ଜୋରିମାନା ପଡ଼ିଲା ୧ ଲକ୍ଷ ୬୩ ହଜାର ଟଙ୍କା
ଟିଟିଲାଗଡ:(ସଞ୍ଜୟ କୁମାର ନାୟକ)ସରକାରଙ୍କ ପରିବହନ ବିଭାଗ ପକ୍ଷରୁ ବାରମ୍ବାର ଜନସାଧାରଣଙ୍କୁ ନିଜ ଗାଡ଼ିର କାଗଜପତ୍ର, ଇଁଶ୍ୟୁରେନ୍ସ, ଫିଟନେସ, ପୋଲ୍ୟୁସନ୍ ସାର୍ଟିଫିକେଟ ସଦାବେଳେ ଠିକ କରି ରଖିବାକୁ କୁହାଯାଉଛି। ବାରମ୍ବାର ତାଗିଦ କରିବା ସହ ଆଇନ ଉଲଂଘନ ନ କରିବା ପାଇଁ ଲୋକଙ୍କୁ ସଚେତନ କରାଯାଉଛି।
ଏହା ପରେ ମଧ୍ୟ ଟିଟିଲାଗଡ ଡିଏଭି ପବ୍ଲିକ ସ୍କୁଲର ଛ ଟି ସ୍କୁଲ ବସ ବିନା ଫିଟନେସ, ଇନ୍ସ୍ୟୁରେନ୍ସ, କାଗଜପତ୍ର ଠିକ ନ ଥାଇ ପ୍ରତି ବସରେ ସିଟ ସଂଖ୍ୟା ଠାରୁ ଅଧିକ ଛାତ୍ର ଛାତ୍ରୀ ମାନଙ୍କୁ ଅସୁରକ୍ଷିତ ଅବସ୍ଥାରେ ନେଉଥିବା ବେଳେ ବଲାଙ୍ଗୀର ଏମଭିଆଇ (ଆରଟିିଓ) ବିଭାଗ ତରଫରୁ ସ୍ଥାନୀୟ ଡିଏଭି ମହାବିଦ୍ୟାଳୟ ନିକଟରେ ଅଚାନକ ଚଢ଼ାଉ କରି ସମସ୍ତ ବସକୁ ଅଟକାଇ କାଗଜପତ୍ର ଯାଞ୍ଚ କରିବାରୁ କିଛି ଚାଳକ ମାନେ କିଛି କାଗଜପତ୍ର ଦେଖାଇ ପାରିଲେ ନାହିଁ, ଛାତ୍ର ଛାତ୍ରୀଙ୍କ ଜୀବନକୁ ବିପଦରେ ପକାଇ କିଭଳି ସରକାରି ନିୟମକୁ ନ ମାନି ବିଦ୍ୟାଳୟର ପ୍ରିନ୍ସିପାଲ ଏହିପରି ଅସୁରକ୍ଷିତ ବସ ଯୋଗେ ଛୁଆ ମାନଙ୍କୁ ନେବା ଆଣିବା କରୁଥିଲେ ଏହା ଦେଖି ଏମଭୀଆଈ (ଆରଟିଓ) ଅଧିକାରୀ ଚକିତ ହୋଇଯାଇଥିଲେ।
ଏହି ଚଢାଉରେ ଟ୍ରାଫିକ ଇନ୍ସପେକ୍ଟର ୟସବନ୍ତ ଚୀନାରାଙ୍କ ଗୋଟିଏ ଟିମ ସହ ହରେକୃଷ୍ଣ ନାୟକ, ସିଶିଲିଆ ହୋରୋ, ସତ୍ୟରଞ୍ଜନ ପ୍ରଧାନ ଏବଂ ଅନ୍ୟାନ୍ୟ ଷ୍ଟାଫ ସାମିଲ ଥିଲେ। ବର୍ତମାନ ଛ ଟି ଗାଡ଼ିକୁ ଗାଡ଼ିକୁ ଫାଇନ ପକାଇବା ସହ ସାତ ଦିନ ଭିତରେ ଗାଡ଼ିର କାଗଜପତ୍ର ଠିକ ନ କଲେ ଗାଡି ସିଜ କରାଯିବ ବୋଲି ଚେତାବନୀ ଦିଆଯାଇଛି। ଖୋଦ୍ ପରିବହନ ମନ୍ତ୍ରୀଙ୍କ ନିଜ ସହରରେ ଏଭଳି ଅବ୍ୟବସ୍ଥା ବିଷୟରେ ଆମ ଖବରକାଗଜରେ ପୁର୍ବରୁ ପ୍ରକାଶିତ କରିଥିଲୁ, ଡେରିରେ ହେଉ ପଛେ ପରିବହନ ବିଭାଗ ପକ୍ଷରୁ ଏହି ଚଢାଉ ହେବା ପରେ ବହୁ ଛାତ୍ର ଛାତ୍ରି ବଡ଼ ବିପତ୍ତିରୁ ଉଦ୍ଧାର ପାଇଲେ ବୋଲି ସାଧାରଣରେ ଚର୍ଚ୍ଚା ହେଉଛି। ଏହି ବିଦ୍ୟାଳୟର ଅଧ୍ୟକ୍ଷ / ପ୍ରିନ୍ସିପାଲ କିଭଳି ଜାଣିଶୁଣି ଛାତ୍ର ଛାତ୍ରୀଙ୍କ ଜୀବନ ସହ ଖେଳ ଖେଳୁଥିଲେ, ଗାଡ଼ି ସବୁ ପୁରୁଣା ତଥା ବିନା ଫିଟନେସରେ ଚାଲୁଥିଲା। ପ୍ରିନ୍ସିପାଲଙ୍କୁ ପଚାରିବାରୁ ବିଦ୍ୟାଳୟର ଅବସ୍ଥା ଭଲ ନାହିଁ, ତିନୋଟି ନୂତନ ବସ ବରଗଡ଼ରୁ ଆଣିବା ପାଇଁ ଅର୍ଡର ଦେଇଛୁ ଆସିଲେ ପୁରୁଣା ବସକୁ ସ୍କ୍ରାପ ରେ ଦେବୁ ବୋଲି ନିଜ ପ୍ରତିକ୍ରିୟାରେ କହିଛନ୍ତି। ତାମାନେ ଜାଣିଶୁଣି ସେ ଏହି ବସ ଗୁଡ଼ିକୁ ଚଲାଉଥିବା ସ୍ବୀକାର କରିଛନ୍ତି।
