ବୌଦ୍ଧ: ( ଚିତ୍ତରଞ୍ଜନ ସିଂହ )ବୌଦ୍ଧ ଜିଲ୍ଲା ବିଜେପି କାର୍ଯ୍ୟାଳୟ ରାମେଶ୍ବର ବିହାର ଠାରେ ଏକ ଜିଲ୍ଲା ସ୍ତରୀୟ ଗାନ୍ଧୀ ଜୟନ୍ତି ଓ ଶାସ୍ତ୍ରୀ ଜୟନ୍ତୀ ପାଳିତ ହୋଇଯାଇଛି।ଆଜି ହେଉଛି ଜାତିର ଜନକ ମହାତ୍ମା ଗାନ୍ଧୀ ଙ୍କ ୧୫୪ ତମ ଜୟନ୍ତୀ ।ଓ ତତ୍ ସହିତ ପୂର୍ବତନ ପ୍ରଧାନମନ୍ତ୍ରୀ ସ୍ବର୍ଗତ ଲାଲ ବାହାଦୁର ଶାସ୍ତ୍ରୀ ଜୟନ୍ତୀ ଏକ ସାଙ୍ଗରେ ପାଳିତ ହୋଇଯାଇଛି।
ଗାନ୍ଧୀ ଜୟନ୍ତୀ ର ତାତ୍ପର୍ଯ୍ୟ କେବଳ ତାଙ୍କ ଜନ୍ମ ଦିନ ପାଳନ ରେ ନିହିତ୍ ନାହିଁ, ବରଂ ଏହା ସାମାଜିକ ନ୍ୟାୟ ଓ ଶାନ୍ତି ଉପରେ ତାଙ୍କର ଅବିଚଳିତ ପ୍ରତିବଦ୍ଧତା କୁ ସ୍ଵୀକୃତି ପ୍ରଦାନ କରିଥାଏ। ଜାତିସଂଘ ର ସାଧାରଣ ସଭାର ଅନୁମୋଦନ କ୍ରମେ ୨୦୦୭ ମସିହା ଠାରୁ ପ୍ରତିବର୍ଷ ଗାନ୍ଧୀ ଜୟନ୍ତୀ କୁ ଆନ୍ତର୍ଜାତିକ ଅହିଂସା ଦିବସ ରୂପେ ପାଳନ କରାଯାଉଅଛି । ସେହି ପରି ଶାସ୍ତ୍ରୀ ଜୟନ୍ତୀ କୁ ଲାଲ ବାହାଦୁର ଶାସ୍ତ୍ରୀ ଙ୍କ ନିର୍ମଳ ଭ।ବ ମୂର୍ତ୍ତି କୁ ଜାତୀୟ ସଂଗ୍ରାମ ର ନେତା ମାନେ ସ୍ଵୀକୃତି ପ୍ରଦାନ କରିଥିଲେ ।ତାଙ୍କ ର ସ୍ଲୋଗାନ ପାକିସ୍ତାନ ସହ ଯୁଦ୍ଧ ସମୟରେ ” ଜୟ ଯବାନ ଜୟ କିଶ।ନ” ଆଜି ପର୍ଯ୍ୟନ୍ତ ପ୍ରଚଳିତ ହେଉଅଛି ।
ଆଜିର ଏହି ପବିତ୍ର ଦିନରେ ସମସ୍ତ କାର୍ଯୟକ୍ରମକୁ ଜିଲ୍ଲା ବିଜେପି ସଭାପତି ଶ୍ରୀ ବିପ୍ର ଚରଣ ମହାନ୍ତି ଙ୍କ ନେତୃତ୍ବରେ ଅନୁଷ୍ଟିତ ହୋଇଥିଲା ଓ ଏହି ସବୁ କାର୍ଯ୍ୟକ୍ରମ ରେ ଜିଲ୍ଲା ବିଜେପି ର ବରିଷ୍ଟ ନେତୃବୃନ୍ଦ ପ୍ରମୁଖ ସର୍ବଶ୍ରୀ ଶ୍ୟାମ ସୁନ୍ଦର ପୁରୋହିତ , ମନ ରଞ୍ଜନ ଦାସ, ରାଜ କୁମାର ମେହେର, ନିରଞ୍ଜନ ଦାନୀ ,ଶ୍ରୀମତୀ ନମିତା ରାଣୀ ଦାସ ଙ୍କ ସହିତ ବହୁ କର୍ମକର୍ତ୍ତା ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମ ରେ ଯୋଗଦାନ କରିଥିଲେ ।
