ସେଟର- କର୍ମନ୍ୟ ସିଂ (ଡି.ପି.ଏସ ସିଲିଗୁଡି) ,୨- ସର୍ବୋତ୍ତମ ଅଫକମିଙ୍ଗ -ସଚିନ ରାଜ ଗୁପ୍ତା ( ଏନ୍.ପି.ଆର ସିଲିଗୁଡି) ,୩- ଟୁର୍ଣ୍ଣାମେଣ୍ଟର ସର୍ବୋତ୍ତମ ଖେଳାଳୀ- ଦେବାନିକ କୁଣ୍ଡୁ (ଏନ୍ ପି ଆର ସିଲିଗୁଡି) ଙ୍କୁ ସ୍ଵତନ୍ତ୍ର ପୁରସ୍କାରରେ ପୁରସ୍କୃତ କରାଯାଇଥିଲା।ପର୍ଯ୍ୟବେକ୍ଷକ ମହମ୍ମଦ ସମିମ୍ ଖାଁ ଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ୧୧ ଜଣ ଆନ୍ତର୍ଜାତୀୟ, ଜାତୀୟ ଏବଂ ରାଜ୍ୟ ସ୍ତରୀୟ ବିଚାରକବିନୋଦ ନାୟାର ,ନିରଞ୍ଜନ ନାୟକ,ଦୁର୍ଗା ପ୍ରସାଦ ପଟ୍ଟନାୟକ ,ଅଭୟ ଗନୋନକର ,ମଧୁସୂଦନ ହନୋନେ ,ସଞ୍ଜୀବ ଚାନ୍ଦ,ଭି.ଏନ୍.ସୋନି,ରାକେଶ ସିଂ,ସଞ୍ଜୟ ବଳ ,ଚେଦିଲାଲ ପାଣ୍ଡେ ,ଆଶୁତୋଷ ଖେଳ ପରିଚାଳନା କରିଥିଲେ ।
କୃତି ପ୍ରତିଯୋଗୀମାନଙ୍କୁ ମୁଖ୍ୟ ଅତିଥି ଏବଂ ସମ୍ମାନିତ ଅତିଥିଗଣ ଟ୍ରଫି ପ୍ରଦାନ କରିଥିଲେ । ଅନ୍ତିମ ପ୍ରତିଯୋଗିତାରେ ଓମଭେଲି ବିଦ୍ୟାଳୟର ସଂସ୍ଥାପକ ତଥା ଚେୟାରମେନ ଲାୟନ ଶ୍ରୀ ଦୀପକ କୁମାର ସାହୁ , ମୁଖ୍ୟ ଅତିଥି,ପରିଚାଳନା ନିର୍ଦ୍ଦେଶକା ଶ୍ରୀମତୀ ବିଭାରାଜ ଗୁପ୍ତା ସମ୍ମାନିତ ଅତିଥି, ବିଦ୍ୟାଳୟର ଅଧ୍ୟକ୍ଷ ଶ୍ରୀଯୁକ୍ତ ମହେଶ୍ଵର ପ୍ରସାଦ ମିଶ୍ର, ପର୍ଯ୍ୟବେକ୍ଷକ ମହମ୍ମଦ ସମିମ୍ ଖାଁ ଏବଂ ଖେଳ ବିଚାରକମାନେ ଯୋଗଦେଇ କ୍ରୀଡ଼ାବିତ୍ ମାନଙ୍କୁ ଉତ୍ସାହିତ କରିଥିଲେ । ଭବ୍ୟ ମଞ୍ଚରେ ବିଚାରକ ମଣ୍ଡଳୀଙ୍କୁ ଉପଢୌକନ ସହିତ ସମ୍ମାନିତ କରାଯାଇଥିଲା ।
ମଞ୍ଚ ପରିଚାଳନା କରିଥିଲେ ଶ୍ରୀମତି ସସ୍ମିତାଦଳେଇ।ମୁଖ୍ୟ ଅତିଥି ଲାୟନ ଶ୍ରୀଯୁକ୍ତ ଦୀପକ କୁମାର ସାହୁ ନିଜ ଅଭିଭାଷଣରେ କ୍ରୀଡ଼ାବିତ୍ ମାନଙ୍କୁ କ୍ରୀଡାର ମହତ୍ତ୍ଵ ସମ୍ପର୍କରେ ଉଦବୋଧନ ଦେଇଥିଲେ । ବିଦ୍ୟାଳୟର ଶିକ୍ଷକ, ଶିକ୍ଷୟିତ୍ରୀ, ଛାତ୍ରଛାତ୍ରୀ ଏବଂ ଅନ୍ୟ ସମସ୍ତ କର୍ମଚାରୀ ଅକ୍ଲାନ୍ତ ପରିଶ୍ରମ ଏବଂ ସହଯୋଗ କ୍ରମେ ପ୍ରତିଯୋଗିତାଟି ସମ୍ପୂର୍ଣ୍ଣ ସଫଳତାର ସହିତ ଉଦଯାପିତ ହୋଇଛି । କାର୍ଯ୍ୟକ୍ରମ ସରିବା ପରେ ଓମ ଭ୍ୟାଲି ସ୍କୁଲ ଛାତ୍ର ଛାତ୍ରୀ ମାନଙ୍କ ଦ୍ବାରା ଅତି ସୁନ୍ଦର ସାଂସ୍କୃତିକ ନୃତ୍ୟ ପରିବେଷଣ କରାଯାଇଥିଲା।
